日本四國自駕遊之旅2017-10-15第二天Part 2(雨天)

星期二...一起身個人又反下反下...個頭超暈...諗住去食麥當福叫杯即磨醒醒神....麥當福的帥哥幽幽的說：我地今日部即磨壞左..........聽完都心痛......呆下呆下番左陣工...好彩仲有我娘親救駕買左杯筋勞我飲....飲完有醒到但最後都變成頭痛......下午不敵頭痛...搞咁野食粒止痛藥算喇..妖!.....supper moment出左新歌呀!!!叫"不要死在崇拜裏".....依家先出星期六就係喇喎好驚我背唔切!!!.....夜晚我頂唔順喇...我叫我媽沖暖水袋俾我~~~我唔笑主席個福袋禮物喇~~~~~星期三....起身都係有d頭痛~~無計啦都要食藥~~~快d好番啦~~~我星期六要去睇supper架~~~~星期四.....起身...又頭痛....我喊.....法定筋勞日!!下午食左另外既止痛藥又好左d....唉呀....快d唔好頭痛啦...我好辛苦呀!!好野~~我聽日要去食魚蛋~~~~~



2017-10-15
Day 2---Part 2(香川県,高松 Kagawa-Ken,Takamatsu->直島 Naoshima->香川県,高松 Kagawa-Ken,Takamatsu)
落船時影番我地頭先坐黎既哥隻船~都幾大隻~又搭人又搭車~宮浦港Mapcode：19 147 398*52




其實我地黎呢度係有兩個重要景點~第一個已經出現~~就係位於宮浦港既紅色南瓜(by草間彌生)...係咪好可愛~~





丫~這個這麼帥氣的女生是誰?有無人認識佢?(自我感覺良好mode)....話時話...呢陣時勁凍....又大雨...又大風...難得還能保持帥氣




呢個南瓜仲可以行入去架~內部係咁樣~




毛寶眼中的我與紅色南瓜.....做咩我咁似旺旺龜龜架!




叫你唔好踩紅色南瓜仔呀~




宮浦港仲有好多其他細船仔泊係度~令我諗起格陵蘭~





行番過去碼頭(其實同紅色南瓜既距離係廿步)....買左回程飛先~行過去既時候望到...好靚呀!!!!!係紅色南瓜同埋黃色南瓜既巴士呀!!!!!唔知係咪觀光巴士呢!!





其實售票處旁邊就有紀念品+cafe~我地買完一輪紀念品....就要食食一直好想食既Cremia雪糕~(我知香港有~)




550円=38.2hkd....唔知香港食幾錢呢?我第一次食咋!!一入口...超香奶味...好滑~好好味呀!!!!!!!!!!!!!!!!!!!!我暈喇~~





又買完又食完終於再出發~第二個重要景點就係....無錯!!你無估錯!!就係黃色南瓜(by草間彌生)喇~~~~黃色南瓜Mapcode：19 119 173*16




Hi~黃色南瓜~你一個人係呢度有無d孤獨?




已經落雨落到黃色南瓜前面有個水氹~如果細雨番少少有番個鏡面倒影番南瓜仔應該會好靚~




呢個景點超多人~等左好耐先可以單獨同佢玩下~






我放呢張相上fb時有人以為南瓜仔係放係沙灘上面會掂到海水~其實佢係石級上面架~但呢張真係幾似係沙灘上面~




雖然落雨天遊覽係有d唔方便~但我幾喜歡有點淒清feel的你~




附近有間紀念品店~有好多南瓜紀念品賣~很不錯~其中一樣..係呢個南瓜擺設!係幾靚既!價值19,440円(稅込)=1,351.1hkd.......毛寶.....已入手~




潛台詞應該係：a!你蟹緊咩也呀~




行番出黎攞車時發現有個向海的鳥居和地藏




呢個島我地已經行完我地想行既景點喇~(俾咁多船錢就係為左睇兩個南瓜...我鐘意呀~)...其實呢個島仲有幾個美術館架~不過我地暫未有興趣~諗住搵野咬下~咪周圍兜下囉~(因為直島其實唔係好大)....路過呢個藝術裝置~我覺得有d風之谷feel~




決定係呢度落車行下~周圍都係民居~我覺得好似番左80年代~





發現呢間家庭式的cafe Konichiwa






最鐘意手寫餐牌~




媽媽叫左expresso..毛寶唔記得叫咩熱啡...我鐘意佢d糖~




我叫左Affogato...500円=34.8hkd....咖啡類我除左阿咩lee筋勞....chio湯媽ki丫圖之外....最鐘意就係Affogato~呢度球雪糕不錯吃~







望住瀨戶內海嘆一陣啡~過了一陣子的悠閒~






呢度有個服務生係外國人黎架(係鬼佬樣哥隻外國人)....用英文問下佢...直島係咪好似成日咁樣落雨架?佢好愕然咁答：唔係呀...呢度唔會成日咁樣落雨架..大部份時間都好好天架!...................聽完到我好錯愕~到底我地發生咩事?




好啦~飲完啡就番碼頭排隊等上船啦~~(我真係好驚搭唔到17:00船番高松~~)...等等下期間見到...華!!!波點船呀!!好靚!!好可愛!!我地係咪搭呢班船?




係呀係呀~~係坐佢呀~~~




之前係便利店買d野食~岩哂依家無無聊係船上面食啦~~呢隻Jagabee仲要寫住grand字!!芝士!!!好香好好味!!!!好正!!之後買左幾杯番澳門~




6點度就到番高松啦~即刻去食飯先~(有無人留意到其實我地係無食到中午飯~)....揀左寄鳥味鳥...地址：高松市兵庫町1-24 2F.....Mapcode：60 636 157*78....要注意..周六休息...係位於商店街入面...商店街後面有私人時鐘停車場




睇旅遊書話呢間野好多人食...所以我地都早早食飯算喇~唔想同人爭位~我地黎哥時已經有幾枱人食緊野啦~居酒屋格局~





有中英文餐牌.....睇完餐牌想叫人過黎叫野食既話...呢間鋪既傳統係揮動枱上既大紅旗...我有根據傳統做...令人很害羞呢~~~~~~~~~~~




叫左杯梅酒飲~500円=34.8hkd




好~飲勝~又順利完成一日行程~




叫左d前菜送下酒啦~有黑枝豆..400円=27.8hkd......好味~仲有芥末章魚同埋生海蜇皮...各450円=31.3hkd......很好下酒~





仲有呢個香川特產黑豆"しょうゆ豆".....450円=31.3hkd.....講到明特產唔通唔試下咩~~~不過勁似超大粒版紅腰豆....個味係幾好味既整到蜜蜜地咁甜味...但個豆咬到變豆蓉哥個質感我麻麻地~





老夫人~好襯你呀個鼻哥窿~




仲有呢個雞肉丸子"とり団子"....旅遊書都有推介....500円=34.8hkd.....真係唔錯~超濃香滑雞肉味~




茶泡三文魚飯...500円=34.8円...正常野~不過不失~




成晚既焦點要來了!!香川縣除左烏冬呢個名物之外...仲有盲 係骨付鳥...即烤雞腿~係採用香川縣內養殖既雞~分為"若雞"和"親雞"....."若雞"係小公雞肉...而"親雞"係老母雞肉~餐牌有寫明每張枱都要叫人頭雞脾!





"若雞"....880円=61.2hkd.....咁嫩雞我地叫左兩個...為左方便你食已幫你整到有切痕易d食既...一食....er......係幾嫩既...但味道極!度!重!!!!!!!!!!!食到好多香料味......好多胡椒味....極度咸....而且也很油......er.....我覺得一般囉....




"親雞"...880円=61.2hkd....佢會附上剪刀俾你食老雞.....味道都係一樣重....但終於食到雞既濃味...而且幾有咬口..但唔係鞋.......講真呢兩隻雞脾都入唔到我最喜愛...但如果你一定要試呢間寄鳥味鳥我建議你食"親雞"會好d~其實成間最好食係"とり団子"




又襯毛寶沖涼我又玩下d戰利品~係直島買d好多南瓜紀念品~~好靚~好鐘意條毛巾~紅色那個是Tote Bag~




呢個成塊磁磚咁既磁石超靚....其實我已經有一塊..因為之前皮皮送左俾我...我諗住買黎俾衰婆....一買之下先知呢舊磁石要成200hkd!!!!!!皮....你對我太好了~




呢兩個匙扣也太可愛了!!!!!!!!!!!!!




仲有買左少少野食~(記得唔好買燒賣哥個零食...勁難食~)




由於呢晚唔係食得好飽~食埋噚日買既松茸杯麵~(我家樓下7仔也有售).....總結：似芝士味多過松茸味...好奶狀...不算好吃~











2018/02/08的開心事：

毛寶請我食左個水嫩嫩既戚風蛋糕~~好好味~~

**************************************************
我唔理呀!!你地快d祝福我!!!
祝福我星期六係碼頭接到supper moment呀~~~
如果唔係我星期一就會係度發癲~



報時：距離與媽媽慶生台北吃喝之旅2018仲有---49日~
報時：距離和歌山嘆溫泉自駕遊之旅2018仲有---129日~
報時：距離與毛寶慶生泰國食揼嘆之旅2018仲有---232日~
報時：距離天團蘇格蘭高地之旅2018仲有---247日~