噢…..今日”吟遊詩人皮陀故事集”終於都面世喇……呢本故事集係魔法世界裏面最著名既童話書…..可以媲美麻瓜世界既格林童話……既然係咁…我身為哈利阿波….當然要買番本啦…..睇下佢仲有咩線索可以打敗”那個不能說出名字的人”
繼續美國之旅先……上次又講到去到婚宴現場…..e媽同肥佬丈都換哂紅噹噹既飲衫……個樣異常搞笑
有人話佢地好似樣既情侶組……
又曾經有人以為我地係兩姊妹喎…..咁我似小貞定妹子呀
到左Day 3喇…..呢日係星期日黎既….咁我地就起左身之後就去左食野先啦…..去左一間好似叫做souplantation既地方食….唔知有無記錯個名呢…..佢係all you can eat咁囉….不過就係食沙律呀….湯呀….意粉呀….pizza呀…雪糕咁啦…..初頭我以為得d沙律咁好似好齋咁…..不過又唔喎…..又幾好食喎…..d沙律仲有好多款式…..真係好好味呀…..尤其係用個煙肉醬汁撈哥個沙律超好味呢
食飽飽之後我地就去左某個outlet度行下喇…..雖然都有少少收穫…….不過我都係覺得日本d outlet好似岩行多dd啦…不過我好鐘意係old navy買哥兩對超暖超厚既襪仔呀…..係咪唔知我左邊哥張係度影緊咩呢…..我係度影緊outlet哥棵聖誕樹呀!!!好啦俾埋張近d既你地睇下聖誕樹啦
不過行左一陣就走左喇…….我本黎都有少少失望!!!不過以下落黎呢個環節如果俾我早d知道我係會快d走tim呢…..事關咁早走係佢地為左帶我去一個叫做redondo beach既地方食好野!!!!!!!!就係—->生蠔喇……有好多款呀…影呢度只係冰山一角….如果太晏去佢地話可能會收哂囉
睇下呢個鬼馬叔叔想俾我影到噴水中既象拔蚌
華……我地每人可以食七款蠔呢…….我第一次一次過食咁多款蠔咋……仲係即開即食呢….好有海水味呀!!!!好食到呀……好難忘呢
其實我真係好想再食多次呀….唔知仲有無機會呢??
食佢地既時候我淨係落d檸汁落去保留佢既咸鮮…一千個正
除左蠔之外…佢地仲叫左蜆同響螺…..我第一次咁食咋….阿家買左支啤酒倒落去佢地度一齊焗……..出黎之後…..好香….食落d響螺超好味……有啤酒味….但焗完之後又無哂酒精喎…….真係好好好好味囉
b哥…阿家&我……估唔到咁整真係好好食
舊響螺超大舊….搣完佢d腸之後都仲有咁大舊!!
食到飽飽滯滯咁行過有一個好似歡樂天地既物體……d遊戲真係似十足以前去玩哥d呀….超娘屎
下….佢地同我講話頭先食蠔呢……係頭盤咋……..主菜依家先係喎……超驚!隻生蝦(應該係牡丹蝦黎架!)……拎到黎…..佢仲係度震震下架…….見到佢郁郁下都忍唔住搞下佢……不過無搞到佢太耐……因為我要快快趣趁佢仲郁….一刀切佢個頭….跟手將佢個身放落我個口度………………………….
你睇下幾大隻!!!!佢大隻過澳門d牡丹蝦……..澳門d牡丹蝦好爽….但係唔鮮甜………呢度哥d又大……又爽….又鮮甜!!!!!!!
講食講得太興奮……..下期再續囉
沒有留言:
張貼留言