日本四國自駕遊之旅2017-10-19第六天Part 1(陰天後轉雨)

星期二...番工勁爆多野做囉..........勁大壓力到我呢日塞左好多零食入口...係痴左線咁......周圍搵野食...放工同左朗公子去篤魚蛋黎定驚........仲買左兩包特價薯片減壓.....星期三.....好多野做........好攰........但有一件事我一定要記低...我今日幫個同事做左個申請...個同事個口劇臭...(唔係講衰野哥d口臭...係真係腸胃唔好哥種臭).....其實好多人都有口氣......但佢呢個我真心第一次聞(其實仲要加埋狐臭味)...搞到我放工時個胃好唔舒服...成個人呆左.....機又唔記得禁...叉電線又唔記得攞番屋企...好難受....放工時好似一隻受傷既小狗咁...好恐怖...............後尾係食番媽媽整既餐蛋飯個人先醒番...星期四...其實我朝早起身心情有d低落既...因為我噚晚發夢狂追籌同不停做野...一早起身已經覺得個人好攰.....但之後收到毛寶話俾我知既一個好消息~心情又靚番哂~~~~哈哈~~~~~~好野~星期六有公子開年飯~



2017-10-19
Day 6---Part 1(高知縣,中土佐町 Kōchi-ken,Nakatosa chō->室戶岬 Muroto->德島縣,德島市 Tokushima-ken,Tokushima shi)
早呀喂~~~~~一起身望下出面祈求今日生日會睇到日出....er....算啦咁~





華~~一早有生日利是收~~多謝媽媽~~~




又去番噚晚大堂個餐廳食早餐~




入到餐廳已經set好哂~




雖然都ok~但我都係覺得蔓橋d早餐好味d~~~





食食下望過隔離....噚晚食飯時望過去淨係知隔離枱係窗邊位...但外面全黑咩都望唔到....依家有日光望過去...華!!!!!!好靚呀!!!!!!!!!!!!!!!!!!!!!!!!!會唔會太離譜呀望住呢個景食早餐~




食飽老夫人買呢支野....入面係鰹魚乾.....放豉油入去浸住.....之後就會變鰹魚豉油啦~~~~~(流口水)




好啦~執好野走人啦~望多次呢個景啦~




好~埋單走人~計埋酒同蛋糕53,300円(稅込)=3704.4hkd....每人1,234.8hkd.......毛寶很帥氣的拿出信用卡：我請你地兩個呢晚溫泉酒店做你既生日禮物丫~.......野~多謝你~~我地住3晚溫泉旅館咋~今晚開始住番酒店喇~總括黎講...3間我最鐘意呢間黑潮本陣!!因為佢溫泉景靚!房靚!房個景又靚!野食又正!!!!仲係3間日最平!!!所以...我最鐘意呢間~蔓橋就貴囉~但我都好鐘意佢個溫泉同埋晚餐早餐~房就一般~(但房入面既溫泉我又好鐘意喎~)....四万十就晚餐正~房就一般~溫泉唔靚~




好喇~鞋仔排排企.....要走喇~




好喇~~又出發~~~喂~生日喎~俾個面唔好落雨le~




老夫人話要買杯咖啡嘆嘆..我地又走入去便利店啦~見到當時新出既芝士牛奶海鮮杯麵!即買!!!!我無當時食架...我帶左番澳門先食....個湯係幾濃厚既....但個奶湯味有d漏~





當時臨近萬聖節便利店買夠1,000円=69.5hkd就有獎抽~我抽中左罐菠蘿呀哈哈~~~~~





沿海邊行~然後又入市區~呢程車都幾長下~~就係呢程長車程我就係度諗...做唔做哥樣野好呢...做唔做好呢....諗諗下.....做左又無人知既~得既話咪有生日禮物囉~唔得既話都係得我一個自己知je~~所以我就鼓起勇氣好怕醜咁做左喇~有無人知我講咩?下篇話你知~





咦!!!係咪聽到我禱告呀?!個天放晴呀!!成個旅程我第一次見到個天有藍色咋!!!!!!!!





經過兩小時四十分鐘車程~終於黎到室戶岬(むろとざき)喇!!!





頭先去便利店順便買左d野食~就係諗住野餐用~~~點知攞哂野食出黎發覺太大風~都係上車食啦~




其實成個室戶岬有好多個景點架!!!!大家有時間不妨搵d自己有興趣既行下~~~~~




生日既亮點行程就係呢個!!!室戶Geo Park!!...地址：高知縣室戶市室戶岬町1810-2..個地址其實係佢個觀光中心黎既~你搵到佢就搵到架喇~順便可以係呢度攞埋資料~Mapcode：1027 276 041*14....咁我地食飽飽就開始行喇~





d路都幾好行的~有鋪哂路!!




重點係唔使行太耐~拿...3分鐘度就行到有野睇喇~拿~自己睇睇介紹啦~日文我唔識...英文我又懶唔會睇~




華!!!好有型呀!!!好似去左外太空咁呀!!





可以行近d影的~但行呢度就要小心喇~~勁開心!!因為望呢個景好似去左冰島咁~~~~





原來呢d由海底沉積物面成既濁積岩~~~~




老夫人!!你好有型呀!!著住對係日本買既爬山鞋又招招積積咁~




呢個景我好鐘意!瘋狂拍帥照~







行去下一點...沿海行...勁大風大浪.........喂!!又陰天厚雲既!





子授之岩?




見到好多細石係舊大石上面....唔通...放到細石上去就可以有bb~~~~~咁我小心d喇~~~我仲未想有bb~~~~~~(好怕醜...但無諗過有無人想同我生~~~)





勁~~大~~浪~~~~~~




呢棵樹勁有型!!!生到周圍都係...有一點點詭異的氣氛!










2018/03/15的開心事：
我依家個心真係好興奮好忐忑...
只有你懂我懂!



報時：距離與媽媽慶生台北吃喝之旅2018仲有---19日~
報時：距離和歌山嘆溫泉自駕遊之旅2018仲有---99日~
報時：距離與毛寶慶生泰國食揼嘆之旅2018仲有---202日~
報時：距離天團蘇格蘭高地之旅2018仲有---217日~
華!!!和歌山係雙位數喇!!!期待~~~
台北唔夠20日就出發喇!!!期待~~~
今次台北都會試幾間未食過既餐廳~~
好期待~~~~