2008年10月30日 星期四

日本瘋狂之旅20081001---第六天part2(初時有雲及後大晴)

今日同噚日一樣……..特多首次呢……最值得一提就係我今日同gil鬥做得多首次…………但係好對不起………..我又再一次輸左俾哥個臭男人………今次輸左支野飲俾佢…..終有一日我係會嬴番番黎架!!!!最感動係毛寶話幫我班幾個尼泊爾fd過黎撐我!!!!超窩心呢~但係你係邊度搵d尼泊爾人呢??哈哈



好了….黎到part2喇….仲係講緊第六天既大阪呀~好了好了….去完心齋橋之後…..我地就要去黑門市場喇~又係關於食既活動喇…..hehe…又係立頭喇



都唔明點解人地d市場可以咁乾淨同光猛既?




於是我地就係咁行下蕩下咁遊下個市場喇…..其實我地都係岩岩線先食完好好味既面包咋….但係美食又邊有人覺多架…..一睇都知好正啦……仲好鬼抵tim呀



如果同親野食影相都會撐大個口既欣欣杯



由於我地係唔識睇日文既…..見到個盒上面有個大字…..我地就當佢係大拖羅啦….不過真係好食d架喎……平日我都唔係太鐘意食吞拿魚既…………仲有100yen一盒既超抵黃金魷魚…..真係好抵呀



仲有呢個三百幾yen既八爪魚….食左三樣野都係港幣一百蚊度…..d八瓜魚仲一d都唔硬架…….係我第一次覺得佢地好食



食完又去行下d小型超級市場咁啦!!!!行過見到d牛肉靚到呀…要叫救命呀…..不過我地無機會用打邊爐既方式食真係有d可惜呀….如果唔係既話應該好好味囉



跟住又見到平到笑既巨峰提子啦…..平時係八佰伴買呢一盒應該要兩百幾三百蚊………..呢度係賣五百…………yen呀…即係港幣三十幾蚊咋…..不過咁平咁買左佢番酒店係唔算最叻……最叻既係…..我地每人食左兩粒度咋……因為每一日番到酒店都好攰…..擺下擺下仲爛埋tim呀….好浪費食物呀




行下行下…………發現左一間好似食刨冰既鋪頭……你睇到阿杯個樣就知有幾好食啦…….不過佢個樣好似無乜說服力喎……唔係呀….係真係好好食架….未食過d刨冰可以刨得咁軟綿綿呀…..我地哥日要左芒果口味呢…即係少女囉




本來是夜晚餐係食河豚餐架………..但係由於我地實在太飽喇….已經計唔到自己食左幾多野…….無乜胃口之下….加上河豚餐係一d都唔平呢………..所以就改左就咁要一碟河豚刺身就算啦….成日睇電視成日都話幾好食幾好食咁……不過自己試過之後又唔係話食完要大叫哥隻啦……只不過係覺得佢d肉比較爽咁je……..又唔係話特別鮮甜喎…可能我地係平價貨啦




偷偷地影低師傅手起刀落劈河豚…見到魚缸內的可愛河豚嗎?



好恐怖呢…….有識爬籠想越獄的旺旺龜龜呢!!唔通日本d旺旺龜龜係叻d同大力d既?????不過龜連叫都識叫咯…………..佢地識爬籠爬到咁高都唔係d咩奇事啦



又係呢d拉土耳其雪糕既男人喇…..好討厭呀…上次係台灣先俾佢玩到我應哂……….仲係一大堆人面前出醜…..今次阿杯話想食…..話之前未食過……我同毛寶問佢係咪真係咁想食佢話係……於是就叫佢自己走去買…我地就行埋一邊準備大笑….結果就好似我上次係台灣咁…….俾個賣雪糕既男人玩…不過阿杯好好彩只有我同毛寶笑……我上次係一大班的台灣同胞呀




漂亮的道頓崛日落………….總有機會再黎吧?



佢簡直係我心目中既英雄………最有型既男人都莫過於好似佢咁呀………….佢衝線哥一剎那真係無得頂呀..靚仔到無得頂呀!




噢………..希望聖誕聯歡會唔使上台啦…..我會受唔住架



沒有留言:

張貼留言