金殿堂@MGM

唉…今日樣樣衰衰終於死去帶口罩….因為我個喉有d唔舒服….要食住喉糖講野先會舒服d…..所以就帶口罩先可以一路食糖…一路坐counter……上個星期大出血左~~之後要慳少少先~~星期六：食祖兒~~..->學ukulele->去買泳衣去旅行->去800伴買低周波按摩器(終於捨得買..因為我催眠自己送俾媽媽做生日禮物)….全部野都係用利是錢買的…個心先舒服d~~…->去左百樂潮州酒樓….朋友替媽媽賀壽~…….星期日：去食南屏雅敍~~…->在毛寶家睇iron man….因為上左第三集佢叫我陪佢睇….我一集都未睇過…佢話要同我補習…..->食KFC做晚餐~~不過佢個避風塘雞認真麻麻~~(最衰係…佢唔好食之餘…我依家喉嚨痛就係因為佢囉…….@@)



飲茶試新野~去左MGM入面既金殿堂~~

地方環境算ok~唔太嘈~

點心選擇真係唔算多~~名就改得夠哂響……殿堂蝦餃皇$42…蜜汁叉燒包$28….鱈魚松仁露筍餃$38…蟹肉津菜春卷$32…響螺花菇咸水角$32……..d名幾勁呀….不過無一味會令人留下深刻印象囉……好似響螺花菇咸水角咁….完全食唔出有以上兩種料既味….有咸水角味囉…..

外型夠哂特別既南翔灌湯小籠包$48….收得呢個價…十分的不外如是…..d湯又唔夠多同好味…..我寧願食秀蘭$28 4隻既小籠包仲正囉~~又多湯肉又夠嫩皮又薄~

鮮竹牛肉球$28…呢個無咩印象好無味~~

摩利菌黑豚燒賣$38..又係個名夠哂勁~味道一d都唔勁~

瑤柱燒鵝絲炆鴛鴦米$138….個樣唔討好…不過我覺得呢個係呢一日最好味既野~

係呢度飲茶有一段好搞笑既對話~~~~侍應姐姐對住毛寶……..同佢講左好多次：小朋友…你想飲咩茶呀?……………….講左好多次…毛寶終於忍唔住回應：我唔係小朋友呀…….此時侍應小姐好驚即刻道歉…但係：對唔住呀先生!!!!…………..毛寶：%#&$^@^@&…..哈哈~~~~~~~~~~~~~~~~~呢件事我笑左勁耐仲周圍同人講~~~~~~



去飲茶哥時咁岩係差唔多聖誕節囉~~MGM個玻璃大空地成日都有d好靚既佈置~~哥期既聖誕裝飾都幾唔錯喎~~~~~~~

仲有一d小檔~~專賣聖誕節既裝飾或者野食~~~幾得意~~~

感覺上有一點點海港城feel~~唔錯唔錯~~之前咪有個蝴蝶館既…今期好似係水族館呢~~期待去睇睇呢~~~

哈哈~~
我今個禮拜終於練成左一首歌可以自彈自唱~~
仲放左上fb~~~~~咁耐以黎~~
有一首喇~~~~~
不過我唔識將手提既片放上blog~~
唔知點同大家分享~~~有無人識整呀~~~



好開心~~~
番埋聽日工~~~
又放五一勞動節~~~happy~~



報時：距離冰島英國自由行之旅2013仲有—-39日~
倒數3字頭喇~~~緊張~~
但我地張歌劇飛寄左成個月都仲未番到黎呀~~
好驚呀~~~快d寄到黎啦~~~~~