日本四國自駕遊之旅2017-10-19第六天Part 2(陰天後轉雨)

星期五....番半日工....然後瘋了半天.........星期六...晨早起身去左食新開既雅吉(Aji)...想試係因為佢係一間日式秘魯菜~~都唔錯~夜晚去左麥公子屋企開公子開年Party~~星期日...訓左11個鐘...好舒服...中午去左D'light Dessert Cafe...呢間野開左好耐但我依家先第一次去食...因為我真係好想試下佢個馬拉盞意粉!(佢之前出哥d其好吸引架..有腐乳意粉同梅香咸魚意大利飯~)....估唔到馬拉盞意粉出奇地夾!唔錯!叫左3樣野食3樣都好好味!!連飲品都好對辦!係澳門實屬少見~下次再去試埋腐乳意粉先~跟住去左行公園...華...好年輕呀~行左白鴿巢公園...我生到咁大粒人第一次行咋...原來都幾大.....之後毛寶仲帶我去蒲佳景....因為我話我未入過去...成件事好old school~~佢先發現我原來係從未溜過冰...(我無溜過冰呢件事係咪好過份?)....我地仲換左$21黎打機.....又幾抵玩喎!...呢日節目好豐!..多謝你帶我去見識!夜晚食左外賣壽司~星期一...呢日非常奄悶......唔知係因為天氣...定係因為只係今日係星期一~我好想回到星期五的快樂時光呀.................嗚嗚.....



2017-10-19
Day 6---Part 2(高知縣,中土佐町 Kōchi-ken,Nakatosa chō->室戶岬 Muroto->德島縣,德島市 Tokushima-ken,Tokushima shi)
然後揸車去下一個點(大慨兩分鐘..佢景與景之間好近)...下!!但封住左既!!呢個景本身係可以行去鳥居後既山洞...




影番出黎會好似呢個景咁!




但依家話佢有塌石危險..依家封左無得入lu!





發現望番過對面路...有指示牌行向海邊...應該又係有野睇~




呢段路有d難行...我地叫媽媽係車上面坐坐先~




行過有條天然石橋~好靚~呢張相又令我諗起"Contact"呢套戲入面茱迪科士打去哥個外太空既海灘景...純個人認為(我講毛寶影哥張既感覺..唔係我影哥張)





行到最開又有一個景點...唔知乜乜岩...(其實我真係好不負責)






呢個位係極度爆勁大浪!!!我記得我同毛寶企左好一陣子影浪...(其實我幾鐘意睇)






其實仲有好多景點~不過我地無一一行哂喇~因為又開始有d天陰陰想落雨又大風~算囉~我地走喇~




突然間經過一個位....我同毛寶都覺得好似冰島黑沙灘哥3舊精靈石~~~




呢段去酒店既車程都有d長~因為我地係高知揸番去德島~就係架車無無聊時睇下instagram.....(記唔記得前一篇我話我諗左好耐做唔做哥件事好既).......其實我就係好唔知醜咁send左個ig msg俾Sunny bb....希望佢可以同我講聲生日快樂(其實真係幾唔知醜@@).......點知佢真係覆我喎~~~~~~~~~~~~~~~開心到我丫~~~~~多謝Sunny bb<3.............我覺得你對粉絲真係好好!!讚~~~抵你地咁紅!(你真係唔怕甜親人架喎<3)...我真係好希望Supper上到紅館架!但到依家仲未有消息....;[




俾人甜親之後又到便利店抖抖時間~買左少少野食坐低食下~同埋買左呢d零食番澳門~




呢個又係期間限定啦~~~富山白蝦味...不過一般~




呢隻蟹膏罐頭呀!毛寶話搽白麵包食超讚!之後再去大阪佢都有再買番澳門~~~~(最重要係佢好輕~)




經過全長2小時42分鐘車程終於黎到德島喇!!!(係市區仲迷左一陣路....因為我搵錯酒店個心路GPS)....我地呢晚係入住阿波觀光酒店....地址：德島縣德島市一番町3丁目16番3號.........德島極度難找3人房+停車場......只能搵到呢間....但呢間酒店係極!度!舊!!!!!!!!!!!!房價係939.8hkd...每人每晚313.3hkd......生日正日先黎住呢度..好正~(但無辦法..因為真係搵唔到3人房+停車場呢個組合喇...其實呢間個地點係幾好既)......停車場泊一晚1,000円=69.5hkd.....你硬件舊我都算.....仲要個冷氣哥晚訓訓下無左.....極度焗!!!!!!!!!!點較都開唔到....毒到係到埗時正常...係訓訓下先無...深夜又唔想行落去話再換房......諗起都唔開胃!!!!!!!!!!!!!!!!!





雖然間房差....但reception既接待員好有耐性同好有禮貌...入住仲有禮物送!




佢硬件好舊睇得出佢想用軟件救番....有新新咖啡機同埋好新式既風筒.....(但對我黎講最難頂係部冷氣)




算啦~唔好理住喇~出發去食生日大餐先~我地揀左呢間德島魚問屋とゝ喝...地址：徳島市紺屋町13-1 とゝ喝ビル1.2F.....Mapcode：56 231 544*31...無提供停車場....但附近有地下停車場~




本身安排我地坐吧枱....周圍極多人食煙...之後轉左我地上二樓個室坐(仲好)...現場所見無外國遊客...全日本人...望住呢個餐牌...呆左陣...




呢間餐廳既侍應英語接近溝通唔到....我估間唔屎都會有我地呢種人衝入黎....所以佢有英文餐牌~~咁都好d~




艱辛地叫完野食~




招待的前菜~好好味~(佢地既前菜通常都有計錢的~請留意~就好似我地飲茶d花生咁~不過我諗佢地唔興退番個前菜俾佢地~請好好享用吧~入鄉隨俗嘛~)




我叫左梅酒~600円=41.7hkd.....好味~




生日要賀賀佢~勝既~~~~~~唔記得我媽飲咩酒~又唔記得幾錢~




我地叫左4隻刺身~wow~好似幾可口喎~




有墨魚啦~1,300円=90.4hkd....好鮮味~哀c~




叫左白身魚...但唔知係咩~1,600円=111.2hkd....呢隻爽爽的~淡味d~但都ok架~




Fatty Tuna~~我都唔知佢係大拖羅定中拖羅~但應該唔係赤身卦~~~3,000円=208.5hkd......切成條狀又真係第一次見...但d顏色真係幾靚~~而且食落好肥美~~哀c~




仲有海膽!!!!!!!!4,000円=278hkd!!!好好味呀~~~~我要爆炸喇~~~~~




燒唔知咩螺~~唔知幾錢~~~好味~~~




燒鮑魚...時價..我都唔知幾錢..都算幾大隻下~~但覺得佢有走過油~~~




呢隻蟹餐牌好似無既....仲坐係吧枱時見到佢放係度....指住隻蟹叫的~所以又係唔知幾錢~~~~~~~黎到哥時好開心~~~因為佢已經幫我地拆好哂肉!!!!!!!!!!好野~~~~一隻都勁多肉..而且都好多膏...d膏超鮮甜!!!呢隻蟹勁好食~~啖啖肉!!!





唔知呢隻係咩蟹呢?勁大隻~




然後到黎呢間餐廳既重點!!!我地係為左呢樣而黎架!!!就係呢間餐廳既名物!!!鯛魚飯!!!3,000円=208.5hkd......原來勁大個!!!!!




佢俾我地睇完影完相就攞走!!!幫我地起哂肉撈好哂黎個飯度再一碗碗分俾我地~~~~大約3個人每人兩大碗飯!!都幾抵喎~




勁香勁香勁香!!!!!!!!好想食多次!!!




食飯叫左麵豉湯....仲有埋醬瓜~




呢餐食左35,640円=2,477hkd~~~~~媽媽請我食生日飯~~多謝媽媽~~~~~~~*3*




食飽行過7仔入去望下...基本上我成個旅程一見有7仔就入去望....我係四國咁多日搵左咁多間7仔...我終於搵到呢隻神餅!!之前幾間都話賣哂....係7仔同某間知名餅店合作.....被某個fb group既人講到食完識飛咁~~~話一食完就要即刻衝入去買多廿包番屋企云云




當100個人話好食..你係咪都一樣覺得好食?唔係既...我覺得好一般~~~~食落個餅幾甜...而且餅既質感好紙皮feel....好彩我無大手買入~

之後番到酒店....阿媽覺得唔舒服...原因係佢食得太飽又飲左酒然後又食埋念慈x....撞到鬼5馬6.....跟住就胃唔舒服嘔左幾次....嚇到我同毛寶咩咁...諗住去買藥俾佢食又話唔使....之後佢好番d.....但我地訓訓下無左冷氣.......熱到我就黎扯蝦








2018/03/19的開心事：
唔.....食到成口熱浪算唔算?



報時：距離與媽媽慶生台北吃喝之旅2018仲有---10日~
報時：距離和歌山嘆溫泉自駕遊之旅2018仲有---90日~
報時：距離與毛寶慶生泰國食揼嘆之旅2018仲有---193日~
報時：距離天團蘇格蘭高地之旅2018仲有---208日~
唔知由幾時開始計錯數~依家更正番報時時間~
原來仲有10日去台北~哈哈~
期待~