七公子聖誕百元限定福袋派對2011 Part 1

噚晚破紀錄超早訓…因為我知我唔早d休息…今日一定番唔到工….十點半開始訓到第二朝……食止痛藥加退熱貼成功將頭痛打走!!今朝起身幾精神架…..不過一番到公司…..今日又要玩哥個類似走火警演習(只係一個比喻)…….正到….搞到頭痛又番黎…..唔知搞咩…..



舊年聖誕節前夕….公子們開左個盛大既聖誕派對…..名為”七公子聖誕百元限定福袋派對”……顧名思義…..我地所準備交換既禮物金額係唔超過一百元…..或者踏正一百為最醒目既~所以咪以為越買得貴就越有型呀~而且好似日本d福袋咁….一百蚊限額但買到成個袋都係野呀~哈哈~其實我覺得幾好玩喎~已經係第二年玩呢樣野喇~食飯既地點係大家都好愛既笑面府~今次黎無蟶子皇呀….失望….淨係叫左柚子沙律~不過都係咁好味~

檸汁蜆~好味~

每一次我一定一定會食既焗蝸牛~~~~超好吃~~~~去法國要吃過夠~~

d香草醬配麵包真係一絕~



白汁煮雜菌&白烚椰菜~扮野有叫菜食~

白汁蜆煮天使麵~可見我地七公子真係好愛食蜆~愛天使麵比愛意粉更甚~

又係每一次一定叫既朱古力咖哩雞~~~~~好好味~~d汁點都包一流呢~~~凱公子最愛~

銀鱈魚海鮮飯??唔記得叫咩名??我記得舊魚好味~其他唔記得~

石燒牛扒~今次無叫d貴既牛扒….叫左普通的…不過都係咁好味喎~下次唔叫貴牛扒喇~

可能只要係石燒既~都會有牛既原味~都係咁好味~點海鹽就已經好正~

痴線架….今次食足咁多樣野…公子每人200蚊咋~~yoyo~~食得好開心呀~不過要多人去先食得多d野~因為佢d野都幾大碟~

今次我地無叫甜品呀~~因為我地自攜甜品….我諗大家都應該睇得出呢個係…..聖誕蛋糕卦……但老闆娘以為有人生日…….較暗哂d燈…..播哂生日歌咁拎個蛋糕出黎……全場焦點係我地張檯度….汗顏….我直頭笑到標哂眼水~

為大家呢個夏天加添一點點既聖誕氣氛~不過依家好熱呀~

七公子大合照~

我地話呢張八格相超恐怖….上面哥行既左一左二….即係杯公子同凱公子哥格…..兩幅分開影既相……後面哥個人行黎行去…..兩張相竟然可以將佢合番埋….哈哈~~笑左超耐~

講住咁多先~抽獎部份下part送上~





我今日超嬲…..
詳細對話內容唔多講..
有個客要求我俾佢地兩個人一齊做一個申請…
我問佢地有無人未夠18歲(因為睇落兩個都夠一個大d一個後生d)…如果夠就要分開做…
跟住我望一望個籌機…然後向佢表示…..
現在籌仔時間上可以….咁我幫你地兩個一齊做啦..(語氣我問過隔離同事都表示無問題)
點知一路做…其中一個一路口upup狂俾說話我聽..講d好難聽既說話”潤”我
我問佢：其實我依家幫你做緊喎….你有d咩係唔滿意??
其中一個認為我問佢地夠唔夠18歲係”玩野”喎…
我表示我無”玩野”….同埋我表示我見時間上許可已經幫你地一齊做…
之後佢見無位入我……..
於是佢話：係呀你係幫我做呀不過你態度衰呢
點呀……
係哥一刻我只可以話：如果你認為我頭先對你既態度係唔好..我同你講聲唔好意思
之後我嬲到手震!!!一路做…隻手一路震…
我合埋眼深呼吸幾下先可以繼續做….
我真係嬲!!!!
明明唔係我唔岩!!!
係哥一刻除非我唔想做…..我先可以還拖!
佢無野話我…..入我無禮貌?
仲有無天理呀?
仲同另外一個講：你唔使覺得受委屈呀..我地黎辨野架…唔係上黎分米架
我到底做錯d咩???d人依家覺得我地哥度好蝦…
先會咁….睇得出我地無得還擊….
我好灰心…同失意…
平時我出街對服務員都會有禮貌…收少我錢我會主動出聲
甚至我平時坐counter都俾人話我係EQ高哥個…
你都可以激到我手震??唔知你係咩人
我只係想講….
係咪應該俾番些少尊重同尊嚴俾前線人員??
我係提供服務俾你…無義務承受你d單單打打難聽既說話!
如果我真係做錯我會真心道歉!!
但我今次真係無錯亦唔係無禮貌!!
坐counter真係令前線人員長期精神受壓皮質醇偏高血壓上升…
如果你可以俾番少少尊重我地….大家都好過?
點解要做一d令人精神上損失既野??
你係完全唔識俾一d基本禮貌同尊重人既人…
你另一個家人成程無出過聲….可能佢認為有你呢個家人..佢好可恥!
shame on you!!!(開始語無倫次….)



放工火辣辣…
勁嬲..
我唔係想喊…
係條氣唔順….
不過去學手捏時…
猜下猜下d陶土…
心情又好番少少~
興趣班真係有用呀~



報時：距離法國瑞士塵世美之旅仲有—-14日~
報時：距離六公子出使韓國之旅仲有—-147日~
其實friday night mood已經無左喇..
就係因為佢….
;[