我的生日會2012@千笹日本料理

救命囉……噚晚我樓上夜晚11點幾12點……個xx又dir肉餅囉…..癲架佢……我鬧上去：喂…你唔好再dir喇下…….成11點幾….你咁肚餓你唔識煮個麵食既….係要食肉餅既………………之後佢仲繼續…..完全觸動我既神經線….我和媽一齊上樓…諗住聽下係咪哥個單位..點知佢又無再黎……我地番落樓….佢先又再dir…..dir到12點42分…..佢真係痴線架囉….搞到我噚晚帶住氣憤心情入睡訓得超差!!!!邊有人好似佢咁自私架????管理處又廢………..今朝6點幾7點呀…佢又係睡房地下將一舊超大既野”龐”一聲一野撻落地下(聽都聽得出大舊)…….將我成個嚇醒…..忍無可忍係大堂電梯貼佢街招…….佢今晚再係咁…..我聽朝再貼一張指明係邊層邊戶既出黎!!!!!!!!!!有d咁既樓上….超級乞人憎….完全令人抓狂!!!!!!搞到我今日全日都無精神!!!!!!!



hehe~舊年生日係克羅地亞過~~所以之前毛寶為我提前慶生~~帶我去左當時都幾新既千笹日本料理(我到依家仲係唔知個笹字點讀~~)….地址：氹仔南京街17號花城(利茂大廈)地下…..電話：2883 5113

之前都幾多人去下~訂位會好d~




環境都幾好~設計令人感覺很日式居酒屋氣氛~~有塊大黑板寫上當天時令菜式~~

呢次係去到當天先訂位….所以我地只能坐到吧檯呢~

前菜叫左毛豆和醃漬螢燒魷魚~毛豆一般啦~都係上次狂歡三寶一齊去日本食哥次最好吃~~~其實好奇螢光魷魚咩味而叫的……原來也是生生的….我本身對生野無抗拒的….但係呢個魷魚生生的吃….我覺得哥種腥味令我有d反胃~~~

wow~~~~我地叫左個季節精選刺身拼盤….原價$698….特價$538~~~~都估唔到幾大盤下喎~~~~~~

拼盤內有秋刀魚(1條)….牡丹蝦(2隻)….海膽(1板)….油甘魚(4片)….帶子(1隻)….三文魚(4片)…….秋刀魚真的真的好好味~~超新鮮~~我第一次秋刀魚刺身~~真係好正~~…海膽也不錯吃~~~~帶子好味~~~其他的也好吃~~好難得叫一個拼盤我會覺得全部都岩我食架~

仲有叫左一系列的串燒…有鹽燒牛舌$32(一般~)…..鮮冬菇$12(都係黑沙肥佬的好吃一點~)…..燒大虎蝦$58(都係一般~攞到出黎好似唔係好熱咁~)…..多春魚$13(呢個可以話難食)…..燒原條茄子$36(燒得唔夠乾身呢…又淡茂茂~)…..佢d串燒都麻麻地~

北海道3.6牛乳廣島蠔鍋$118…..完全唔會推介食呢個~~~得4隻細到不得了既蠔…同d菜…咁就118~~唔抵~同埋食牛乳鍋漏到不得了~~~

呢個唔知咩鹽燒大蜆…好似70幾蚊…..超級好味~~~超鮮味~~~~爐端燒只有這一個合格~~燒得剛好~~~~

招待千笹蛋卷-芝士$48…..蛋卷不錯吃呢~~~~我超喜歡蛋卷類的物體~~

真係~~~好難令人相信我地兩個人可以食到咁多野呢~~~~好多謝寶寶請我吃好吃的~~~這是我去年的預祝生日飯囉~

依家無左翠如bb既走過浮華大地完全失色…
翠如bb同洪永成先係最夾架囉做節目…
無啦啦換左第二個…..湯小姐串洪永成串得又唔好笑..
俾人感覺佢只係真係串緊人d拜金女…
又話自己成日去法國…有香水樽橄欖油又唔知~
餘下落黎淨係望住洪永成算喇…
wakaka~有blog友話….
過多個幾月到我去英國時就可以睇到我既”走過浮華大地”blog..
但其實………
我只可以走”走過貧窮大地”既路線…
名牌~奢華生活~
通通無我份~~~~~~哈哈~~~~~



我前幾日睇左本飲食雜誌….
見到油麻地有一檔大排檔…..都做任食放題喎!!!!
$68蚊一個人….任食一個鐘!!!!
仲要係海鮮囉~~~~~
有避風塘炒蟹呀(按人數俾分量)….蒸蟶子呀…
帶子呀….蝦呀……多達17款任叫!!!!!(不過每樣只可叫一次)
不過都抵啦~~~全部海鮮…食足一個鐘…
先$68!!!無加一……..我平時去大排檔唔係任食都成最少$80幾啦..
我睇完諗緊：如果我住係香港…我會即刻衝去油麻地食囉!!!
你地會唔會????????



報時：距離冰島英國自由行之旅2013仲有—-45日~
其實…..我噚日等緊毛寶放工時太得閒…
咁我公司樓下又有成7間旅行社喎…
咁咪唔自覺咁行左入去…攞左d野睇睇~~
順便研究下……下一轉旅行囉~~~~~~~
有幾個心水地方都唔錯~~~~~~
希望到時會成團啦~~~~~~