2011年7月28日 星期四

北歐四國午夜太陽之旅2011-06-18第六天Part1(見太陽喇~)

真係….本噚晚放工超早就諗住寫blog開心一下…..點知突然間上唔到網囉……..超sad呀…….話我個密碼同使用者名稱不符….打去ctm佢幫我reset左兩次數據都唔得…..我話咁佢話我密碼不符不如你試我幫我改下個password….佢又話….你個密碼無問題………仲幫我約個師傅上黎睇…….我諗都好既…不過佢話….如果係發現係ctm問題…就唔使錢….如果係其他問題就要我俾出勤費100蚊…….下…..唔係下話…..你幫唔到我整仲要我俾錢…..於是我唔忿氣…….今朝再打多一次去……第二個人同我講……你試下將你個使者名稱既後面三個字唔打睇下得唔得……我照做….點知真係得………….即係點呀….無啦啦用開呢個user name……一直save係電腦度日日都係咁上…….突然之間話我多左3粒字所以上唔到…..有無搞笑d呀ctm你……痴線架…..好彩個師傅唔使上黎….如果唔係我又唔見一舊水囉……憎死ctm呀



2011-06-18

Day 6—-Part 1[挪威(富林)->卑爾根]

食早餐~~~~~~又有d好好味既魚子醬夾麵包喇~~




由於毛寶已經開始厭倦呢度既早餐..佢既選擇係:低脂羊奶芝士加餅乾~

真係好好味架~~~



出發~~今日終於唔再落大雨喇~~~~~~


拿…無論好天落雨d疑似係霧既物體都係度架~



今日第一站係晨早坐—-風景列車觀賞瀑布



車廂內部~其實我又唔係太過期待…因為你知我坐船坐車都會訓著架啦…




不過又還好喎~因為沿路既風景又真係幾優美既~






坐左好幾個字就去到呢條瀑布喇~你咪睇佢咁細條….水力超猛!!!!噴到我成塊面同相機都濕哂呀………..咁當然同巴西阿根廷既伊圭蘇瀑布就梗係無得比啦……不過已經係我暫時見過最勁既瀑布喇~~








我宣布依家係出糧既月中時期….

但我已經破產喇……….  ;[

星期六仲有好精彩既節目等緊我架….點算呀…..

沒有留言:

張貼留言