2011年7月12日 星期二

北歐四國午夜太陽之旅2011-06-14第二天Part3(天晴~)


估唔到星期二仲忙過星期一呀…..今朝d人無啦啦排到出天橋….使唔使咁多人呀…..又唔係d咩節日….又無假放過…..做到呆左…….好在放早….如果唔係實攰死…….



2011-06-14

Day 2—-Part 3[丹麥(哥本哈根)->挪威(奧斯陸)]

睇完安徒生紀念像之後其實個節目就係要行下附近既步行街…..行經會有好多呢d熱狗檔仔….聽導遊陳仔講話呢d熱狗好好味….於是我地就諗住買黎試下………不過由於岩岩先食完中午飯….我地係一條五個人分!!





睇下價錢先….22Kr一個即係33hkd一個…又唔係太貴喎



不過個店員勁無禮貌囉…….狂用紙巾掃d垃圾落我地個身度…癲架



試完之後…..個感覺係:咪普通熱狗一條囉…..有乜咁特別呀……..係d醬落得幾多咁囉…..佢條腸仲要係攞滾水燙熟架咋喎………第一次俾導遊佢呃……



之後就行下步行街..都係有d賣衫呀…手信呀..不過d野超貴囉..我一樣野都買唔落手呀……不過寶寶係呢度買左對100hkd既靚鞋一對…真係叻!!~



係丹麥見到lego呀~好似丹麥係lego既原產地呀可??



仲有好大好靚既士多巴梨喎~…其實一直好想試下北歐既士多巴梨….不過一直都覺得好貴……所以一直都無買黎試………….哈哈~



我係步行街最大既收獲就係食到一個好好味既香蕉+士多巴梨既雪糕喇~

好似係4euro~可以接受既價錢~



之後就上郵輪lu….因為丹麥只會住一晚…..我地呢晚會係船上面過….搭一晚船過去挪威既奧斯陸…初頭諗坐郵輪諗得好美好….因為佢話係住海景套房……我地住過埃及d cheap cheap郵輪諗住北歐哥d一定好正……有哂露台咁樣….點知…………間房細到連gip都開唔到……..仲細過埃及郵輪d房………………………

認住呢隻DFDS Seaways呀…….細到咁架!!左手面對門就係廁所喇…仲要無風筒囉…..夜晚洗完頭仲要等個頭乾左先訓呀!!!!!



我地形容呢晚就好似………..坐監…呢個就係我地個倉喇….




離開丹麥哥本哈根咯……拜拜~



郵輪甲板上~~~~不過都幾大風~~~




夜晚就食自助餐…都幾多野食既…不過好多人排隊囉!!!痴線



味道最好味係牛扒..估佢唔到….



最開心係佢送一杯野飲…包括汽水…紅白酒或啤酒…梗係啤一啤佢先啦~

話實在呢晚都訓得幾好既~







突然之間好想買書睇……

又想買哥個空姐事件簿…….

因為….有旅行feel囉~

幾時先到十月呀….

我好想去旅行呀………………………



繼續繼續每天都聽Mr. people sing for people

我始終相信…..我人生總有一日…

我係會親眼見到布志綸架~(演唱會哥d除外)

唔知點解呢…我係咁覺得喎……

雖然我咁講曾經俾毛寶笑過我…..



繼續第二天的無味人生…

好乖呀…仲堅持到~

沒有留言:

張貼留言