日本四國自駕遊之旅2017-10-18第五天Part 2(陰天微雨)

星期五...你有時又估唔到呢日係呢個禮拜最舒服既一日~(算係...其實都好多野做)....放左工去八分目食..我食過咁多次八分目晚餐...最差今次...覺得佢安排哥幾樣餸有d唔平均...有時佢真係勁出色~但絕對唔係今次..仲等我帶朋友去食哥次先差...世事就係咁~之後去左睇紅雀特工....我個狗仔腦無轉得咁快..有d位諗左好耐先明..但睇完後討論...發覺得已經係3隻狗仔入面最聰明哥隻~~(我係唔會話你知另外兩隻狗仔叫咩名!)....星期六中午去左Ascott既心醉吧食set lunch~又幾唔錯喎~又好坐~又抵~又幾好食~下午又在幸福忙..忙緊台北同埋日本d野~夜晚買左而蛋去衰婆屋企食同埋係佢屋企睇戲~星期日...去試左老虎仔雞湯瀨...勁好食!湯正!d雞又爽又滑又入味....勁好味!!!!重點係超勁大碗!!只售$23~正~(偷聽到佢係用雞腿肉~真係好好味啖啖肉)....買埋杯筋勞之後番屋企睇番最後一集既周老師...好不捨.......夜晚叫左宏安外賣~...星期一...都係多野做~但好過上個禮拜一丫..上個禮拜一係超勁多野做~又收工回家寫blog~毛寶今晚上黎我屋企食飯呀~隨便坐唔好客氣~



2017-10-18
Day 5---Part 2(高知縣,四万十 Kōchi-ken,Shimanto->足摺岬->中土佐町 Nakatosa chō)
見行完本日景點仲有時間淨...本身諗住坐低慢慢嘆個啡~點知都係快快去今晚酒店好了~所以經過便利店食少少野就算啦~個雪條見佢寫哂premium...以為呢個牛奶雪條好濃香~點知一般~




今次終於買岩Lawson炸雞~又真係幾好味喎~




同埋估唔到Lawson牌既果汁真係唔錯~仲有要讚讚佢地d便利店都有乾淨廁所!所以有時車程長都唔怕搵唔到廁所~可以放心吃喝~




食飽飽揸揸下車毛寶話有個大水車喎落車睇下咯?....其實我知佢係揸車揸到太眼訓想落車鬆下...辛苦哂!




經過兩小時車程終於黎到我地今既既住宿黑潮本陣喇~地址：高知縣高岡郡中土佐町久礼8009-11....Mapcode：362 568 172*06....呢間都幾full...幾得提早預訂!(我地係早3個月訂)




呢間係一入館就要除鞋~之前住哥兩間都係入自己房先要除鞋~大堂有好多地方休息~仲要向海的!靚!!....呢度既服務員英文一般般....但極度盡力解釋館內狀況同埋其他野我知~基本上身體語言都明~






咁講解完同埋問完我地幾點食飯幾點食早餐之後佢就帶我地上房啦~~我地間房呀~




咦~都唔錯喎~




行去正中間望真d....華!!!對住海景架!!!!!!!!呢度係每人16,350円(稅込)=1,136.3hkd.....仲要一泊二食!!!仲要間房咁正!!!呢間仲要係我住3晚溫泉酒店最平哥間!!!真係唔錯!!!





如果晴天真係不得了!!!!!!




由窗哥邊望番入房~




衛浴分開~





浸浴仲要對住海架!!!!好靚!!




影下茶具俾大家看看~




浴衣~~仲有對襪仔~~




有請我重金禮聘既top old model黎示範下呢套浴衣~靚~




準備好~換好浴衣~我地就去B1層浸溫泉啦~




行過左溫泉最盡頭有個位係公眾休息地方~幾舒服架~有生風可以吹到~景又靚~





又講番個溫泉先~~又有分男湯同埋女湯既!而且!!!!佢地係會每日轉一次男湯同女湯!!!即係你係可以兩日睇哂兩個溫泉~




好喇~我地入女湯喇~唔準你睇~




拿~由於入面唔俾影相~所以貼心的我為大家係官網搵左佢地d相~(溫泉相from官網).....呢個就係本日女湯喇!!!好靚呀!!!!係露天溫泉~~~係面向太平洋架!!!!...呢日有少少雨...但有咩所謂!因間再入去沖過涼咪得囉~~~~浸住溫泉望住太平洋..真係好正!!!!!!!!!!勁心曠神怡!!!我仲鼓起勇氣去過冷河....華!!!好x凍呀......我那來的勇氣????????前兩日蔓橋既溫泉就向山既~呢日就向海既~真係各有特色~




呢個係男湯~第二日又會轉做女湯~真係小心唔好入錯~




仲有沖涼既地方同埋室內浸浴既地方~




番上房坐左陣又到食飯時間喇~(流口水)...晚餐在大堂層~




餐廳外有個大魚缸~~養左好多龍蝦係度呀~~




我地今晚既餐單~




我地一坐低就有呢兩樣野放左係度喇~




叫埋野飲先開餐~老夫人叫左白酒~一小支1,500円=104.3hkd.....佢話食海鮮要飲白酒喎~




我就叫左梅酒(左)...毛寶就叫左柚子cocktail(右)....各550円=38.2hkd~~




理番枱上面既野食先呀~呢個係食前酒仏手柑酒~~~好味~~飲勝~~~





前菜~~唔錯唔錯~~中間紅紅地色哥個係荷花?應該醃左...酸酸地好開胃~





跟住到上刺身喇~~~隻碟既色好靚~~




有龍蝦~~~有赤身~~~有魷魚~~~份量唔算多~~但樣樣都好鮮~~~~~尤其鐘意食龍蝦刺身~~~






再來就係我期待已久既黑潮名物灸燒鰹魚(鰹魚半敲燒)~~~~~~~~~





上網睇過做法就係用稻草點火....烤黑鰹魚表面就ok~內裏要保持係生既~~同埋用稻草可以去到鰹魚既腥味~~~一入口....有濃濃既煙薰味!!超香!!內裏是生生軟軟的新鮮味道...加上外面有少許鹽粒....好正呀!!!!配上蒜同埋蔥食風味更佳~~我無記錯好似有個酸酸地既汁點既~好好好好好味呀!!我好想再食!





下一樣就係油物...天婦羅哥d~都唔錯~有干柿同海老煎餅~




蒸物有四万十蒸鰻壽司....勁!!!好!!!食!!!!旁邊係銀杏同埋芋仔都超正!!!





食到黎呢度已經有d飽飽!!...但佢再黎一個溫物...金目鯛呀!!!仲有d蛋同牛蒡一齊整~~好好味呀~~~





上金目鯛時佢問我地上埋飯俾我地好無~~梗係啦~~好送飯呀~~~~正~




甜品~好柚子仔好可愛~內裏真係柚子凍黎架~舊菓子都好好味~





食食下甜品送來驚喜~~~~毛寶叫左佢幫手訂蛋糕呀~~~多謝~~~~~~~(雖然外表像美式蛋糕~)





多謝媽媽~多謝你的愛~




有人仲要送生日卡俾我呀!!!!!好靚!!!!!!





點解我又係學一堂刺繡...你又學一堂刺繡...點解你已經整得咁靚既??????好靚呀!!!!!佢話突登可以整郁我d蔭喎~~~等佢可以不停撥亂~~毛寶話因為現實咁整我一定會嬲~~依家可以瘋狂整~~~~~好靚呀多謝你!!!

多謝多謝~~媽媽你做咩唔望鏡頭呀~~





今年生日好開心~~可以係日本過~~~(呀~呢日係生日前一晚咋~~哈哈~~)




我好似想殺屎個蛋糕咁~~~(個蛋糕係全餐唯一的不好吃~~不過唔係呢個餐廳出品~佢幫我地係出面訂~)




食飽飽上到房已經鋪好床~~咁多晚我最鐘意呢晚既床舖~gd nite city~~~~~










2018/03/12的開心事：
咪就係毛寶上黎食飯囉~
(重點係唔使我煮~我媽煮~)



報時：距離與媽媽慶生台北吃喝之旅2018仲有---22日~
報時：距離和歌山嘆溫泉自駕遊之旅2018仲有---102日~
報時：距離與毛寶慶生泰國食揼嘆之旅2018仲有---205日~
報時：距離天團蘇格蘭高地之旅2018仲有---220日~
好叻呀!!!日本未訂哥兩晚房都搞掂啦~~
好開心呀~~~~~~~~~我為我自己鼓掌~~