好喇………….第五日喇………..今日係0係東京既最後一日喇….好唔捨得呀…..因為好似都仲未玩夠咁…………又有d地方仲未去到(因為我地安排得太過緊密喇haha…)….朝早起身以為會有轉機………點知今日個天都係有少少落雨………今日第一站….我地就去左上野……以為佢又無乜野買……淨係有批發手信買….點知又有少少驚喜喎…….一早就到左上野就首先出發去左電玩城….最初諗住假行….因為以為係俾電車男行…..點知………………..噢….淨係一樓d bb電話繩我同阿杯就企左係度大半個鐘係度睇…….行開完又再行番轉頭再睇……..原來有好多野行呀…..本來安排左一小時係呢度既行程…..多左一倍時間呢……淨係個(車立)門都咁搞怪你就諗到佢賣d野有幾得意啦
又係度亂搞人地d野影相喇我……不過我唔係特登整呢個鋪屎影相架…..係因為白兵個頭盔實在係太重喇…搞到我個頭好低
行完電玩城之後我地就諗住去食飯啦….本身係諗住食上次無食既懷石料理…….點知……….本來有兩間….一間無開….另一間竟然執左……噢……..今次都係食唔到呢…….註定我與懷石料理無緣……於是我地就係旅遊書上求其搵一間野食…好似叫做自由軒…..我叫左個套餐係食醬油拉面….噢…..難食到呀…我以後都唔會去哥度食呀….我未試過係日本食到d咁難食既野呀…………
食完之後我地就行下上野條唔知乜野通……..行下行下又發現左有百果園…..我地又買左兩條菠蘿食喇……條菠蘿好甜好甜呀………就係阿杯手上哥條喇…..
行入去條通度……發現兩邊街道除左賣衫既鋪頭之外….都會有d賣下海鮮海味咁既鋪頭咁喎…..好似行緊築地咁
以為無乜野買喎……..點知行行下發現左兩間賣香水既鋪頭…..分別見到兩個可人兒呢~~~左邊哥支係新既應該唔難搵…右邊哥支係已經絕左版好耐的anna sui香水辦呢…咁都俾我遇到佢…..真係轉角遇到愛呢~~~~最重要係唔太貴呢
跟住又去阿伯既中谷商店買手信喇…..少女們話唔買唔買….到最後都係買左一堆野食番去的……..至於我就可以堅守到原則…..可以淨係買三包番立貝就走喇(但係三包加埋好厚呀)~買好之後就折返昌庭之家放低哂d武器…..再重新出發去代官山喇…..據阿杯口中所講：代官山好似高尚住宅區….住係呢度應該好舒服…….我都覺得幾舒服既….但買唔到野囉….就係因為似高尚住宅區…..所以d野賣到鬼死咁貴….不過最自豪係可以係呢區買左把550yen超輕巧既遮……….
係代官山站與毛寶搞怪留影…都唔知會唔會再去代官山
之後又要繼續我地既行程…….去哥個行程之前由於太肚餓….所以我地就好隨便咁搵左間類似當地人放左工去哥d居酒屋度醫肚先喇…….少女們都係點蕎麥面的….再一次地盤佬唔合群既我係點左個飯食…..豚肉飯…..唔係太特別啦…細細碗咁….但係食完會好有家既感覺…..hehe……仲有叫到係日本唯一一次有食的關東煮呀……走左之後我仲唔記得左攞番自己條頸巾……走左已經好大段路…..諗住折返既時候竟然俾我見到個員工淋住雨衝過黎還番條頸巾俾我…..哥刻我真係好感動
黎到今日既最後一站………..就係東京既最後一站喇——東京鐵塔………好可惜都仲係落緊雨呢….仲發現影好東京鐵塔係好難既一回事呀…太近太大影唔到…太遠又好多野遮住…..很難得的一張和東京鐵塔合照…好可惜有雲呢
毛寶說佢鐘意上面哥張多d….話影得靚d…..我就鐘意下面哥張多d喇…..因為雖然唔清楚…仲有好多塵粗粒…但我又覺得好似別有風味咁喇…..好似落緊雪咁
由於天雨關係我地認為上到去都係無補於事….所以淨係入左去底部影下相咁咋……又唔使錢喎
這個很好味的香蕉仔我終於再見番佢喇….之前有人請過我食一食難忘呀…..好好味架真係……今次係JR站裏面有間鋪頭有得賣想再買黎食下點知佢要收工…..依家再係度撞番佢我梗係唔會錯過啦~~~~好軟綿綿好好味呀
好喇好喇…..唔好真係以為完喇….因為……我地番到去昌庭之家之後…….就黎九點鐘……呢日係我地係東京最後一日……我地是晚要搭夜班巴士去大阪喇………….我地本來之前講好左去公眾澡堂沖完涼先上車…..點知講下講下又話唔夠時間淨係洗下個頭就算喇……再講下講下…..變埋淨係刷牙就算喇…..點知唔夠時間到最後淨係可以洗下個面咋~執好野之後出發…..得番超少時間得番大半個鐘度(我地搭十點半)….好景不常….我地搬住個gip出發既時候…..係我地黎左東京咁多日落雨落得最大既時候….救命…..好彩我地有去100yen店度買雨褸咋…..仲要係池袋站搬上樓梯去到新宿站……再由新宿站落樓梯去新南口……兩位團友睇到呢段都應該對當時既情景歷歷在目……我知兩位都唔想再提….但係我地真係經歷左呀…..仲要超趕時間咁跑去搭巴士真係諗起都想嘔….仲辛苦過上次係池袋去機場哥次…..對樓梯真係有哂陰影……我地仲要淋雨搬住個gip跑…..d架仔見到我同阿杯衝埋佢地度直頭hahaha三聲然後華一聲避開讓條路俾我地兩個….證明我地當時個樣係有幾咁樣衰!!!!噢…..最慘就係….阿杯個gip係落樓梯期間爆開左…………………..我個咁既中gip其實係第四日都已經唔夠擺….好彩去左100yen店買左d壓縮袋咋…….如果唔係爆gip的應該是我…………………………………終於都上左車喇….發現我地個位好好因為我地坐第一…..前面唔會有人拉後張chair…….我地又有得long腳…..阿杯就慘d…隔離坐左個超肥的肥妹…..肥妹仲不停整d怪聲出黎想叫我地唔好笑咁大聲但我地無理佢…..成晚要搭八個鐘車…..都有好事發生過既….就係架車中途停過係油站俾我地去下廁所…..係油站我買左個蝦沙律飯團(今天第三個)……係我食過所有飯團最好味的…………………….訓訓下我都要食飯團….haha
咁攰都好架…………..我發現我今日唱唔到歌…..證明可能我個病好左d喇:]
沒有留言:
張貼留言