上幾個禮拜咪黎左香港睇Mr.演唱會既~仲食左少少野~呢間餐廳係毛寶係飲食男女上面見到的~呢間餐廳係食crepe的~叫La Creperie~剛巧我倆原來都好想食的~就去試下~地址：G/F,69 Jervois Street,Sheung Wan…電話：26794666….由於係上環….我地哥日一落船就係碼頭途步行過去~
重點是：我有一個法國既地方好想去….但到依家都未去到…..哥個地方叫不列塔尼(Brittany)…….而不列塔尼既人最鐘意就係食crepe~周街超多地方食crepe的~呢度重寫住….A little bit of Brittany in Asia…咁我係咪要預先黎呢度感受下先~~~
哥日超早~~得我地咋~~~坐係哥度真係以為自己去左外國咁….之後越坐越多人…..好多外國人~成間野既人都好似講緊英文~
好可愛既鹽同胡椒粉呢~~不列塔尼海邊都好似有個燈塔呢~
野飲叫左Rose Lemon Tea…好似30幾蚊~原來係落哥d糖係玫瑰糖…..有兩層色好靚~平時超憎玫瑰味…不過呢個飲落又唔怕作狀喎~~~~~不列塔尼另外一個出名係Apple cider喎….呢間野都有…..但…我竟然睇唔到囉…無試添~
仲叫左個雜菜湯飲~不過唔係我想飲哥隻….呢d好似罐頭開哥d咁….不過佢好好人…佢見我地叫一個湯….問我地係咪一齊飲….仲幫我地分兩碗~加分~
呢個就係我一路都好想試的~叫左個Les Pierres Noires($118)~巧靚呀~~~d料有French Camembert Cheese,Smoked Ham,Fresh Tomato,Egg,Salad…..不過有d貴喎…係咪法國野係咁貴呀????但真係巧巧味呀~~~d芝士又溶溶地咁~~正~
另外叫了個甜的：Le Pecheur($68)…有Chocolate,Banana,Grilled Almonds,Whipped Cream….我地好貪心….想試鹹的又試甜的~這個也巧巧吃呀~蕉都有煮過~朱古力也濃香~但不能一人吃一個…..因為會很漏的~~~~
試完西式的….睇見雜誌推介有中式的crepe~試埋啦~叫老金燒煎餅…但…係外國人開架喎……聽講話呢個外國人係北京住過…然後超喜歡吃…所以自己開一間…..好似係中環架呢間野……其實都幾易搵…不過我同毛寶唔識路….行哂成條街都見唔到~哈哈~
因為岩岩先食完西式crepe….所以淨係叫一個兩份試下~毛寶說想試甜的…叫左個甜既港式甜煎餅HK CHA CHAAN BING($28)….因為怕鹹的會有d大蔥重口味哥d….
點知還是很重口味!!!!唔知係咪佢煎呢個餅前煎過d重口味餅…..呢個甜的有羊騷味…勁難頂……食到我打哂冷震!!!!!!!!!!!!!!!!!!!!!!!!!(但我食羊架喎)….重口味都係唔岩我~
跟住毛寶就帶我去中環唔知邊條街影張沙龍….但我已經唔記得呢條..係咩街…….
之後既野唔使講啦….梗係一輪血拼啦~~~再之後…咪就係Mr.既New Beginning Concert~
唔得…我真係要寫番前晚同你既對話…
前晚我同你傾電話…..傾傾下..
原來你一路睇我個blog一路同我傾電話…
期間……..
你：華…原來你寫左成800幾篇blog架??
我：係呀….你無睇既咩??
你：我有睇….唔知你呢800幾篇blog加埋有幾多字呢?
我：唔知呀…我淨係知有成一萬二千幾張相係度…呢度係我既回憶…如果yahoo話突然無哂d blog…我都唔知點….
你：咁你back up左先得唔得??
我：800幾篇喎…點back up呀…
你：華…..你以前個樣…..好肥囉….好腫呀…
我：咩呀……你做咩睇番以前哥d呀…
你：華…好腫呀…..好令人反胃呀
我：…………………………………………..
有無咁嚴重呀………………………
我噚晚一路睇番之前同布志綸影合照哥篇blog..
一路係度聽小傳奇…….
一路聽一路發花癲…………..哈哈
"我想 一同日日看夕陽
就這樣簡樸 再給我輕然吻在 你臉龐
一切盡在心底 竟比喧嘩更矜貴
若這是真愛 我敢對天來發誓”~~~
聽聽下佢地d歌…真係會令人發花癲的~~
呢首歌真係聽到人覺得好甜~~~~~
倒數：距離台北喪食之旅仲有—-26天
就咁樣輕輕然地黎到了二月~hehe~~我仲未上網搞入台證呀~~
好驚我唔記得呀~~
沒有留言:
張貼留言