2011年7月5日 星期二

北歐四國午夜太陽之旅2011-06-13第一天Part1(天陰陰)

好飽呀~~今日中午同左小i…sasa同埋周小姐去食中午飯…..去左食pizza hut……….兩點幾食…..飽到我依家都仲係飽呀……..搞到我頭先食飯都無胃口………..咁都算幾抵呀~~~起碼真係食得飽先~~今日都仲係咁多野做呀……不過大家都係講笑話如果大堂可以播下d潮歌都幾好….例如陳奕迅咁…….係喎….都幾好喎~咁樣等緊既又無咁躁…..做緊既又唔使咁緊張~~計我話最好都係播Mr.~因為我今日內心都係播緊Mr.哥隻新碟~







好咯~終於整好哂d相可以將個旅遊日記推出黎喇~今次放大假去既勁野就係北歐喇~主要係去四個國家既—-丹麥…挪威…瑞典…芬蘭…今次個團其實幾貴….因為去睇午夜太陽令到個團費高企…好啦…等我再慢慢介紹啦~……



去出發之前令我地好驚好驚….因為係我地臨上機前兩日竟然有個颱風黎緊….我番緊工….超驚出發時打風會延遲行程….因為我請假請到岩岩好….番到黎只係抖一日就番工….所以都驚無哂d假…….於是我地一早決定早一日過香港……住一晚穩陣d~我地住機場富豪酒店…..都幾大幾舒服架~優點就係行5分鐘度我地就去到機場terminal 1~



出發~今次去13日所以我地個個出哂自己最大既gip去~~之前我成日都用哥個貞貞送我的黑色gipgip由於上次去新加坡跛左…所以今次無得帶去….不過如果帶哥個gipgip…應該會唔夠大….因為除左13日既衫之外…..仲要帶d防寒衣物….雖然依家都係北歐既夏天….但最高溫度也只有十六..七度




我呢個已經係我最大既gip喇~到左香港好彩有我表姐表姐夫ja車出黎接我地去食飯同車我地番酒店…我地先唔使攞住d大件行李搭巴士咋~



2011-06-13

Day 1—-Part 1[香港->芬蘭(赫爾辛基)->丹麥(哥本哈根)]

我地呢日五點鐘起身…因為要搭長途機…所以我一定一定一定要沖番個涼先…..如果唔係實成個人臭哂個頭又立呀…..6點半準時去到機場~又黎到呢個我認為係全世界最靚既機場……香港國際機場…..今次無得坐機場船反而有得係禁區外面行下買下野影下相~~~~~~~今次阿寶都有出發呀~~~~~~一黎到呢度我又諗起衝上雲宵喇~~~~~~~

今次我哥團有成32人……一望落去全部都係50幾歲既叔叔姨姨….只有一兩個後生女……我地有五個人一齊去…有我..寶寶..媽媽..表姐..同伯娘~



我地當日係搭芬蘭航空FINNAIR AY0062班機由香港飛去芬蘭赫爾辛基再轉飛去丹麥首都哥本哈根…..



今次都係用特區護照因為免簽證呀~



17號閘口….朝早九點四機….一早買好哂雜誌…今次又試新既航空公司喇~~




點知佢有迎賓飲品但無小食囉….超小氣…所以我唯有叫白酒飲…..

不過無我地係新加坡航空飲到既咁好飲囉….lazy出過黎一次之後….就無人再帶佢出黎喇….可憐~



都無餐牌既…午餐我揀左食雞(仲有牛..不過隔離毛寶快過我派餐見佢唔係咁好味…..所以我先揀雞…)…都ok好味啦但係喜之郎甜品太….我無食過囉….不過整體上黎講都幾好味

由於酒精作用我就昏昏沉沉咁訓左一覺



訓醒又派飯喇~~~今次無得揀不過呢個芝士意粉好好好好味~



經過十個半小時機程大約當地時間1500左右就到左芬蘭赫爾辛基….一到芬蘭…望出飛機窗外….落雨中…….不禁失望….跟住要過左海關先可以轉機….但過安檢又用左好幾個字……過海關簡直大排長龍!!!!等左成個鐘…….海關又問我地每人好幾條問題…..但我地只有40分鐘轉機時間……………我以為趕唔到…點知原來班機等齊人先開……..機場仲開咪叫由香港黎哥33個人趕快上機…….超樣衰…因為我地未上機搞到下一班飛機都一齊delay…..好混亂…..大約搭多一個鐘頭機我地就去到丹麥首都哥本哈根~

呢度係丹麥機場~望落都幾多野買…不過無時間俾我地細心望…因為我地攞完行李係下午六點鐘度…..就要出發去觀光喇~今次都係跟勝景遊…..除左因為上年跟過佢地去西葡個領隊真係好掂…..仲夾到我放假d時間好好…..今次個領隊叫Panny……我地改佢個花名叫陳仔(亂改)…不過一落機….佢俾我既感覺就係流流地………



好喇出發去觀光喇~途經漁港碼頭….咪成日係雜誌見到既丹麥彩色屋仔???望見天色…都唔錯~心中暗暗偷笑~


稍後會再折返影相



第一個景點丹麥國寶級既銅像—-美人魚像(The Little Mermaid)!!!!!!!之前一年佢竟然去左上海世博…如果哥陣時去到只會見到個大電視直播佢係世博既倩影….好彩唔係舊年黎…如果唔係我同佢就緣慳一面……如果去到丹麥都睇唔到美人魚像….我諗….可以話等如我無去過丹麥一樣…..我會接受唔到囉…………原來佢個故事就係我地成日睇哥個小魚仙故事!!!依家先知~


丹麥既天氣有d涼涼地~呢度近海邊就幾凍……不過大致都幾舒服~



不過個美人魚像比我想像中…..細好多……




佢地d外國人超鐘意企出去個海d石同佢影相..我就唔會搵命博!!

一個唔覺意跣腳都唔知點算!!不過毛寶話呢幾個人同個銅像好襯~雖然佢地丹麥人都好愛呢個銅像…哥時佢搬去上海仲有人係現場喊….但係亦都有人試過將佢推落海!!



跟住又失驚無神有班好嘈既內地客黎不停攝位影相….奇怪!!







今日忽發奇想…..

如果我叫叫下籌…….入黎哥個係alan po布志綸既話….

我諗我一定全身出哂汗………………..

我會諗….我到底搵唔搵佢同我影張相好呢??

我到底搵唔搵佢幫我簽個名好呢??

我到底向唔向佢表達佢地哥兩場演唱會都好正呢??

跟住就自己傻笑左一輪……hehhehe就繼續做野喇~

以上純粹女仔自我幻想開心下~(不過如果係真既都幾好~)

不過咁大個人仲咁瘋狂祟拜偶像喎~

沒有留言:

張貼留言