自製生日禮物(2)

今日天氣差得很~~中午臨訓晏覺係梳化望出窗外…..華….d雨係打橫咁落囉~~誇張~~~今日條頸超痛……5點半之後又係哥遲到大哂既人不停開籌……真心對佢地既時間觀念吹佢地唔脹~~~~~食飽媽媽煮既飯心情先平衡一點點~幸好明天已是friday~但相信整個週末都係大風大雨中渡過~



哈哈~我既自製生日卡創作又黎~~~毛寶舊年的生日我就整左張生日卡帶去韓國送俾佢喇~~~睇下個封~~~都係我自己整架~~無花無假~~連d信封邊都係我先已畫上去的~~~~信封由兩張廢紙整成~~

個信封真到去買郵票貼上去~~~~




大約有呢d材料啦~~~

係咪好奇怪樹枝同條麻繩可以做d咩???????哈哈~~



首先真係要多謝朗公子既建議….因為我想整一張波點的生日卡…..初頭諗住搵好大既打窿機打完再一粒粒貼….朗說：你唔知有一d圓型貼紙咩?????…….咁我又真係唔知喎~~仲要係白色的~~~真係無敵~~簡直係perfect~~

剪好卡紙大細….就貼白色貼紙變波點卡….發現齋貼都好辛苦~~好彩有朗公子~~


之後就諗住整d小裝飾添~~隻色都幾好睇呀可~~~~

兩隻花都好靚呀~~~好少女~~~少女就係會整到d少女野出黎~



差唔多得囉~~封面照我揀左日本pancake days既豆皮佬~~望到都開心~~

入面就係咁囉~~~樹枝同麻繩係想做我地兩個蕩千秋的感覺~~(幾藝術呀~~)

加埋柏仔~~感覺好似去左公園咁~~~我好鐘意d生日卡有大家既相~感覺好似一齊成長~

依家放埋一齊先發現…..兩張相合埋一齊擺竟然可以合體~~岩岩好可以連接~~



封底梗係要講明邊個整囉~~

每一張生日卡我都很用心整的~~希望自己之後再有佳作~自己做生日卡真係好有心思~~全球獨一無二~~~




今日中午偷聽到隔離窗個客大大聲聲話..
我地份工點好點好…..
好過做賭場啦…..
我同事應佢….下….做賭場人工高過我地喎…
個客仲大聲地說：你地唔係有4萬咩??????
真係…..一般人對我地既誤解就係咁深….
講真……如果講多假放…..出面銀行大把人多過我地…
如果講錢多…..出面賭場同某d私人機構多我地1/2都有!!
偏偏d人成日以為做我地份工超多人工…..
當我地好辛苦咁先捱到有得加人工…
d人就係度日鬧夜鬧…………..
其實做呢份工都係想求個安穩je……
如果我地想求財就一早走左啦…
仲日日夜夜坐係個counter度俾你d人無理取鬧?



我明明覺得我自己係肥左喎…..
何解好多人話我瘦左好多????
d同事呀…..隔離屋個叔叔呀…
甚至我阿媽攬過我之後都話我瘦左叫我食多d野..
大佬呀………..大家都有眼見我係食幾多野架啦~~~~
我想個肚腩變超瘦呢~~~



噚晚發左個惡夢呢~(對我黎講)
發夢我為左某d野嫁左俾某個人….
但哥個人係我唔愛既…..
然後嫁左俾佢之後先超後悔……
跑左去攬住我最心愛既人狂喊…..
原來…..嫁俾一個自己唔鐘意既人….都幾慘喎~
呢家野都係寧缺勿濫~~~~~~~~~~~



報時：距離冰島英國自由行之旅2013仲有—-50日~