好喇….到左日本之旅第二日喇~不過今日可以話係一場災難……所謂災難就係我地自以為是地以為我地可以走完原先設定既行程=築地—->涉谷—->原宿—->新宿…….華…..我都唔記得左係五點定五點半起身喇…………哥晚又成一兩點先訓……之前哥晚又淨係訓得兩個幾鐘度…..我地起到身已經係好好架喇!!!!!!我記得好似係7點幾鐘去到築地!!!但係我已經好肚餓…..但又唔夠膽買飯團食….因為怕食飽之後食唔到築地d海膽~~~~~~~~~~唯有餓住先啦
本來諗住去哥間叫壽司大或者鮨文…..但係使唔使咁多人呀?
之後排左一陣隊覺得唔對路…..見到一間入面都坐滿人….但又唔使點排隊既….跟住就開始自我安慰喇：其實佢地用d貨都係一樣既0者!……所以我地就入左去喇….不過好彩佢無令我地失望咋…..我覺得d海膽真係甜好多的!!!!噢…..仲有我最愛的三文魚子呢!!!!!!我真係覺得好好味呀!不過哥日三個人好似食左成萬一蚊呀(日元…700幾蚊港幣度)….早餐咋喎….不過我地食得真係好開心呀…..錢搵黎應該係咁使卦(又係度自我安慰喇~)
我個人認為呢張相我合埋個口會好少少….真係以為自己係少女
食完跟住咪周圍行下個市場囉…..不過就無乜收獲喇…..因為又唔係特別平又或者有咩特喇咁….不過幾想食下d海葡萄….但又唔知佢係咪就咁生食就得
去完築地阿杯幾乎訓著……俾佢係m記飲左杯咖啡之後….又要繼續我地既旅程….去左涉谷…..因為上一次黎哥時係夜晚d鋪頭收哂無咩野買到野以為無咩野行…..所以只係安排左好少時間係呢度….主要係俾時間毛寶去買相機……點知d鋪頭一開齊……唔得呀…..
其實影呢張相好樣衰….因為我地面對住JR涉谷站影….影既時候係超級多人係個站度行出黎…..但我地仲要擺d咁既鋪屎…..好型….好開心今日既東京好好天
在新發現既109-2商場內留影……原來都幾多野買喎….但毛寶就不太耐煩喇….唔0岩買少女野……我有買到對番工鞋….都幾靚…最緊要係好平…但唔知幾時著好…因為對鞋同我新買個袋都係紅色….我又好想用新袋喎….哈哈
雖然真係好多野買……但由於plan好左去我地最期待既地方….第一次挑戰…..由涉谷徒步行去原宿…….其實唔係好遠…..不過當時膊頭超痛…..對腳又變成火燒腳…..真係…..唯有一路行一路苦中作樂啦………..
去到原宿…….真係好失望呀…..各大品牌都無心頭好…..好好失望呀…….只有係head porter買左兩個相機袋一個自用一個送俾人….同埋係agnes b度買左個火紅色袋…….好似就無喇…..唉……早知放多d時間係涉谷啦~同埋買唔到gilbert份生日禮物…..唉…..好驚…因為我以為係潮區度買到……我今次做唔到潮童喇~
今之又有食我地之前覺得好好食既pancake喇……今次食都係好好味…..唯一無令我地失望……睇睇三個之中最薄哥個係我…..因為係鹹既…..其餘d少女梗係要d雪糕呀….芝士餅呀…..只有我一個地盤佬要鹹食….
真係好攰呀~……呢個蟹餐本黎係預左係毛寶生日先食……不過個地方同我地太近…..我地又好攰喎…..咁就唯有食左先啦……依然咁好味好彩……今次仲試埋紙火煱啦…..關西箱壽司啦(雖說我地係關東)…….仲有原隻大蟹呢
你地就好啦……兩個有得係新宿街頭留影……我今次無影到唔制….行番去新宿好似好有親切感咁……因為我地上次住係新宿嘛
再去埋百果園買生果串食……..好滿足呀
哥日食左蜜瓜呀………….希望我以後都可以保持笑容發揮正能量俾大家啦:]……因為小貞同我講我d正能量真係有用架…….不枉我咁用力送給大家微笑
第二天的勝利品呀……又唔算太多啦……請看看我的新小鞋子同事們…..下個禮拜我應該會著番工啦….最多我換袋啦
第二天在日本街頭就係……自己狂唱歌啦………唱一首超娘屎既英文歌…..歌名係….真係好娘屎…….不過忘記唔到唱呢首歌既人………去到咁潮既地方….我竟然唱d咁娘屎既歌…..真係
沒有留言:
張貼留言