日本四國自駕遊之旅2017-10-15第二天Part 1(雨天)

星期五...換番舊枕頭...好似條頸無咁痛...但個頭仲係有d痛....又飲筋勞...我好少飲熱筋勞..但天氣實在太凍~~放左工去左食八分目~星期六...咁凍朝早梗係唔跑跑啦....凍壞我咩....唯有訓到自然醒~訓到12點...但鼓起好耐勇氣成兩點先出到門口....毛寶見到我一身衣著就話我不倫不類...因為我係灰色衛衣->綠色外套->灰色冷衫->綠色大褸咁著...再加埋條綠色頸巾...根本就係一隻旅行青蛙既衣著~~去左Triangle度嘆啡..但咁凍無食Affogato喇...飲左杯熱既long black算喇....下午又捲埋一舊係床度上網......夜晚叫澳覓算喇...凍到都唔想出門....今次仲叫左兩間~好開心~~估唔到軒記都有澳覓~~星期日...好凍呀喂...又係旅行青蛙咁既衣著出街...約好左毛寶今日唔可以再咁遲出門口浪費時間.....去左氹仔食Common Table..新店又大又靚~野食就意粉麻麻..有個煙三文魚多士不錯吃....無焗薯食差咁d~~檸檬撻好好味~下午...我應承左我自己唔耍廢!我做到了!!!!我訓左個好舒服既下午覺~~唔再虛耗光陰~~~令身體少d郁動就係最好既活動~~實行綠色生活~~~夜晚同左婆婆佢地食團年飯~~又澳洲龍蝦又長腳蟹又炸子雞又乜乜物物咁..隻澳龍好正~星期一...仲係咁凍...仲要公司電腦死左半日....呢度真係好好玩呀~~好彩星期一已過~



2017-10-15
Day 2---Part 1(香川縣,高松 Kagawa-Ken,Takamatsu->直島 Naoshima->香川縣,高松 Kagawa-Ken,Takamatsu)
早晨~第二日一早起身~天光就可以望清楚酒店出面既景~華~天氣好到呀!(都好過港澳喇...哥日係打8號風球!好彩早一日已經黎到日本..如果唔係飛唔到過黎添...)





天氣係點都要出發架啦~我地今日安排左出島~所以去左碼頭諗住買定飛先既~但原來係無得買定~只可按時買當班船飛~咁算囉~我地出發去食~早~餐~~~~~~~~~~~~




早餐地點有點郊區狀~





我地今日既早餐~就係要食香川縣好出名既讚歧烏冬~呢間都係人氣店黎架~叫池上製麵所....地址：高松市香川町川東下899-1....Mapcode：60 273 128*08...係酒店黎呢度大約25分鐘車程~最好既就係呢度門口有免費車位~





請留意營業時間唷~~~佢開10點...我地9點40分左右黎到排......未夠10點已經有10個人等開門!好勁!




排緊望下有咩烏冬先~~~要留意呀~~因為其實一入去就係揀左個麵底先既~呢間鋪頭既老闆係一個好可愛既婆婆池上瑠美子~~我醒呀~見呢d家庭式既鋪一早影定呢張相....一入去就指住張相落order~唔怕雞同鴨講~~




由於煮麵哥邊同落order哥邊如果無經人員同意不可拍照唷~所以我地攞左個麵底直接跳黎呢邊~~~你仲可以自助選天婦羅配料~~~逐件計~仲有飯團呀~關東煮呀~~~見到呢個自助揀配料好high~~~~~~




揀好哂成個托盤俾收銀姐姐看~就直接算好收錢~我幾驚自己唔識玩呢種家庭式自助玩法失禮人~過關~~~之後俾左錢就可以隨便坐喇~~~~~幾大下喎~




我地既早餐~~~~華!!係邊個食兩碗麵!!!!你估都估唔到!




好吸引呀~~關東煮個蘿蔔價錢忘了~~但....超勁好食!!!蘿蔔好淋無渣好入味~~~而且湯是咸味的唔係平日食到甜甜的~~~好好味~~~毛寶勁欣賞~~天婦羅大多每件係110円=7.6hkd....佛心的價錢~而且還是熱熱的~挺不錯~飯團...80円=5.6hkd.....只是簡單的用鹽同黑芝麻調味...但我幾鐘意~飯粒好香~<3





毛寶同我媽媽揀左呢個係肉加蛋既烏冬(1玉)...503円=35hkd.....呢個肉好正~~個汁加埋蛋加埋烏冬一齊食好好味~~牛肉好濃香~




我就揀左呢個淨烏冬加蛋(1玉)...247円=17.1hkd.....蛋味超濃香!!加埋佢枱上面自己隨意加既醬油~正~麵質q彈~





然後你估唔到食多個烏冬哥個係老夫人~我媽叫多左個梅味烏冬(1玉)...363円=25.2hkd..梅味都突出~加上檸汁同埋蘿蔔蓉一齊食其實感覺幾清爽~




老夫人原來極度愛食烏冬!真係大開眼戒~我媽竟然會食兩個!!勁!!真係食得哂~推薦呢間池上製麵所~(唉呀~塊面瘦哂喇~)





食飽飽就差唔多時間番去碼頭搭船啦~(都幾方便..係我地酒店附近咋~)...回程途中經過便利店咪去睇下囉~~最喜歡既飲品櫃~~~好有氣勢~




華華華!!見到當時大熱既透明奶茶呀!!!(當時得令咋...依家唔得令啦..我樓下間7仔都有..唔矜貴!)...仲有透明檸茶~~一於買黎試試佢~~





仲有透明乳酸菌同埋蜂蜜水~新多lee(Suntory)你到底要出幾多個透明系列?




喂!~又有新野出!!除左松茸杯麵仲有隔離紅色哥杯~~唔知咩味~買左先算~




咦!!有呢部冰點下既可樂機喎!!新屎坑本身好想試..但.....天氣有點冷冷的~~諗諗下..即係細個飲可樂沙冰咁je~~凍冰冰都係唔好飲凍可樂喇~(初老症症狀)




見到呢個燒賣零食幾得意喎!!!買左番黎澳門食.....華...勁難食..千祈唔好買呀....





好喇~噚日飛左3個鐘車...入下油先喇~求其搵間油站啦~自助既~研究下先~攞車哥時個姐姐話d油係入regular哥隻....油槍得日文.....對照番油價哥個牌睇番regular個日文~





呢間Eneos油站部入油機就唔難用既~我地之後入油都係用佢~~~由於個日文介面有漢字...所以估估下都唔算太難用~....咁揀下係咪會員之類...之後佢會問你想用咩方式入...例如想定額入丫...定入滿......咁我地就揀入滿...跟住入錢~(由於我地唔知要入幾多錢所以入左10,000円落機度)...放油槍入油缸.....佢入完計左幾多錢就會自動找番錢俾你架喇~(好似如圖佢自己吐番錢俾你).....第一次入...入番大半缸油之下....就2,549円=177.2hkd....好平呀!!!!!平時澳門入200mop得哥半缸...................




係車上飲剛買的透明奶茶.....飲左一啖...er.......網上說好的"很好飲一飲完即刻衝番入便利店再買一箱回家"到那了???????原來只是一個都市傳說...............我想講...勁難飲.........................勁淡味....連哥少少味都似香精味...劣!




好喇~又黎番呢個高松港高速船乗り場~今朝黎過一次~不過佢話只可以買即班船~無得預售..咁我地揀左搭12:40呢班船...我諗我地12點15-20分左右到達~話俾入口個叔叔聽我地想去直島(Naoshima)....佢就指示我地架車去某條車線度排隊~此時落緊極密既雨~~~~~




架車停係度排隊咁我就入售票處買飛啦!(我一個衝入去買!!雞同鴨講...我真係一個堅強的女孩~~)




間船公司叫四国汽船....可以預先上網睇定咩時間岩你~高松去直島就50分鐘....回程就60分鐘~要留意既係....佢有普通船同高速船(但高速船大部份都係特定時候先有)....普通船先有人坐同埋私家車都可以一齊上~高速船就淨係人坐~同埋要留意由直島回程高松最後一班普通船係17:00!!!





好啦~買飛先~揀岩窗口(直島 宮浦行)就去買飛~咦~點知佢問我架車咩size...er...我真係唔識答...然後佢無我咁好氣...叫我攞條車匙佢睇~~~~(因為要計番隻船裝到幾多架車)




好野~~~成功買到飛~~~~因為佢好用力咁解釋我聽~~~成人來回就990円=68.8hkd......而私家車哥張飛就只有單程買....回程要去到直島再買.....私家車飛+駕駛者票價為5,400円=375.3hkd...華!!!原來咁貴個磨~~~~~~單程喎喂!




夠時間前面d車行我地就跟住行喇~~~連人帶車上船喇~~




當日所見唔算多車~(今朝一早就係驚太多車上唔到船先諗住買預售~)我地第一次自駕人+車一齊上咋~~(跟團就試過~)....不過如果遇上每3年一次既瀨戶內海藝術祭....就應該會超多的人!!!(會在各瀨戶內海各島舉行...第一屆是2010年...對上一次好似係2016年...所以下一次是2019年咯~要留意~)




停好架車就可以上客倉坐啦~唔使留係架車度~隨便坐~無劃位~




出發~係船上面影張帥氣出發相先~




帥氣照的背後係無人幫我地影架~書包就是腳架~老夫人忙ing打機~




仲係落緊雨呢~




50分鐘左右到達到直島(Naoshima)宮浦港~我地第一個景點已經出現左~~見唔見到呀~~紅色既呢~




好喇~乖乖地一架跟一架~落船喇~~









2018/02/05的開心事：
好開心星期六又有得睇supper moment喇~~~
期待已久~生花中~
今日一整天都很糾結.....
因為我唔知佢地邊個碼頭上船......
到底係邊個呀~~~~~~~~~~



報時：距離與媽媽慶生台北吃喝之旅2018仲有---52日~
報時：距離和歌山嘆溫泉自駕遊之旅2018仲有---132日~
報時：距離與毛寶慶生泰國食揼嘆之旅2018仲有---235日~
報時：距離天團蘇格蘭高地之旅2018仲有---250日~
呢個禮拜實在太凍咩都無搞過....
希望快d回暖...完全每一日放工凍到都唔想郁.....
blog都唔想寫~