小跳豆生日會

華華華…….今晚遲左寫blog添…..我今日約左5:30放工去剪頭髮(係呀…又剪呀..)……我5:35分去到…..由等…到剪完……..9:00………………………….我齋剪咋…….終於有人令我等得比巢醫生更耐……………………………..總算恤定個靚髮過新年~~恤定個靚髮去旅行~~



今年大約四月度參加左呢個生日會~係因為識呢個小朋友既爸爸~但點解會識呢個小朋友既爸爸呢~一個幾唔知醜既故事~因為有一年新年期間…..係上班日…約左個舊同事一齊食飯~因為好耐無見~咁岩呢個小朋友既爸爸有一齊去食飯……我之前係唔識佢的~但就係我個舊同事既fb成日見到佢地既對話…我知佢叫咩名~又知佢結左婚~於是我一見到佢就可以叫佢個名然後講：恭喜發財~身體健康~~~~就係咁~我咁就豆左人地封利是喇~wakakak~係咪好唔知醜呢~我成日係fb都有睇佢仔仔d相架~~覺得佢好得意~~~我好鐘意小朋友冬菇頭的~~~小朋友叫小跳豆~~~~好得意呀~~

睇落毛寶同佢都係冬菇仔喎~~~



好耐無小朋友邀請過我去麥當勞既生日會喇~~~~當時Mac Cafe岩岩新出呢個綠茶系列~~~即刻想試試~~~不過熱飲呢類型既野…..都係有少少飲完反胃既感覺~~~都係凍飲實際d~~~不過叫熱飲既原因只有一個~就係有杯靚d既野飲影下相喇~~~~~~

話時話~科學館哥間麥當勞原來個景真係唔錯的~~~~~~~~對住海~~~野食價錢又同出面一樣~





咦…….
竟然有人話我噚晚篇blog….太短…
wakakakak~乜我平時真係咁長氣架~~~



唉~
今朝一番工既消息就係：初五要OT……..
嗚嗚~~~~雖然明知…
不過遲兩日先話我知嘛~~~~~



我想講…..
我塊面狂爆瘡哥時…
d人一入黎counter都係叫我姐姐架喎..
唔知點解同一髮型…..
塊面好番時…..
平均每日都會有兩個人叫我：靚仔~…或者哥哥….
點解呢?????
唔通我塊面好番真係咁靚仔????????????????????
我依家又短番d喎……
咁又變咩呢????????????????

倒數：距離台北喪食之旅仲有—-21天
滴答滴答…..差唔多時候喇~~