講番生日之前少少野先…..今年生日之前幾日….爸爸媽媽就岩岩好去完旅行之後番黎……媽媽今年請左我去沙利文葡餐食飯(所以我話生日食左好多葡餐)……呢間應該好出名係澳門……但我做左廿幾年人都未食過……..不過食完之後我淨係覺得馬介休球好味d之外就其他無乜特別啦…..牛扒好硬….無我想像中咁好食囉………..不過算啦…都係有人請je~
由於媽媽去旅行去沖繩…….所有我就強逼佢去旅行時買d海葡萄做手信俾我……因為之前睇書睇電視覺得佢好似好好味….d主持人話好似蟹籽咁…..加上佢係海藻類聽講沖繩人咁長命可能就係食海葡萄多…………所以一定要試下
試過之後又真係好似蟹籽喎……….又有脆卜卜咁……….好神奇呀……….又真係有d鹹鹹地既味喎………..不過蟹籽咬出黎之後係好水既……….佢就咬完之後好似潺潺地咁…………感覺有少少怪咁呀………….唔知食哥少少會唔會長壽幾日呢???
媽媽請我食完飯既同日夜晚就去左同d朋友仔聯誼下咁啦….我地掛羊頭賣狗肉….誓神劈願話今次係為左唱歌而去既….經過一輪熱身之後…………哈哈….又進入作戰狀態喇…..由於是次係以歌會友作為招徠……所以人數係十分少呢….毛寶仲要係隔離房走過黎影張相就走人的
雖然人少但都十分好玩………….估唔到人咁少都有不少高潮位……….不過依家機會可能比較少lu~
去完呢個聯誼會之後……第二日又一早起身去香港喇~呢次係諗住去海洋公園哈囉喂…..好似訓左兩個半鐘度又話要起身….想死…..臨去到碼頭之前….先至醒起………我無帶海洋公園飛………….唉………..又要飛番屋企攞…..攞完之後….過到香港……又醒起我唔記得帶八達通lu~去到香港乜都無買呀….只係買左兩盒之前我講話好鐘意食既酒心朱古力……一盒就放係屋企看門口…..另一盒就攞左番公司請同事食……..同埋買左噚日講既送俾自己既head porter電話繩……整日最驚喜既發現係…………..我發現番我哥時移民法國最喜歡飲既orangina喇~~~~之前番到黎澳門哥時都有得賣….不過過左一排之後就無再出過喇……雖然呢支野咁少就價值廿大元…..但係都好想懷念一下玻璃樽內那種香甜的味道
第二樣就係…….我去左香港成日…..竟然只係坐左一程地鐵咋…..平時行出行入都搭地鐵既我地….高人指點下…..搭左多程叮叮呀……..
哈囉喂…………..我諗我短時期內都唔諗住再去…….痴線既都…使唔使咁多人呀………..都無乜控制d人流…….多人到呀……….不過個個都係鬼屋…..只不過場景不同…..每個起瑪排個半鐘以上…………..好抱歉…..我玩左一個之後我就頂唔順拋下團友自己一個人走先(其中一個原因係我有d驚啦…我接受唔到佢地突然之間跑出黎嚇我…..我會想死)…….
有d扮鬼既人行黎行去嚇人……排緊隊哥時毛寶睇緊地圖…呢隻野哄個頭埋去毛寶度……….過左一陣毛寶先發現佢…..毛寶竟然同佢講左句：hello~……隻野吹佢唔漲走左….佩服毛寶
之後我就去左碼頭…….仲自己一個人走左去食美心mx既火煱…之前幾次冬天過香港都好想試下架喇….52蚊……….d野多到……..好飽…….完全食唔哂囉…..番茄湯底幾好食….牛肉都唔錯…..墨魚滑都幾彈牙…..我見左手面係一對情侶分享同一個煱…..右面係三個OL分享…..當堂感到丟臉萬分…….其實我好少自己一個人出街食飯…..我通常寧願自己煮或者買番屋企食(基於我係天秤座嘛…..天秤座係唔鐘意單獨一人…..係鐘意群體生活)…..今次仲要自己一個人打邊爐真係好有進步呀
沒有留言:
張貼留言