12月24日….我係凌晨時份流左一滴眼淚…….原因係…….因為我夜晚食得太飽……….訓係張床度個胃不停反下反下…….唔上唔落…….愈訓愈凍…..朝早又出左身冷汗….攞命…..第朝同左毛寶去食九記都無哂胃口…..之後再約埋小貞去毛寶屋企睇左保持通話…..套戲幾好笑喎…….睇完之後就去左食李家韓式燒烤….正!再會合其他鴨妹一齊去左vogue度唱k迎聖誕….玩左成晚…..兩杯都飲唔到……我真係好乖
12月25日…..點幾起身後約埋毛寶一齊去買聖誕節的交換禮物…..買左好耐…..之後再一齊去pokka cafe食野慶祝聖誕節…..我估係個胃未好番既關係….連一個拉面都食唔哂….雖然餐飯唔係咁好味….不過有個好朋友同我一齊過就覺得好開心喇……
12月26日……一個字….做!呢日做左97隻……番完工之後去左四季酒店食自助餐同埋交換禮物……詳細情形及相片都係等完左迪迪尼之旅後補…….
12月27日…..即係噚日…..阿家係澳門補擺喜酒….個個都著得好勁….得我一個好似食大排檔咁!!飲完又同左表姐表妹們唱k….已經係呢個禮拜第三次….唔可以再係咁喇…..好彩其實我地都係唱歌既多….同埋….食野囉….哈哈…就算係咁都唔可以成日咁夜訓啦!!!!
好喇我地大家又將個視線黎番迪迪尼呢度先……我地係咪好靚女呀?三個你想娶邊個靚女???
睇下我個樣…一副擁有全世界既樣….係個咁浪漫既旋轉木馬前面竟然有三個瘋漢企係度影相
你地睇下……我有幾少女…..我真係好天真..又傻
我個鋪屎都俾其他少女跟影架!!!!
好耐都無試過排隊同其他卡通人物影相喇…..唐老鴨……我唔係特別鐘意啦….不過因為一d特別原因….所以就同左佢影囉…..哈哈…..不過佢d動作都幾得意…有一個朋友形容自己脾氣好似唐老鴨……我覺得…..真係幾似
呢個呢…..太多人喇真係…無番一個鐘頭都同唔到佢地影呀…….佢地好似真係好恩愛咁….不過我一諗起唔知會唔會係兩個大男人扮既呢???哈哈……就好想嘔
希…….到左我既最愛喇……高飛高飛高飛狗….佢同美國哥隻好唔同架……美國哥隻就咁企定定同我影完張相就算….香港哥隻識做戲架!!!!!!!!!!!
同佢影相哥時我monk佢d鬚…..佢又交到戲俾我好似真係俾我monk到佢就黎跌咁…..真係好鐘意佢呀…好搞笑好得意呀高飛狗仔………..
可能毛寶太過唔生鬼喇….佢無神無氣咁企係度同佢影
小貞就同佢一樣招招積積咁呢~
魔法師米老屎…我個樣好似好尷尬咁
我地仲有去玩旋轉木馬tim…呢張條腰扭得好辛苦先影到
玩完同旋轉木馬合照留念…..夜晚開哂燈仲靚呢
唔知點解對毛寶影既呢兩張相有d特別既偏愛……好靚
趁入黑前再同城堡影一次相喇…………入左夜就睇得無咁清楚啦!!!
總括黎講…..我覺得今年聖誕節都係無乜聖誕氣氛的……..唔知係人老左定係點…………..出年聖誕節有連假….希望可以組成旅行團係澳門以外既地方過一個有聖誕氣氛既聖誕節(咁一定唔係台灣囉)
沒有留言:
張貼留言