路環橋記美食

今日好多野做x797855424578975343……..今個週末好似做左好多野咁…..星期六：ukulele嘛~近期聽完王苑之同王祖藍合唱的”我真的受傷了”..好聽到呢~~即刻要跟唱呢~~我認為呢首歌我係有信心可以自彈自唱的(練多d既話~有機會表演下先)…跟住上上下堂有個牛佬走入黎…攞起結他喪彈…超好聽~~搞到我依家心郁郁好想學彈結他呀~~~我好想似布志綸咁勁~~好有型呀結他聲~~~夜晚又試左間新野~…跟住去睇戲…(睇戲有笑位..陣間講~)…..星期日：又係試新野~~超勁好味的兄弟行….令我諗起Big Boys Club~要再去食~~~跟住自已好有型咁排台灣行程~~夜晚去左MGM食團年飯~都幾開心的~不過呢晚d野食麻麻~生蠔又唔好味(係呀..我呢個禮拜偷偷的食左好多違禁品呀~~有：辣啦…蠔啦..雪糕啦..蝦啦……好唔乖呀~~)



今日要介紹下一間星期日幾鐘意既餐廳~可唔可以叫餐廳呢??定係應該叫茶餐廳???我諗超多澳門人都食過~就係路環橋記~佢有室內同室外既位….室外既位坐係度都幾有風味架~不過如果熱天黎就幾熱下喇~

地址：澳門路環市區水桶巷….電話：28882139….橫街窄巷內~要尋幽探秘的~



呢度又似茶餐廳喎…因為佢有哥d咩咩通粉~咩咩公仔麵食…不過大家週末咁遠水路黎到多數都係想叫佢既葡式套餐的~之前問過好似逢週末先有的~有時星期日又唔開…所以我黎之前都會打去問下有無開的~有好幾個餐的….多數有五六款度…一個葡式餸…會跟一個飯/意粉/通粉/豬仔包~~~~呢次叫左燴牛尾和葡式牛展~~~~~一個跟通粉一個跟豬仔包~~~~d汁點包超好吃的呢~~~~~~~~~~~~~同埋超多餸~~~~一個餐通常50幾至70蚊~

第二次去就叫左葡式牛脷~~仲有葡式豬手沙律呢~~~~

不過係呢度食要忍受既野頗多…1.超多人的…同埋唔係排隊入坐….鬥快搶位的!!搶完都覺攰~2.坐到都要搵到人同你落單….3.越遲去….d餐淨番越少….賣哂就無…….一場咁遠黎到….無得食就真係慘喇………………………仲慘既係今次!!!我地有個星期六去食….一點四去到…….賣淨得番一種餐….就係煎牛扒蛋…..我地要左兩份……等呀等….期間吹左佢兩次….佢都答：煎緊喇..無辦法…好多人……於是係45分鐘之後….佢答我地：牛扒賣哂……………我即時扯火…………….我：你無野呀嘛!!!你落單廚房已經知仲有幾多份啦….等左45分鐘之後先同我講話無哂?????……..伙記：唔知呀…有人留左哥d都無哂俾唔到佢…….毛寶：唔通你廚房得番五份扒你都照入50張單呀?????…………….short架囉….暫時唔去食住…不過佢d餐真係幾好味同抵食的~總之早起的鳥兒有蟲吃啦~佢d乳豬餐都好出名的…不過超搶手….我無一次叫到…



送上毛寶路環街頭隨影~

星期六…有now闆請我去睇德州電鋸殺人狂3D
你知啦….呢d戲我平時避得就避的…但有now闆請又唔同..
話說…..我…毛寶…朗公子一齊入場時…
"俾人查身份證呀"~~~~~~~~~~~~~~~~~~~~~~~~~~
華~~~係咪咁young呀我地~~~~~~~
無計~~~真係生得太後生了~~~~~
講番套戲….開畫唔夠十秒…..
我已經叫到成個戲院都聽到….
毛寶說：睇呢d戲….最緊要帶你黎睇…因為本身套野一定唔會嚇到我…..我係俾你嚇到!!同埋你叫出黎哥下同d動作先係最好笑~~仲有..你睇德州電鋸驚哥時d動作好似坐緊電椅咁~~~好好笑~~~~
下…原來我先係最好睇喎….咁下次你要俾錢我陪你睇戲先得~~
套戲…哈哈….幾嘔心呀….將個人上下鋸開兩半..
我真係想嘔當時……
有d位我直頭開十份之一隻眼黎睇…怕佢突然出黎驚到我受唔住..
但係套野真係可以當佢笑片睇囉~~~~
真係好好笑架有d位….例如阿殺人狂…
攞住電鋸係度追住d人跑…加埋d電鋸聲..
我係諗起家有囍事既周星馳囉….笑到我眼水都標埋~~
總之睇睇下套戲…我會驚到雙手舉高驚叫到坐電椅咁…
有人睇睇下仲咬我隻手…..另外一個人就係我隔離笑到kaka聲..
呢套戲真係估唔到帶俾我地好多歡樂~
但睇完我有少少企唔穩~



倒數：距離台北喪食之旅仲有—-23天噚日好叻咁上網搞左入台證喇~~
仲排好埋個行程~~好開心~~
噚日同好叻咁打左過去訂位~~~
已經訂左兩間我好想食既野喇~~仲差一間~~