2013-03-31 Part 1
好喇~~要開估喇~我之前懶神秘咁話去既哥間自認為好勁既日式放題就係位於尖沙咀環球貿易廣場(ICC)101樓既日本餐….田舍家……之前係雜誌呀….openrice既依評一致高度評價……….好似話晚餐set最低消費每人要1600hkd…….於是見到佢星期六日有任食brunch…..每位638hkd(連加一702hkd)…..見價錢比起佢夜晚親切咁多咁咪諗住帶媽媽黎試下囉~我之前聖誕試過book但勁爆….於是今次揀左復活節同媽媽去…年頭已book…..地址：尖沙咀柯士甸道西1號環球貿易廣場101樓A….電話：2972 2666
原來係同九龍站上蓋既圓方商場連接的~都幾方便~仲有專”車立”上到101樓~因為101樓有4間不同食肆~好似20幾秒就上到101樓呢~~勁~~
我地早左黎~~於是就周圍影下相先~環境都唔錯~~~檯同檯之間既密度可以接受~但張櫈坐得我唔算太舒服~(收我咁貴我梗係要認真d啦係咪先~~)
上到黎101樓喎…最殺食就梗係個景啦!!!不過大家都知復活節哥幾日天氣係點啦!!!陰雨天……我只係望佢唔好咁大雨令我咩都影唔到……呢日都算好彩….無落雨…不過….勁大霧囉~~~連對面岸都睇唔到…………………………淨係影到佢下面條海底隧道入口
等待中的少女~
猛咁迫我幫佢影…佢話個花好靚喎~
呢個放題既另一特點就係：汽酒~清酒~任飲~我地都飲左兩杯汽酒~
好喇~準12時開始~先食d沙律開開胃先~~都無咩話好無味….只要菜係新鮮已經ok~
刺身壽司檯~仲有其他前菜野食~如冷豆腐之類~
咁梗係要食食佢d刺身先啦~~選擇講真唔算多~第一round我攞左三文魚…赤貝和甜蝦……….第一舊就食三文魚…..華…..我唔覺得特別正囉~唔覺得肥美….比起我自己去大昌買既….更不如喎….更唔好用三井哥d厚切黎比….完全無得比!!!!!!!赤貝…..平時食落腥腥亨亨咁先正嘛…佢就係…一入口…..無味…唔知搞咩…….唯一可以讚係甜蝦…..鮮美!!
溫泉蛋我借我媽媽的影~
wow~有即整鐵板燒~即刻試試先~~~第一輪攞左鵝肝和薄燒牛肉….鵝肝配餅干唔錯~入口有溶化的感覺~~牛肉一般….生熟度剛好…..但因為以呢個價錢我會以為食完會發出：wow~…一聲既感覺…點知無….唔覺特別有牛味囉~
另外一個專整熟食的~有兩個人幫你即整~其中女的在弄shabushabu牛肉~不過我心諗….都係整熟舊牛黎食je~所以無食~另外仲有d關東煮清酒煮蜆之類~
另外一位男的在弄sukiyaki壽喜燒~那個汁的確好食~配哥d芋絲超好味呀個汁….但牛肉就…….整得有點過熟….有鞋鞋的感覺…..牛的味道也一般~都係無牛味~
之後攞左d關東煮的蘿蔔吃吃~超入味的~但關東煮的其他配料我就唔係太想食….心諗無理由俾成7舊水黎食獅子狗卦…………….之後再試鐵板燒的蝦和魚……魚好味呀~類似d鱈魚之類的~蝦就………………可以唔食就唔好食囉….完全d味係死實的…….唔會覺得係新鮮………
清酒煮蜆不錯吃~不過唔會有翻食既衝動~食到呢個時候食到已經無咩好食…就食下佢醃漬野~
上網睇佢d串燒好出名的….攞左燒雞翼同燒冬菇呢兩樣我既至愛吃吃………er….我只能夠講……兩樣都係黑沙既肥佬燒烤燒得好食d囉…..d冬菇燒到乾爭爭…又無落汁既….唔知想點!!!!!!!!……天婦蝦都ok既~
基本上成餐飯…..d霧都係咁~非常失望~
刺身再攞甜蝦~試埋北寄貝….北寄貝又係可以唔食就唔好食啦…..
甜品類有生果…..雞蛋布甸同水果jelly……無試到後面哥d囉…..睇個樣都唔多開胃….仲有人即整紅豆餅~
試左生果~~唔錯喎~~菠蘿同哈密瓜都超甜~~哈密瓜仲係疑似日本哥隻~
仲有4隻雪糕….有紅豆..黑芝麻..綠茶雪糕同埋柚子雪芭…4隻都好味~
坐坐下霧突然散咁d~~~~~~
呢兩張已經係坐咁耐最清楚影到對岸既相喇~~
我地由12點食到點半度就走左喇~(好似係12點食到3點)…..第一次係咁高既地方食飯~~(300幾米)…..不過食完呢餐飯…我和媽都覺得….食完….好似食左空氣落肚一樣~
經過圓方時影的復活節裝飾~睇下佢呢日既衣著幾潮~~摺起褲腳的成個頑童咁~~~
結論係：我唔算咀刁哥類人…….16蚊一包鹽酥雞我已經食得津津有味……成700蚊一位既日式放題….我將我平時要求提高dd都唔算過份je可~如果呢日係一個大晴天…我會非常有可能會被窗外美景迷惑…..但係呢日係無景睇呀嘛…..唯有專注野食既情形下只可以話係正常……..到走時我完全諗唔起有一樣係特別好食囉~種類又唔算多~亦不見特別出色~~呢700蚊….我認為大慨有400蚊去左個景度…..200蚊係環境同服務….另外100蚊先係野食度….我唔知佢夜晚係咪真係會好食好多…..但sunday brunch…….我一定唔會推介俾其他人食!!!!openrice多數人對佢既食物都俾到4-5星……我頂哂盡都只可以俾3星佢囉~~~真係要重新考慮下網上食評既可信性~~雖然我又中伏~~~但我知我媽還是開心的~這點我可以肯定~
我終於明白….點解香港人去到澳門時點解咁鐘意食自助餐仲要用又抵又好味形容~(無其他特別含意~因為真係有好多香港人咁同我講咋…)….因為真係幾抵~加埋一300幾….就已經食到5星級酒店既自助餐了~
我今日起身呀….
11點打開電視….做緊華仔既童夢奇緣…
講華仔本身係細路…但同阿爸後母相處得唔好離家出走..
想變大人….有個唔知神仙定咩幫佢達成..
但華仔一日日咁衰老….但知道家人重要之後..
已經番唔到轉頭…變成一個老伯伯…
華…….幾好睇喎..雖然我唔係由頭睇起…
由華仔變成大人開始睇…..(華仔真係好靚仔~)
但睇到最後佢變成老伯伯番去見佢阿爸黃日華時..
佢阿爸一巴打落去…仲問佢：點解你咁曳架!!!
哥時…..我一路食住麥當勞….一路喊到收唔到聲(畫面幾趣怪)
真係幾感動……
華仔走去搵哥個神仙諗住希望幫佢變番以前咁…
神仙同佢講：番唔到轉頭架喇..生命就係咁
"可悲既係….佢無得再黎一次
但可喜既係….佢亦無得再黎一次”
其實真係講得好岩……錯過或者後悔過…
依家黎認左改左佢咪得囉….做咩咁執著呢?
活在當下才是王道呢~
開心過生活總比愁眉苦面的好~
等我好好記住呢套戲既大道理先~~
今日…有同學仔係fb…
係chat room搞左個group..
約番d同學仔食飯~~~~
wow…..全部都係初一的同學仔..
我仲忘了…我以前係讀初一丁…miss ip哥班..
我真夠忘本……哈哈..
仲有同學仔post番一張初一去秋季旅行既相…
真係有點嘔心見到自己….畢竟…
都係15年前既事~~~~~~好老呀………
個個樣子唔係事業有成就係生哂仔女~~~~(我就傻仔一個~)
唔知哥日約出黎食飯會係點呢…
仲話會影張新舊對照….我怕我接受唔到考驗~wakakaka~
報時：距離冰島英國自由行之旅2013仲有—-64日~
沒有留言:
張貼留言