2018年3月5日 星期一

日本四國自駕遊之旅2017-10-17第四天Part 2(微雨)

星期五...一般多野做~心情還好~因為飲左筋勞~元宵嘛~去左唱k~(好像無關)....因為要唱著~幸福屋~之歌痾~~一係一年唔唱一次k...一係一個月唱兩次k...怪人~應下節去食個湯圓~揀左我好鐘意既街邊檔腐竹白果糖水~星期六...好早起身..點解?因為有人話好想試雀仔園入面間人龍店和陽小日喎...我唯有一早起身代排隊~見係你咋..我最憎食野要排隊....排左成1小時15分..........食完...er.....唔.....呀...........算啦.....要排隊既午餐太攰....係屋企大被一拉...就睡了...我估唔到既係....個下午覺..我訓左成3個鐘!!!!!!!!!咩都無做就食晚飯...約左唯四既大學同學試皇朝間Papermoon....一般..但唔算貴.....仲收到利是喎!!!多謝!!........星期日... 中午去左順軒飲茶~有人請~今日無耍廢喇~~下午都在搞入台證同埋搵餐廳地址~夜晚想去食關東煮~點知無關.......求其食左d野...唔好食.....星期一...點會估到今日會仲忙過新年哥時?但我覺得係人為錯誤囉.....做到個人無哂心機....人地永遠可以做錯呢樣派錯呢樣...我地個位永遠硬食....搵次你地試下食番自己派哥d好無?...都唔記得講我娘去左旅行(我娘竟然同去左外地做巡演既sunny bb在同一天空下!!恨得我牙癢癢)....呢幾日都係我自己搞掂...收工本身想去買頹飯+例湯..點知無我想食既飯...唯有買cheap壽司+兩個小食安慰自己呢日可憐既心......(妖...無飲咖啡哥日先學人多野做)



2017-10-17
Day 4---Part 2(德島縣,祖谷 Tokushima-Ken,Iya->高知縣,高知市 Kōchi-ken,Kōchi shi->四万十 Shimanto)

今日兩個景點都觸礁~直接去住宿啦~gps教我地行d民居~小路~




無驚無險黎到呢晚既住宿~我地今晚既住宿叫四万十の宿...地址:高知縣四萬十市下田33710....Mapcode:276 689 886*50...都係溫泉旅館黎架~我地係上佢官網訂~因為係日文..一路訂..一路開住google老師同我地一齊訂~




呢度係大堂~我地呢日大約15:00左右到達~呢間d服務人員既英文比噚日哥間差少少..但係好有禮貌盡力解答我地既問題~(其實有時去日本佢講日文+身體語言大家都明~)




登記完佢就帶我地入房啦~出番大堂再入另一對玻璃門~




庭園又幾靚喎~





到喇~我地今晚既房呀~呢間比起噚日哥間房新式d~房新淨d~但睇得出d塌塌米就噚晚哥間靚d~同埋呢間房細d~不過都ok既~呢間溫泉旅館除左揀房型有唔同價錢之外....仲有揀膳食既不同而有不同價錢....我地呢間房再配埋我地揀既野食(都係會席黎既..我地揀最貴最多野食哥個)....一晚55,080円(稅込)=3828.1hkd....每人一泊二食18,360円(稅込)=1276hkd.....好平呀!!!每人食兩餐再加住一晚!!我覺得ok喎!!因為我地揀左最貴哥個餐!!(其實我地想揀貴d大d既房....無奈呢間都係好多人訂...d房好full)





景就無咩好睇啦~係對樹林既~





有浴室喇~可以第朝舒舒服服洗頭喇~




茶同零食~




浴衣同埋浸溫泉用品~呢度係用藤籃~唔係用膠袋~




由於仲係3點幾~好早~我地又未食午餐~所以係房輕輕鬆鬆食個杯麵先~中間哥個無特別丫~紅色哥個原來係中式魚翅湯麵....成個麵既質感係一pat pat"獻"汁咁~勁杰身~唔討好~





食飽飽又搞下事先~我地又換上浴衣準備浸溫泉去~呀~點解著完肥肥矮矮咁既~




好啦~大家換好浴衣一齊出發啦~都係老夫人著得好睇d~我地間房~叫木立~





呢度浸溫泉要將對鞋放入locker既...然後要攞鎖匙入裏面更衣室個locker用




喂~睇顏色都知邊邊係女仔邊邊係男仔啦~




(圖片取自官網)....有點少失望呢!因為有兩個大池都係室內的...同埋又唔靚喎!




(圖片取自官網)...室外哥個咁囉...又係無咩特色...成個小型游泳池.........都係噚晚哥個正d!!!!




浸完好想飲凍牛奶~但發現我地無人帶錢出黎.........住溫泉旅館最大既好處係....你浸溫泉前會沖涼...所以浸完之後番房就唔使沖涼好得閒~




check in時佢俾左voucher俾我地~話可以係佢地個bar度換一杯野飲~我地浸完溫泉就黎嘆下~都幾溫溫馨~





只可以叫無酒精飲品~我媽叫左杯熱咖啡~華...送既都整得咁靚!




毛寶既熱茶~





我既iced tea~送既野飲都整得咁認真我真係好佩服~因為佢用左好些時間整!謝~




今日預定早d時間食飯~~咁我地按時間就黎到餐廳啦~




我地今晚既菜單呀~~~係呀..訂房時我地揀左呢個"雅會席膳"....所以你揀咩房...再搭埋揀咩餐~就會有唔同價錢既一泊二食架喇~




佢帶我地去到我地餐枱...已經擺好哂一set野係度...我地一埋枱第一句:華!!!!好有氣勢呀!!!!!!!!!!!!!!!!!!!!!!!






食之前有一個溫柔的侍應姐姐走埋黎問我地飲唔飲野~(費用另付)...我地梗話好啦~依餐好既點可以唔飲d野助慶下~我就叫左個常溫既純米吟釀"藤娘"...650円=45.2hkd...好飲!算易入口~甜甜的~(因為我地話想飲酒佢就問我地想味道sweet d定dry d..我地話想sweet d佢就推介左呢個俾我地喇~)




毛寶的熱Sake...650円=45.2hkd....飲落好順喉好香~




老夫人就勁喇...叫左呢個set..有3種酒...分別係"藤娘".."土佐鶴".."司牡丹".....1,300円=90.4hkd.....華!!幾有氣勢!你當老夫人流架!....叫一set share黎飲幾抵!




幾開心~條友真係飲哂3杯




飲勝~開餐喇~




食之前好唔捨得再望多一眼~(因為佢砌得好靚~)




先從呢杯野入手~應該係有少少酒既...點點柑味又點點柚子味~幾開胃~




wow wow wow~美女們你地好~~刺身們好新鮮味美~隻蝦既色唔似我地平時食既刺身蝦~唔知係咩蝦!!好好味!





第二樣我揀食呢個高知特產!!高知特產係鰹魚呀~~每年3至11月係盛產季~~我地黎得真係合時喇~~~~上面仲有點點鹽粒...哀c!!!!!!!!!!!!




呢個d蝦仔好細隻但好鮮味~左邊哥個不確定咩黎...幾咸下既...覺得似醃左既魚內臟(亦有可能係自我想像)....右邊粒茄乾勁好食~




呢個螺幾得意~未見過~隻味好海洋鮮味~毛寶叫我影低話新鮮到佢屁股仲有海草痴住佢~







最後我先食!龍!蝦!...都幾大舊肉~~~~~勁彈牙~勁鮮味~~~我暈喇~~~~~(食完呢個木盆d野都有d飽飽地)






食到咁上下佢就幫你點火!要食牛啦~~~d牛勁好食~~~







紫菜天婦羅~勁好食~




跟住到燒魚~~諗起噚晚哥條都lam lam脷~點知呢條有d腥同埋燒得唔夠熟...失!望!至!極!




茶碗蒸好味~雞蛋滑滑的~




最後就係湯..飯..同埋醬瓜菜~舊蘿蔔真係好好味~d米都係四万十出產架~




甜品係和菓子(其實我唔係咁鐘意食和菓子..因為我覺得好甜).....但佢呢個栗子紅豆饀既和菓子又幾皮薄饀靚喎!連平時唔鐘意食栗子既毛寶都大讚~呢個甜品劃上左完美句號~(除左條魚...呢餐其實好好食)





番到房已經幫我地鋪好床啦~刷左牙玩一陣就訓lu~good night city~








2018/03/05的開心事:
見到你~
雖然你戴左口罩見到二份一的你~<3

****************************************
仲有呀!!!今晚Supper首新歌~~~~
"不要死在崇拜裡"MV有得睇喇~~~~
好心急衝去睇先~~~~~



報時:距離與媽媽慶生台北吃喝之旅2018仲有---25日~
報時:距離和歌山嘆溫泉自駕遊之旅2018仲有---105日~
報時:距離與毛寶慶生泰國食揼嘆之旅2018仲有---208日~
報時:距離天團蘇格蘭高地之旅2018仲有---223日~
台北d餐廳篤定了~好野~
同阿媽去都係咩都訂好位先好d..
費事去到要老夫人等啦~

22 則留言:

  1. 我覺得呢間既浴衣好靚呀 藍色好靚呀
    但溫泉真係冇前一間咁靚
    但好彩野食同服務仍然好好 XD

    回覆刪除
    回覆
    1. 間間浴衣都好靚..係我著得唔靚jeXD
      係囉..我入到哥刻都好失望~
      野食好味呀~~

      刪除
  2. 妳媽媽真係好叻,時時去旅行,好呀!
    夫人嘅浴衣著得好靚呀。

    回覆刪除
    回覆
    1. 哈哈~~佢真係無時停~~
      每一套都係佢著得好睇~

      刪除
  3. 雖然係樹林景但都幾靚喎
    個晚餐賣相100分

    回覆刪除
    回覆
    1. 我唔敢開門窗..驚有蚊~
      對對!!晚餐正!!

      刪除
  4. 用來盛食物的蒸籠好似裝住的點心一樣,不過啲點心變了刺身、漬物等等^_^

    回覆刪除
    回覆
    1. 係呀係呀~~~真係好似點心蒸籠~

      刪除
  5. 連飲杯野都SET得咁靚,又有插花,好有心思
    食溫泉晚餐係一種享受~~

    回覆刪除
    回覆
    1. 係呀佢攞黎時真係眼都突~因為佢搞左好耐~
      對~好鐘意~

      刪除
  6. ╭~╮
    ╰╭╯✨
     O
       ☆🌟
     .∧_∧o。⊹
     ( ・ω・ )
     |⊃/(___∵★°∴
    /└-(____/₡Ϡ¨*✬
    ❉•ೋஜ¤ഐ๑*۩۞۩✾
    ╠╣aΡpy週三💫好友🌜甜睡🌛💤

    回覆刪除
  7. 伯有著出雍容典雅氣質,讚.毛寶見到額頭好睇過平時梳哂落嚟......

    回覆刪除
  8. 溫泉酒店揀"和洋式"房,感覺上會大D...我覺得...
    浴衣好似真係同老夫人最襯,唔通同顏色有關?
    晚餐將D餸放晒入木桶又幾得意~~另外和果子好多餡~~

    回覆刪除
    回覆
    1. 但有時d和洋式房張被好醜我就唔想揀~~同埋未試過訓榻榻米我又想試下~
      唔係...應該係我著得醜je~
      晚餐有氣勢我鐘意~

      刪除
  9. 風月湯......正呀
    每人一盤海鮮.....yummy

    回覆刪除
  10. 你地著浴衣幾好睇呀!晚餐好吸睛喎!流口水…

    回覆刪除
  11. 陰公豬,無晒景點玩,不過又好彩果晚住溫泉酒店,最少可以浸吓休息吓!又有美食,咩都唔使諗,hea 爆佢^_^

    回覆刪除
    回覆
    1. 溫泉旅館真係令人好放鬆~~~好舒服~
      以前我覺得千幾蚊一個人一晚好貴...依家覺得好抵!!
      因為出去食好d都幾百一個人啦!

      刪除