日本瘋狂之旅20081001---第六天part1(初時有雲及後大晴)

我受夠喇……….受夠喇……自問雖然我唔係係我地哥班同事之中最好……最勤力…..最唔會懶散哥個既………………..但都唔會話淪落到要俾人話係無責任感卦………..話我無責任感對我黎講……係一個好狠既批評…….但個問題係……我自問我做足我本份……可能係你心目中做足本份係唔夠……但係…..一d本黎都已經係咁做既野……之前從來無人話過唔可以咁樣做(甚至我係問過係要咁做)…..就算真係做錯左…….亦都無人提過我地要改……….一黎就會話你推哂俾內部做….咁樣係不負責任………….根本就完全地唔協調…….成日講完d野d人自己又會唔記得……明明問過你地….最後又會話番我地無問過……內部呀內部……你想我地點呀…..問多你地一句又覺得我地煩…………唉………..不過我決定以後跟你地既方式做野………有d咩唔清楚我會即刻上黎俾你地班大帝過目左先架喇…….放心放心……..遲籌既事…who cares?!…………按照哂你地既吩咐做呀………….唔好發脾氣呀老油條們…………………一定係我地做細既唔0岩既………我有既係青春…..都仲有幾年俾你地屈下……………………..我攞野上黎俾你地睇記得關照我喎!!噢……還有今天要成為實習律師的那位…..對人既態度好到呀…….我以為你係讀屎片架…不過都唔應該咁講…..咁講好似侮辱你既老師咁…….其實係你個人素質有問題咋…….與任何人都無關…..好心你啦…以為自己好叻…..你係成為”實習”律師咋…唔係律師呀….未做到律師就學人牙斬斬………..仲學人蔑我…..你收皮啦…你做唔做到律師都仲係一個迷咋…..都仲未搞清楚自己位置就學人認叻………無腦



好彩今日心情咁差……仲可以番屋企避下…………..仲有我屋企人安慰下我…..好彩今晚主菜食蟹……………………..好彩我屋企有一大支話梅花雕同我媽媽對飲………..十數杯落肚之後………….原來都無乜煩惱事…………….之後爸爸加入………..飲得盡慶而歸………..我平時飲酒係唔會面紅架………..今晚係我飲得最紅既一晚……………….明天起身…..我又可以做我蹦蹦跳跳既小t囉!



又係到左日本之旅既環節喇…………..講到今日係第六日呀……….噢…之前一晚我地無沖涼呀…………………..好臭呀個頭…………..坐夜間巴士落大阪…十點半上車…..晨早六點半就到左大阪喇…………….最正係……….我地咁早去到酒店….那是還未有得check in的…………所以我地係無得沖涼的……………所以我地係要做”立”頭的……….一路立頭一路去玩………………….好喇…..唔緊要啦….最重要係我地經歷過一輪苦難之後去到關西地區的大阪喇!!!!黎到第一次到達的地方………..好興奮呀………我地擺低左行李之後就去左同事推介的食街食早餐啦(時間不過七點過dd啦)………..哥間野叫0食人…..ok啦….都係d居酒屋咁啦…………仲去埋寄信tim….因為係東京時間唔岩無寄到…所以就係大阪寄喇……….之後我地就出發去大阪城公園喇…黎到大阪…本身綠色的JR也變成了驚喜的藍色呀~不過JR在這邊是比較陳舊的…………

到了大阪城公園囉……..我地要搵既係古色古香既日本城堡….大阪城….因為我地去日本依家唔只要購物團喇….仲想有d睇下(可能老喇)……..綠樹林蔭呀~天氣是陰陰的…有d凍

又話行幾分鐘就見到大阪城……作哥本書既人對鞋係咪有碌架?????不過一路行一路影都係好有趣味既

聰明又無洗頭既人係會帶帽既……….但係好似你咁樣帶住兩頂既………….後面真像一休和尚呀……….真係好似呀毛寶

登登登誕…………終於黎到大阪城喇!!!!!張相係叫一個類似電車男既物體影既……好驚呀…………..因為佢真係好電車架……..看到我的頭有多立嗎?

離開大阪城既時候就見到呢隻狗喇….好似未見過有狗隻眼咁矇…一睇都知係日本狗仔啦…佢個主人好nice架

去完大阪城之後我地就番左去梅田區喇……去左行大電氣城啦…..好似好多電器買咁…….又有玩具之類…….不過都係無乜點買過野….只係抽左幾個蛋啦……不過最驚喜既就係….一出黎就見到好耐不見的晴天啦!!紅色那個是摩天輪囉

跟住又去左難波區喇…..由於今日d時間係多左(因為行程係由七點半開始)…所以今日我地既行程係超級緊密架……..發現天氣好我連眼訓都唔記得左喇!!!原來難波區又是一個美麗的地區呀~~~~真係好好天呀

在難波的街頭留影…..有發現我的立頭嗎….好痕呀大佬

中午飯係入左大丸百貨美食廣場搵食….因為書仔上面有介紹到一間豬扒三文治好好食………於是我地就去買啦………………….不過食左之後我覺得無乜特別啦….唔係話唔好食既…….不過我唔會想話再買黎食囉…..仲有唔使話好食到上旅遊書下嘛….仲鬼死咁貴….澳門d豬扒包我擔保好味過佢

食飽飽之後又再出發喇!!!跟住我地就到左心齋橋……心齋橋喎…又係第一次黎既呢~好可惜我的頭是那麼的立呢~還加送一大個的肚腩和殘樣

心齋橋筋裏面仲有一間幾大的sanrio….喜愛hello mimi既話都幾好架….因為有好多特別版呀…不過我個頭咁立…hello mimi都應該好驚喎

跟住我地就行下行下就去到afternoon tea喇…..係大阪既afternoon tea除左生活百貨之外…………仲有香噴噴既面包賣呀……

他們的抹茶蜜瓜包好好好好味0育~唔……難以形容呀….如果我再去我係會再去買過黎食既!!!!!其他包亦堪稱一絕呀…..檸檬朱古力包真係好好清新呢…..仲有明太子包…….仲有我哥個芝士香草火腿包…..全部全部包都好好味呀救命

如果有多d時間我係會用多多d時間去心齋橋的..好可惜又要趕下一個地方了

到了大阪………病情好轉喇……….今天唱的歌叫黃色大門…..又是joey的

窗紗外　小鹿給我送枝花
梳化上　下凡天使共我喝著茶
世間千千萬萬人　未明白我
替這位空想家驚訝
孤單真的不可怕　能讓我畫滿花
還未算是那麼差

讓那　恐龍成群行過枱面
衣櫃入面藏著花園
心儀男孩長駐於身邊
夢要變真也沒那樣遠
生命從未如樂園
也可靠我創造浮現

讓那　彩虹長橋無限伸展
飛象日日雲上表演
魔幻現實尋到相交點
在我心房的　黃色　門裡
保存著　未坐那火箭

天花上　星星眨眼變煙花
口袋內　是前一晚摘了那月牙
我編繪的讓別人　視為幻覺
我早知因此不驚詫今天雖則長高了　牆上繼續掛的
還是我六歲的畫

讓那　海豚時時游到指尖
不由旁人沉悶傷損
一人同行　行進卡通片
在我堅持的　黃色　門裡
珍藏著　自製那冠冕

窗紗外　小鹿給我送枝花
想想吧　真想給你見到牠



聽完呢首歌之後…….就算真係好唔開心…………個人都要變得舒服同埋平靜………….


我發現….其實你對我既關心無動於衷….你有事…我真係十級擔心……….不過你可能覺得我唔使反應咁大卦……我都唔知我做咁多野做乜…………人地都唔領情……….