日本四國自駕遊之旅2017-10-14第一天Part 1(天晴及後陰天)

星期五...早上飲筋勞~中午食左cheap壽司~工作係臨放工前有少少忙亂je~夜晚去左食榮江~~星期六...訓到12點半~我唔係偷懶唔跑步..但係我聽日有野做要好早起身嘛..俾日我訓下啦~中午買左Bless既自選沙律同埋香茅雞肉三文治~個三文治幾好吃~當然唔少得我最喜愛的starbucks筋勞...整個下午在幸福忙..因為睇緊未買機票哥次旅行d野.....研究左成個下午.....晚上用澳覓叫左關東煮外賣...澳覓真係本世紀最偉大發明...讓我可以在家當個宅宅~星期日一大早....公司有ot做.....哈哈~都幾好~賺下筋勞錢~...放左工又去左買Bless沙律同三文治番屋企食~~(連食兩日~)....下午又再幸福忙~忙左成個下午~~~噚日忙既...今日已然買左機票喇~~~~想睇落少少講~~夜晚澳覓叫煲仔飯...但等左兩個鐘先有得食(兩日d行程好似一樣咁~~)...星期一...噚日超早起身番工~~好彩呢日番晏..訓多一個鐘~~~今日唔知點解勁多野做....做到氣咳........咦...我好耐無跑過步添...點算好...但聽日好凍喎....點呀點呀~~大家要著多件衫唷~~



2017-10-14
Day 1---Part 1(澳門 Macau->日本,大阪 Japan,Osaka->香川縣,高松 Kagawa-Ken,Takamatsu)
yoyoyo~~~~~~終於出到四國篇喇~~~~好開心呀~~~~~今次係澳門飛~真係辛苦了毛寶喇~因為係澳門飛..最近四國只可到大阪...而大阪去高松揸車既話要成兩個幾3個鐘....(如果係香港飛就直接有機到高松)...但我地又唔想係香港飛喎.........好啦~介紹下有咩團友先~有我啦~毛寶啦~仲有我媽媽~~~~~我地哥日係預約電召的士既~(終於有番d好野我用到).....本身想自己揸車的...點知澳門機場取消左日泊價..只有按時收費....貴到飛起...我都唔知佢想俾邊個泊?!.....好啦~出發~~~影番張帥氣既出發照先~~乜解企最前哥個女仔靚成咁架~睬~~~~~你又不得不佩服我呀~我又係一早上網做左check in~今次都係唔使排~叻叻~




好喇好喇~~~又到用盡信用卡優惠時間喇~~~~食番個早餐先~~~~~~~下~~~咁都撞到中學同學仔既~~~好有緣~同一日出發~~~~都係飛日本~(但不同城市~)..唔知人地想唔想出鏡唯有遮遮佢~~但我又好想出相表達我好開心撞到人~




食食早餐先~~~~粥同薯餅都好好味~~~~~係有d九唔搭八既我~仲食埋以前酒樓食乳鴿旁邊d蝦片~~好味~~(早餐食d咁既野~但我鐘意~)...襯得閒講下今次匯率先~今次係6.95....即係100円=6.95hkd~




咁既~俾大家睇睇我地張行程紙先...我話想用紙筆寫低方便去旅行搵野時睇...我叫毛寶寫...因為佢d字靚.......但...我無諗過佢用點墨水既筆寫囉!!!好靚...真係小事都咁用心...抵你成功既!......話說呢個行程困左我同毛寶好多個月...小至租酒店...大至排行程.......都覺得好難...一黎我地未去過...二黎四國太大了!!(有香川縣..德島縣..愛媛縣..高知縣)....我地淨係揀左3個縣黎玩...但都好似唔係好夠時間...因為有d車程太長!!!!




俾你睇其中一張清楚少少喇~仲要畫埋公仔...驚未!寫得好詳細呢~




我地係搭澳門航空既NX856號航班係10:30由澳門直飛到日本大阪~~~~~~~上機~又先換換日本電話卡先~淘x有售...好像4xRMB......好像可用8日....頭1GB係4G.....之後就3G任用~抵~每人一張~唔好講~~~~~~~




身為帶街...為團友填寫入境表是必須的~驚覺日本張入境表簡化左超多!!!!唔使填咁多野!!!非常的好!!!!!




華!!!!!!!!!!!澳門航空既日本線同台灣線真係一個天!!!!一個煉獄..............日本線可以用好好吃形容!!!今次我揀牛!!!係!勁!好!食!!!!!!!!!!!!!!!!!!!!!!!!!!!!!!!!!!!!!!!!!!!!!係牛粒黎既~有少少肥痴住~汁就有點像sukiyaki~wow~出色!!!沙律係薯仔吞拿魚沙律~




毛寶揀左魚~一向的味道~今次同牛比就失色了~




I know above the clouds the sun is rising~~~~~~Things are looking up!!






係機上面睇左29+1......話咁快就到喇~~~(呢個係我鐘意飛大阪既其中一個原因~~好似快東京好多咁~)....出發前睇過天氣.....呢幾日都係....落雨.........hey!!!預報je~無咁準既~





降落既時候完全feel唔到落左地!!機師好野~~原定到達時間係15:30....依家到達時間係14:50....足足快左成40分鐘!!!多謝!!!等我可以唔使咁趕做今日餘下既野!!!!擔心左好耐唔夠時間做~(在Terminal 1降落)




今次超快地過關~~(但過關有點小風波..今次問酒店問到要超精準)......行李都係快速攞到~就出禁區了~一出禁區...毛寶就走去information度問郵局係邊~(對對~機場入面有間郵局的~)




關西機場郵局位於Terminal 1既2樓......我地要去郵局...係因為要攞番租車公司寄俾我地既野(只可在各郵局取或酒店取...不可在租車公司取....由於關西機場有郵局...所以我地就揀左一到步就攞...方便陣間揸車就要用)....由於郵局辦公時間到17:00....所以我出發之前好緊張會攞唔到....依家早到左時間充裕左我放心哂~




去到話番你自己個名俾職員聽就攞到~郵局職員超醒目~應該好多人都係呢度攞租車公司寄黎既野~




我地要攞既就係呢張ETC卡!(係...信用卡既大小~)....入面租車公司仲俾左d買野coupon(不過我地之後都無用過~)+一個回郵信封...呢張ETC卡係做咩既呢?就係插入架車度....當你行高速公路需要收費時....有呢張卡你就可以行ETC通道唔使自己搵散銀俾錢喇~~~租ETC費用為2,592円=180.1hkd......另外.....由於收費路段估計幾多下(我地玩橫跨3個縣)......所以除左租ETC卡之外...我地就買埋"ETC卡高速公路吃到飽套餐"(我作既)....正確名稱係TEP...每一日1,675円=116.4hkd.....我地買左8日..即13,400円=931.3hkd..........可以任行高速公路(有某d唔包..但我行過既都包).....即每日如果你行收費路多過117hkd你就贏了!!!!你可以上網計下每個收費路段會唔會超過呢個數.....我地太懶...免了~我只係唔想搵散紙去俾錢(誤)......ETC卡+TEP方案+Additional Support(好像是保險)=24,632円=1,711.9hkd......係租車既時候通過租車公司網租埋~(但要先收費而且要在郵局或酒店取..因為我地係機場租車而且隨即上高速公路...梗係機場郵局取啦!!)........有好重要一點我手上面仲有一個回郵信封!!就係係你最後一日用ETC哥日要張ETC卡入落回郵信封再入落郵筒!!!(係!!要寄番俾佢!!)...仲有一點都好重要!!就係你要係還卡日截郵前入到郵筒...如果截郵後先入佢會當你租多左一日ETC卡要俾多日租!!!!要留意!




去完郵局成個人鬆哂~去便利店望下放鬆下先~又有一堆我最鐘意食既期間限定薯條~~~




出發前我就知道我一定要買既係日本酒Kit Kat!!!!!!!見機場有~唔想攞咁多日~回程先再係機場買~756円(稅込)=52.5hkd




華!!仲見到當時大熱的松茸杯麵~~~~要試啦~~(車..好叻咩..依家我家樓下7仔都有得賣)




好~行完一輪便利店我地要去攞車喇~眾多租車公司都係Aeroplaza~要去Aeroplaza要先經過關西空港駅!




穿過關西空港駅就會見到Aeroplaza!入到去有指示的...好似搭lip到B2就會到(定B1呢?!不負責任blogger mode)




我地今次係租Nissan架!不過唔係Nissan官網租...係一個叫TOCOO!既網站租的~點解要咁租?應該係...因為TOCOO?!有埋我頭先所講既ETC卡+TEP方案(但上網租車玩左我地成個下午)....但counter姐姐有點黑面+英文麻麻~




呢架就係我地呢8日既好幫手喇~租8日車+保險+GPS(記得揀有多國語言既車黎租)=60,969円(稅込)=4,218.4hkd(到付)...每人每日175.8hkd.....抵!但毛寶話呢架車勁舊...司機個seat位連高低都無得調~




個GPS一開始時我地同佢溝通唔到...個箭咀識郁但係個地圖唔跟住郁...要我不停咁篤個地圖跟個箭咀郁....我以為我要篤足兩個幾鐘到目的地......




好~出發~~~已經有幾粒雨落~~~好緊張呀!!第一次係日本上高速公路跨縣!!!





經阪神高速到神戶再去我地既目的地




咦~無啦啦又有d陽光喎!




毛寶專心駕駛~我就分心睇下日落~






好喇!!經過第一個收費站!記得!租左ETC卡既行"ETC專用"呀!!




收慢油20km/h....經過時聽到bit一聲加"ETC卡dor"...咁就收左錢架喇~幾方便~




繼續神戶方向行駛~




點知行行下勁塞車.....高速公路都塞?原來條橋本身兩線行車....修淨得一線行車...其實一線整路中!!!!GPS上面有提到!勁!!!!!!!!!!




塞車時食少少野先~頭先便利店買的~左邊的期間限定Jagabee好好味~~~~右邊的也不錯~




一開始時唔記得影行左幾多公里~塞緊車時影番~暫時行左47.3km~




一塞塞成半個鐘..........................塞緊車搞下個GPS...妖~原來我地唔識整~~整番好喇~明明人家很好用而且超清楚的~分叉路仲有埋圖俾你睇!!!(但提提你...呢個GPS雖然指示好清楚..但如果你入地址電話之類佢係搵唔到的.....好彩...我出發前有上Mapion搵好哂d mapcode..如果唔係......之前去沖繩租車公司有提供各大景點mapcode..同埋沖繩哥d真係入電話就搵到....呢個唔係~由於Mapion全日文..好彩搵到個Mapion教學....最精準係入mapcode..其他都搵唔到..我真係好多謝我自己出發前無懶)








好利害~
我搵到兩個長期贊助我飲筋勞既人~
有一個一次性資助既善長~
多謝貞公子既資助..如果你想作為長期資助人~
我都係無任歡迎的~多謝你~~~~~~~~
多謝毛寶的長期資助~
另一個長期資助人係我阿媽...
但其實最妙係佢唔知自己將會成為長期資助人~
佢認識我開始就是踏入一個無底深淵~~
講到我係一個壞女孩咁~~~~~



2018/01/29的開心事：
今日有人放工探班~好開心~~
我是一隻搖尾的小狗~



報時：距離與媽媽慶生台北吃喝之旅2018仲有---59日~
報時：距離和歌山嘆溫泉自駕遊之旅2018仲有---139日~
報時：距離與毛寶慶生泰國食揼嘆之旅2018仲有---242日~
報時：距離天團蘇格蘭高地之旅2018仲有---257日~
對對~~~我地要去和歌山~~~~
上次去完四國番尋味呀~~~
見和歌山d景點唔錯~同埋又係有溫泉既~~
去嘆嘆先~~~~~~~
星期六日研究左好耐~因為只係去一個縣~
無咁難plan~成個行程已經寫好哂~~
今次係我plan架~~~我真係覺得我自己好叻~~
兩日搞掂左張機票同埋兩晚溫泉酒店~~
真係叻豬豬~~~~~~~~好期待呀~~