喜迎樓

我仲以為咁好今個禮拜咁益我等我舒服d….點知今日又番去地獄~好彩今日地獄都還可以…希望呢幾日都可以keep住咁樣就好喇………唉….到今日都未覆到佢地……所以仲未知佢地可唔可以一齊去…..唉…希望聽日得到個答案啦……………….



wowwowwow~今晚要講既係位於新濠天地COD裏面既其中一間中式餐館：喜迎樓~

毛寶之前話好味….所就同媽媽黎試下喇~~



個環境都坐得幾舒服架:]

介紹下d野食先….呢個好似係叫…陳醋海蜇頭….用鎮江醋醃海蜇頭~~超好味的~~~

醉乳鴿….正呀~~~~~~~好味~~~

滷水併盤~都ok~但未係正到飛起~

呢個力推呀~~~~普通過普通….佢只不話係荷葉飯….但係佢做到….超級的好吃…..仲有呀…佢賣百鬆蚊一個…..但個飯大到…根本三個人叫左咁多野食係無可能食到哂….爆到滿……..但我地真係三個人都食得哂………………咁就知有幾好味…我記得我哥晚…食左…六碗飯~~~~~~~~~~~~~~~~~~~~

依家見到都想食呀~~~~



炸釀豆腐??唔係好記得咩名…不過都幾好味~

仲做戲話有營養叫左個菜食:P~

哥晚係毛寶請我同媽媽食架~多謝~~~大約好似食左500幾600蚊…唔係平價野但都唔係貴價野…不過係好味野…….重點係哥晚我一樣難食既野都搵唔到….適合一家大細有老有嫩既家庭聚會….唯一既挑剔係：地點太遠了~

我超乖…
噚晚已經開始執gip了…
今次帶個中gip去….
我執執下媽媽行出黎…
問：華…咁乖咁快執好喇..
其實我只係執左d衫咋…不過差唔多一半gip滿左..
又難怪佢以為我已經執完啦~~~~~~
今日放工去左買去香港機場既船飛…
旅行既感覺番左少少黎喇~~~~
不過都係希望聽日佢地打俾我…同我講可以齊去齊番係最好的!!!!



中午番屋企食飯時見到依家12點播緊套劇..
叫情越雙白線…
唔知有無人記得…係王浩然同鄭則士做既..
內容係講王浩然駕駛既心態唔係幾好…佢亞爸鄭則士勸佢都唔聽…
之後因為一次醉駕+超速撞死左人..
搞到要坐監哥套…
呢套劇令我今日諗起兩樣野…
第一件事我記起我既小學時好朋友….
兩年幾之前…因為一次交通意外…
過左身……當時我覺得好震撼..
因為佢仲好後生……同埋好可惜…
雖然我同佢好多年無見…
不過當我去醫院探佢同出席佢喪禮既時候..
都好唔開心.. ;[
第二件事係…呢套劇係差唔多兩年之前做…
當時爸爸仲係度…佢都有睇呢套劇..
佢仲同我講好好睇…好耐無睇過無線有好睇既劇…..
最後睇到去結局之前五集..佢就唔係度…
結局都睇唔到….所以當時喪禮我認為除左要燒間屋…
燒d錢俾佢之外……最重要仲有燒部電視..
俾佢睇埋個大結局;[
不過….我唔知佢哥邊收唔收到無線………………………..



報時：距離法國瑞士塵世美之旅仲有—-2日~
報時：距離六公子出使韓國之旅仲有—-135日~
好好彩出左糧先去旅行~~如果唔係窮住去都幾慘~~
番多兩日工就可以甩難半個月~
加油呀~~
求求老天爺爺聽日俾個好消息我地呢班好乖既小朋友啦~~~~~~
我地之後都會乖架應承你啦~~~~