日本四國自駕遊之旅2017-10-21第八天(大雨)

星期二...好似好左少少..無咁痕個喉...但都係有咳~乖啦~快d好番啦~~星期三....我幾慘呀...我番工過馬路諗住跨過一級快d點知我條腿太短撞親我小腿骨呀!!!勁痛...仲要腫左...仲要有人覺得係我係電話誇張失實咁報導......依家好明顯咁望到佢變成小山丘......嗚嗚..(我刷緊存在感同關愛呀..搵人理下我啦)......好開心呀~今日凱公子幫我去左cd鋪買Supper兩隻舊碟~~~我好開心~~~(雖然唔知佢地出新碟前出番舊碟先係咩玩法~但我已經每張專輯手持兩隻~)....星期四....番工我個心已經飛走左~~~~~我要去玩喇~~難得既係我仲咁乖衝上黎出blog~~(我知..無人期待我丫嘛...嗚!!唔彩你地!!)



2017-10-21
Day 8(兵庫縣,神戶市 Hyōgo ken,Kōbe shi->大阪 Osaka->澳門 Macau)
早~拉開窗簾~個天勁陰~




好早就check out走啦~因為又無包早餐~同埋我地下午機番澳門喇~~上高速公路時仲要落勁大雨~~




阪神高速去程時咪整緊路既...回程時仲未整完~仲有小塞車...好彩預早左少少時間出門口~





哈~下午先上機~朝早梗係黎呢個近關西機場既Rinku Premium Outlets...地址：大阪府泉佐野市Rinku往來南3-28....Mapcode：35 861 391*48




呢個時候係勁!大!雨!!!!!!!!!!!!!!!成身濕哂!!!唯有去摩天輪下面既餐廳搵左野食先!





其實摩天輪哥邊二樓係超多餐廳的...但哥d餐廳要11點或11點半之後先開....所以我地揀左早早開既地下哥層既cafe啦~揀左Tully's Coffee




出面勁大雨....就算有型仔擋雨褸我條褲都係濕哂~飲杯熱啡食件多屎嘆下先~




食飽飽就行街街啦~今日落雨~無咩人咁~




我要嘗試以多角度觀測呢隻動物入Beams既情況..今次係高空望~




今次佢醒喇~唔會亂跑喇~佢話喪屍入喎~






今次Beams係我阿媽有野買喎~奇~然後係Columbia買左超多功能性既褲~~(我講毛寶..我買左一條咋~)..佢應該買得好開心~~~係一間鋪買夠2,000円=139hkd....就可以有3小時免費泊車~~你係鋪頭俾錢時同佢講你有泊車佢就會幫你整免費泊車架喇~





買飽就去機場喇~記得去機場之前就要入滿油還車喇..因為一過左高速公路條橋之後去機場係一個油站都無架!但如果你唔滿油都唔緊要!可以俾番差價俾租車公司~好勁呀~我地呢個旅程行左總其1278.2km!!!!!!!!辛苦了毛寶~~還車時記得記得記得係車攞番張"ETC"卡出黎呀!!要還架!!唔係租車公司幫你搞架!!




還左車...又經過Aeroplaza...行過關西空港駅....就會番到機場Terminal 1~





記得去番2樓既郵局(或者係任何一間有郵筒既便利店...但要留意截郵時間...因為個個郵筒唔同!)....之前攞ETC卡時有附埋回郵信封俾我地架....入番張ETC卡落回郵信封寄番佢(已附回郵郵費)就OK~




記住留意截郵時間...過左還卡日截郵時間先寄既話會收多一日錢架!(各郵筒會有不同截郵時間)




黎番機場咁我要買番第一日係便利店見到既日本酒味既Kit Kat.......點知...得番兩盒...................第一日明明見到貨架滿哂架喎!..唯有買住兩盒先....番到屋企打開...勁爆香!!!!而且食落勁有酒味!係幾唔錯~




然後係check in寄行李之前買埋醃漬物入gip~華..有好多款俾人掃左!!




本身搵左個Lounge入...呢個Lounge係禁區外既(好少係禁區外...不過呢個已經好好多...因為東京哥個係無野食添).....點知.....佢會有中場休息..........................................我第一次因為個Lounge有中場休息而入唔到......我無得用盡信用卡優惠喇.........................




車~我自己去搵也實!揀左呢間~~~餐牌有中文~




秋刀魚刺身...580円(稅拔)=40.3hkd....一般~好掛住沖繩食哥次~




烤蟹膏...580円(稅拔)=40.3hkd...小小的一個~但毛寶話佢鐘意呢間d多過磯丸喎!(我就鐘意磯丸多d~)




媽媽既海鮮什錦壽司飯附麵豉湯.....1,480円(稅拔)=102.9hkd...正常野....




我叫既生魚片套餐...1,980円(稅拔)=137.6hkd.....呢個真係好抵!!勁多野食!!我覺我兩個人食都夠!




毛寶的大蝦押壽司(淺色那個)和鯖魚押壽司(深色那個)...各380円(稅拔)=26.4hkd.....鮪魚押壽司好好吃~大蝦的可以不叫~仲有一個上松茸土瓶蒸(有兩倍松茸架)...1,600円(稅拔)=111.2hkd....好味~又真係幾香~





呢個旅程最後一餐食左7,536円(稅込)=523.8hkd..每人174.6hkd...還好~(但我記得呢餐我好似咋咋帝話自己無散紙然後無俾過錢)




食飽飽之後就過海關啦~我地坐澳門航空既NX855號班機係16:30由大阪直飛回澳門~去程行李11.4kg..回程行李17kg~走哥時仲係落雨~拜拜~~~~~~飛左好一陣子仲係陰天密雲~~





飛左好一陣子仲係咁~白矇矇一片~~~




回程我叫左魚食~我覺得永遠澳門去日本哥程好食d!但我好鐘意食回程哥包醬瓜送飯~(同埋日本回程食罐頭生果...澳門去程係食新鮮的西瓜菠蘿!)




毛寶的雞飯~我諗都係一般~望個樣~




食飽飽再望出去...wow!好靚既日落呢~





等多一陣再望...隻色仲靚!!!!!!!唔知點解令我諗起天空之鏡~






我地番左澳門之後一日個颱風就直衝去四國喇..仲要係強颱.....謝謝保佑...希望哥次颱風日本無事啦!





好喇~旅程完喇~~同大家講一聲"拜拜~~"...(我決定以後去完旅行迫團友影拜拜相~)




總結：
1.使費：2,607mop(機票)+6,061hkd(7晚酒店+溫泉酒店)+1,318.6hkd(租車)+570.6hkd(ETC卡+TEP8天方案+保險)+2,988.5hkd(食買玩)+116mop(保險)+6,202.6mop(卡數)=20,132.1hkd(hkd+mop約數)~........以8日黎講....去日本....我覺得使費唔算多~起碼我嘆左3晚溫泉酒店我都揀最好既餐食~~~~~
2.辛苦毛寶啦~揸足成程車~感謝~
3.今次去買左幾樣功能性既野~好開心~~(弊喇我老了)
4.我上網睇四國既氣候...係少雨.....係少雨....係少雨..............我去哥時到底發生咩事???落足咁多日雨....仲要唔係細雨....係大雨~~~~~~~~~~~~~~~~~~~~~
5.第一次離開自己既舒適區!唔再去熟識東京大阪沖繩!!!不過plan起上黎好難~因為未去過~用左好多時間去plan~但玩過就覺得四國真心正!!!因為唔係好多人咋喎~~港澳人唔多~講普通話既人亦唔多!!靜靜地幾好玩~~~
6.仲有今次第一次住溫泉旅館!!!!!!我覺得好正!!!以前唔捨得住因為覺得成千幾蚊一個人好貴!!但住過就知好值!!因為個氛圍+服務+食物+溫泉~其實一泊二食好抵~自己住一晚酒店加食好少少既一餐都係差唔多~倒不如舒舒服服係旅館食埋~同埋住溫泉旅館真係可以達到真正放鬆既狀態~正~
7.住左3間溫泉酒店...我覺得三間黎講我最鐘意就係黑潮本陣!因為我最鐘意佢間房向海!溫泉又係向海!夜晚哥餐就超正~~~而且價錢係最平哥下離譜~~最貴係蔓橋哥間.....間房我就覺得舊舊地....溫泉就最有特色!!因為係坐自助纜車上山浸!個溫泉對住個山超有靈氣!!夜晚既鄉土料理很不錯!而早餐我覺得呢間最好食~.....四万十の宿個價係3間入面既中間位...相比之下就最平庸...得晚餐好食....溫泉勁一般....所以我最推薦係黑潮本陣~
8.四國有4個縣.....其實勁大...今次8日去3個縣其實都好趕~如果大家去真係要好好計劃下自己搞唔搞得掂d車程~
9.記得去之前搵定d地點既Mapcode!!!!!!!
10.去完呢次之後...我同毛寶就好想去下日本既其他城市旅行了~~

~The End~

~多謝收看~

2018/03/29的開心事：
又完左一個遊記~
************************
沉醉在Supper d碟既懷抱中~
(好可惜今年Hush無請佢地黎...又喊~
不過可能係佢地唔得閒呢~)
************************
喂!去旅行玩喇~~~~~
你話開唔開心~~~~~~



報時：距離與媽媽慶生台北吃喝之旅2018仲有---0日~
報時：距離和歌山嘆溫泉自駕遊之旅2018仲有---80日~
報時：距離與毛寶慶生泰國食揼嘆之旅2018仲有---183日~
報時：距離天團蘇格蘭高地之旅2018仲有---198日~

出發喇~~~~~~~希望老夫人會玩得開心啦~~