日本四國自駕遊之旅2017-10-17第四天Part 1(微雨)

星期二....今日我要ot~好彩d小朋友已經陸續上學去~無得訓晏覺得梗係飲番杯筋勞先啦~~~~到左呢日仲有利是逗真係幾唔錯喎~~~放左工約左係法國回來的叔叔食飯~星期三....今日都係ot日~筋勞真係我好幫手~放左工去跑步~sunny bb入耳式安慰~跑左5.51km~熱到我出哂煙..真係唔知夏天點算......但我真係望到個肚腩就唔開胃........星期四....呢日又濕又剩....又多野做~算啦~又周末咯~



2017-10-17
Day 4---Part 1(德島縣,祖谷 Tokushima-Ken,Iya->高知縣,高知市 Kōchi-ken,Kōchi shi->四万十 Shimanto)
早晨~~~呢日超早起身~~點解?因為我地仲要試埋我地個私人風呂呀~~~~由於係露天既...所以晨早流流..真係好凍呀~~~~~~不過浸完又暖笠笠~都算幾大個風呂~3個人浸都岩岩好~浸完襯個身超熱就洗頭啦~~因為要露天洗真係好凍~





仍然落雨ing~不過無噚日咁大雨~




浸浸下見到佢~毛寶話佢好有型~話佢好似武士咁~未見過全白色~




呢度就係我地食晚餐同早餐既餐廳~都坐到6枱人架~(佢另外仲有幾個個室~所以都幾大的~)




我記得我地約左7點半食早餐~一入到黎就已經擺好早餐係我地張枱啦~~~~~~早上不穿浴衣了~費事又要換~





好豐富呀~~~早餐都咁多野食~~~~




呢條魚比較濃魚味同乾身d..唔知係咪一夜干呢?我就覺得ok既~




呢個菇菇火鍋又係一絕~滾左再落雞蛋~超好味~




我地食飽飽就上房執埋野就check out啦~係check out哥刻先俾錢既~之前完全咩錢都無俾過!(當然如果你預約左...係好遲先通知佢取消會按比例收番你錢既!當日先取消更會收全數啦~)...好得意喎~發現住客雖然可以免費任浸佢個溫泉...但都係俾"入湯稅"的~呢個時候梗係揀用信用卡俾錢啦~費事使哂d現金~點知發現....我3張中銀信用卡係呢度都係用唔到......................事實證明....信用卡不應只帶一張同埋只帶同一銀行信用卡.....




送我地出門口不特止幫手搬埋行李不特止仲送埋糖果俾我地吃~





好~再出發!又係落雨~點搞先~






如果過多個月漫山紅葉會仲靚啦!!!一定!!







唔知點解又係覺得有千與千尋feel~




又經過收費公路~好像又由山區走到城市~





好喇~黎到高知縣既高知市(Kōchi-ken,Kōchi shi)喇~....我地黎到...諗住停一停...睇下有咩睇有咩食既~但打開本書...發現無一樣野吸引到我地~市面有外型懷舊電車行駛~




有女仔話要飲咖啡..咁咪走入便利店買囉~順便又睇下野~呢兩隻蛋黃哥幾得意呀可~買左黎送俾凱公子~




呢隻薯片之前幾hit~話係用無基因改造既薯仔整既...澳門都有售...賣$18....呢度賣160円(稅込)=11.1hkd....都平好多~




呢隻磯貝都好抵好好食~好像20多hkd




呢隻7仔牌既明太子零食都勁勁勁好食!!!!推!!




見高知市無咩吸引我地~直接走~行行下就黎到海邊~






又去到郊區~




然後我地要去一個美術館呀~點知去到gps所指既地點咩都見唔到...我地又走去第度搵.....點知....原來就係我地頭先第一度停既地方.......




我地要去砂浜美術館...地址：黑潮町入野....Mapcode：466 377 127*61.....黎到...就係望到呢一遍海洋.......咩都無...





我地係現場再上網睇....原因係...我地想睇呢個展覽...就係海灘展出呀!!!!!呢個t-shirt展...原來5月7日已經完左........................我地真係傻西瓜...............依家淨係見到個海~無展品~我地仲以為去錯添~




算囉~又走喇~(今日好似無做過野咁~)....過d鐵路馬路~記得望望左又望望右呀~(雖然有火車經過佢會落閘..但都係謹慎d好d~)






打算直接去今晚既住宿~但途中又經過超市~好啦~又入去望下啦~





華!!呢間超市仲平過頭先呀!!呢度賣138円(稅込)=9.6hkd咋!!決定入手松茸味試下~





仲買左呢d蝦仔~打算蒸水蛋時試下~




超市外有攤檔賣串燒....香到痴線~橫掂未食中午~一人一串先~一試之下...雖然醬汁多左少少...但一定好味過第二日食既寄鳥味鳥!!








唔知大家有無睇依家10點半哥個周遊東京?
我覺得幾好睇喎~
每晚見到Jarvis講日文我就好仰慕佢~
(被五十音纏繞的人上)
而且佢個樣好似成日都笑咪咪咁~
笑得好可愛好好睇~(講到我好似好咸濕咁)
我開頭仲以為Jarvis細過我...點知原來佢大過我~~~
點解男仔可以咁童顏架~~~~~~~
我媽仲專稱佢做周老師XXD
我覺得佢個節目帶我睇到d平時我地未必睇過既野~
唔錯~好有益身心~~
(放心~~我個心仲係Sunny bb度~~~~~)



2018/03/01的開心事：
今日JOOX有得重溫之前個澳門搖滾演唱會呀~~
我不停狂睇某一幕...狂睇狂睇狂睇~~~~~~~~~~
同埋今日中午食左園林~好開心~



報時：距離與媽媽慶生台北吃喝之旅2018仲有---29日~
報時：距離和歌山嘆溫泉自駕遊之旅2018仲有---109日~
報時：距離與毛寶慶生泰國食揼嘆之旅2018仲有---212日~
報時：距離天團蘇格蘭高地之旅2018仲有---227日~