日本四國自駕遊之旅2017-10-14第一天Part 2(天晴及後陰天)

星期二....好似今日無咁大風...但我著左兩條褲~你知啦...坐係counter度好凍架嘛~~呢日全日都吃飽飽~星期三...仲係好凍呀....凍到根本唔想起身~~~今日很多麻煩的客~~搞咩約埋一起來?做完第一個時已經個腦攰到爆~咦....我已經有成個幾禮拜無跑過步......但咁凍跑步都無益...吸入既冷空氣會傷肺....呢個遊戲真係好難玩~星期四....今日要番早呀~~~無得訓晏一個鐘仲難起身~~到左法定筋勞日~~唯有買杯筋勞番工令自己振振奮~好野~~明天終於星期五了~~~



2017-10-14
Day 1---Part 2(澳門 Macau->日本,大阪 Japan,Osaka->香川縣,高松 Kagawa-Ken,Takamatsu)
由於塞左半個鐘車......揸揸下已經入黑.....鬼鬼祟祟的神戶塔(鬼祟的是我們~)...震震的拍攝手法很有feel~




過左神戶再經淡路島大橋.......




行過兩個摩天輪進入淡路島.....周圍勁黑.....黑到完全無燈...得反光棒....




黑既程度好似咁......................連車廂入面既人都睇唔到...你見到毛寶小孩嗎???????




由於塞車...本身既兩個半鐘車程變左3個鬆小時.....終於到達香川縣既高松市(Kagawa-Ken,Takamatsu)喇!!!!!!!!!辛苦哂你呀!!!!!一落機就要揸咁耐車!!!超辛苦你了!!!望下周圍...到達時間係7點幾8點.....就算係香川縣既首府.....都感受到呢度跟大城市的不同!




好野!!!到達我地呢個旅程既第一間酒店!!!就係高松JR克雷緬特酒店~地址：香川県高松市浜之町1-1...Mapcode：60 636 753 *81(如果d Mapcode我有去而我又有搵而又岩既..咁我寫埋出黎~等大家搵得唔使咁辛苦~有時唔使入*後面的數字)....係通過Hotels.com預訂~重點搵既時候要搵埋佢有無停車場~停車場泊一晚1,000円=69.5hkd~




大堂已經佈置到幾有萬聖節氣氛~




由於呢間酒店係無3人房(我發現係四國係幾難搵到3人房+有停車場)...所以就訂左間雙人房+單人房~要求左兩間房係同一層~佢就幫我地安排左係隔離~唔錯~我地會係呢度住兩晚~兩晚雙人房價錢為1,615.4hkd...即每人每晚403.9hkd...不錯丫!單人房就兩晚1,239.9hkd..每晚620hkd~相入面係雙人房....媽媽哥間我無影..不過差唔多大~我地3個對房間表示滿意~






之後隨即衝出去搵野咬啦~~~~~~~~~即刻黎第一餐~~ぴこぴこ精肉店...地址：香川県高松市瓦町2-10-18...Mapcode：60 606 368*76....係食日式烤肉的~~~有得上網預約..不過我地無約..因唔知幾點會到~我連左日文網站俾大家~因為中文版翻譯得有點怪怪的~我地係酒店揸車黎我諗5分鐘度~唔難搵...但難在搵位泊....市區最煩係泊車...好彩附近好多私人停車場....食呢餐我地泊左600円=41.7hkd..我諗兩個鐘度..夜晚平d~




仲要係個室設計~唔會見到隔離枱~私隱度高~正~




吸引我地黎係因為呢度有好多牛既稀少部份食~同埋呢度係食宮崎安樂牛~(但不在日本三大和牛之列~三大和牛是松阪牛..神戶牛和近江牛)




好吸引呀!!!!!!!!!!!!!!!!!!!!!!!!!!!!!!!!!!!!!!!!!!




叫左野食之後先上飲料~毛寶叫左德島產既柚子梅酒(左)...460円(稅込)=32hkd.....我就叫左紀州產南高梅使用既梅酒(中)....400円(稅込)=27.8hkd....好飲!!仲好抵飲!!...媽媽就叫左日本出產既whisky響(右)....600円(稅込)=41.7hkd......我暫時唔係好識欣賞~




中途我再追加多杯山崎蒸溜秉貯藏焙煎樽熟成梅酒...560円(稅込)=38.9hkd...呢杯同普通梅酒超唔同!!!!超重酒味!!如果酒量不佳飲完應該會當場倒地...




來~乾一杯~乾一杯~乾一杯恭祝友誼~(媽呀~點解張相有聲既~).....真係辛苦哂毛寶喇~~~好好吃番餐~~~




泡菜...580円(稅込)=40.31hkd...全部都好吃!




就咁菜沙律...630円(稅込)=43.8hkd....點都要食d菜架嘛~正常野~菜新鮮~




呢隻係安樂牛R.O.S....3,500円(稅込)=243.3hkd...完全唔知點解佢叫R.O.S~但係見推薦餐牌哥度有佢~所以試試~油花超靚!!!好吃得過份~推介~~~





肩胛骨下肉....2,800円(稅込)=194.6hkd....超濃香牛肉味!!!!!!唔係三大和牛又點?好食就得~~~~~~~~~~~~~~好好吃!!!呢個價錢簡直係佛心!!!推介~~~





唔識日文~唔知呢個係咩~淨係知佢配個汁..同埋1,280円(稅込)=89hkd.....呢個肉質較硬~我麻麻~




野菜盛~680円(稅込)=47.3hkd~日本的蔬菜都好好吃~




牛骨湯...1,480円(稅込)=102.9hkd....超重的味精味!可以不點!




話明有稀少部位食嘛~梗係叫個內臟盛合....1,780円(稅込)=123.7hkd.....佢會視乎當日有咩俾咩~




除左牛柏葉...其他都唔知係咩~





但內臟是有點難燒~我唔知幾時熟~似金錢肚物體哥個其實味道不錯~不過我燒耐左~硬左d~





仲叫左條腸狀物體...1,080円(稅込)=75.1hkd....因為唔知頭先個拼盤有~又叫左條~點解我話佢係腸狀物體...因為我覺得好似豬大腸~




但燒極耐入面d肥豬肉狀既物體仲係度.....我試食左少少...我平時係好鐘意食豬大腸哥d人...但呢舊我真係頂唔順!!!!!成個口都係油.........好核突!!!睇下燒左超耐仲係肥油狀態!!!





菠蘿雪糕...360円(稅込)=25hkd.....25hkd仲要兩大球~好香菠蘿味~食完烤肉清清個口不錯~




呢餐食左16,310円(稅込)=1133.5hkd..每人377.8hkd....我地驚唔夠現金用~所以大部份食飯都碌信用卡~我覺得安樂牛真的超好吃!!!牛內臟就某部份不錯~可能我食唔慣~但都推薦呢間~咩都試下嘛~




日本烤肉真的好~好~吃~~~食完我地就揸車番酒店休息喇~









我想講...我左邊背痛左好耐....
我諗有成個幾禮拜.....
係呢幾日先好番d......
但係個背唔痛....佢好似走左上頸同頭痛...
我就開始諗...會唔會係我係香港買既枕頭..
入面d物料俾我訓扁左....
或者我頸形變左?
我媽頭先見我又貼退熱貼....問我做咩事又唔舒服...
我：可能個枕頭訓耐左d物料俾我訓扁左卦..我頸都好痛..
媽：咁快?訓左唔係好耐咋喎!(事實上未夠一年)
我：咁呀...可能我生得太靚卦~
媽：唔!可能係啦.........
(然後靜左佢諗左一陣)
媽：你生得靚同你個枕頭物料咁快變有咩直接既關係架?
我：無架~只係你咁都信~~~~~~~~~~
哈哈~~係咪好無聊呀~~~~~~
快d唔好頸痛背痛頭痛啦...呢兩個禮拜都係咁...



2018/02/01的開心事：
華!!2018年咁就過左1個月喇!!!
今日已經係2月!!!!!!
即係距離睇sunny bb場show仲有9日咋~~~~~
好緊張呀~~~~~~~~~
到底你地係邊個碼頭上船呀~~~~~~~~~~~
好想見到你地4個呀~~~~~~~~~~



報時：距離與媽媽慶生台北吃喝之旅2018仲有---56日~
報時：距離和歌山嘆溫泉自駕遊之旅2018仲有---136日~
報時：距離與毛寶慶生泰國食揼嘆之旅2018仲有---239日~
報時：距離天團蘇格蘭高地之旅2018仲有---254日~