喲嘻丫~

可憐唷~蛇年一開始就做到無停手…..又話今年係懶人舒服年既???好攰呀….攰到一個點….星期五連街都唔想去…….早早睡…..feel到自己個膊頭d肌肉拉到超緊……之後訓訓下就頭痛痛醒……星期六同星期日都係頭痛頭暈暈咁過…..無咩做過……..(都有既…星期日有係屋企back up下部電話….整番d相呀…搵下台灣地圖呀之類之類~)….今日又做到傻下傻下…成個背部都很痛呢~頭又有d痛….眼又痛….人老咯~



舊年的六月時份~又約了貞貞和仔van一齊出黎玩~~今次去左路環黑沙海灘~有人估到我地玩咩嘛??

我們很有益身心的~~~~在放紙鳶呢~~~我地仲為呢隻紙鳶改左個名叫：喲嘻~正確的讀法是….當你很激昂地唱鐵達尼的My Heart Will Go On的…You’re~~here~~~….就係呢個讀音喇~(呢班人真係癲到會為一隻紙鳶改名….神化得很….)…總之我覺得喲嘻的名字很好聽呢~~~~

我都唔係淨係得個樣架~~都放得唔錯架~~~~不過要好小心….因為海灘內唔俾放…我地就行上少少…..但係呢度…..有好多狗狗的………………真係唔可以放得太高興…要時刻留神~

毛寶都放得有姿勢有實際~

當然都係多得幫佢影哥個捕捉到佢既神韻啦~:]



放到咁上下…阿喲嘻都俾我地四個玩殘左~最後行落海灘搞亂檔…..只有一個人最配合海灘的衣著~

有名你叫黑沙海灘…d沙真係黑漆漆的~~~~



亂影~~~~~~~~~

跟住仲有人逼我呢個大師級幫佢影兩幅名為”老人與海”既相…呢位大師真係影得唔錯…..(我記得當時毛寶叫我幫佢影…..我影完之後唔同佢講…當佢拎轉過黎問：影完未???時……已經一個人都無…..個環境實在……好好笑~~~~~~~~~~~~~~~~)

我想講…….放紙鳶後…..食肥佬燒烤那個才是重點節目呢~~~~~~~~我真係好喜歡佢既燒冬菇同雞翼呢~~~~

這就是我們開心的”kite day”囉~哈哈~~~(後來喲嘻丫就變成我們whatsapp group的名字咯~)

報時：距離台北喪食之旅2013仲有—-9日~
好恐怖呀!!!!單位數喇~~~~終於就黎到我去旅行喇~~~
今次全個台灣行程都係我plan的~
包括路線呀~地圖呀~食咩呀之類之類~~
希望順順利利囉~~~~~~
***************************************************************
係呀~~我地買左6月份既機票喇~~~
酒店民宿也book好了~~~~
可以宣佈了~~~~~
報時：距離”冰島英國自由行之旅2013”仲有—-109日~~~~~
好開心呀~~~~終於訂到去英國既機票喇~~~
之前我地就訂左係英國去冰島既機票~
其實我地淨係想去冰島的…但由於香港無機飛去冰島的..
所以一定要有個中轉站…..咁岩…
英國去冰島係最近最平~~~所以就~~
順便去埋英國啦~~不過英國機票真貴~~
我地等極都無特價機票出……..就算有….
都無上次法國哥張咁平(因為英國機場稅超貴)
我日日都有留意最心儀的卡塔爾航空
(因時間最靚…轉機時間等得少….價錢也合理)
去到新年時佢係有平左d架…我地諗住新年後會仲平..
點知…一過新年個價升番….仲要無咩位…
嚇到我地即book啦…..超慘….
我地今次係4個人一齊去….我諗住一次過買…
點知我張信用卡無咁多limit……er…我無用..
於是我買兩張….叫另外一位團友同我同步買…
點知我買完佢到俾錢哥部…kick住左load唔到網頁..
再重迎整過再買時….機票比我岩岩線買既貴左每張700hkd!!!
仲要淨番少量位………咦~~好衰架..都要買架啦…
覺得好唔抵左幾日之後….
突然見到…..阿xx航空做特價…
d囡囡喊咁口….平千蚊一張….不過睇過之後…
加埋加埋我地都係貴佢300hkd度….仲要我地d時間靚過佢..
即刻舒服番…..加上!!!!!!
星期六晚賣新聞….阿xx航空公司…..
架A380……係飛飛下途中….對機倉門….
打開左囉!!!!!!!!!!!!!!!!!!!!!!!!!!!!!!!!!!!!!!!!!!!
有乘客話有空姐驚到Lee左係櫈底……
仲有用被….枕頭….膠紙痴住對機倉門………..
雖然係商務倉對門唔關我呢d窮人事….
但知道左又買左機票又要搭A380就嚇死都似!!!
好彩咋!!!!!買唔到都未必唔好~~~
雖然買貴左張機票少少~~~
但我相信我們選擇的就是最好~~~~
好期待呀~~~~~~~~~~~~冰島呀~~~~~