毛寶生日會@Neway & 星際2011

今日真係好凍呀~~~~大家要注意保最先得~星期一~平時既星期日我會話：唉…聽日又到星期一喇……..噚日變左：好野~星期一喇~快d番工就代表快d有得去旅行喇~~…..雖然我咁講係好樂觀….不過…今日真係好攰呀……點解咁多人架….復活節又未到…………週末無咩做過…..係星期六去左睇梁靜茹演唱會~其他時間都係屋企行行企企….少d郁動….少d使錢~星期日叫毛寶幫我剪左頭髮…我都係頂唔順我自己d頭髮咁長….依家又剪到短短的…成個小丸子咁~更貼切既形容應該係我側面既頭髮就好似d狗仔耳仔咁….行路既時候左拍拍右拍拍~哈哈~



之前咪講毛寶生日會既~今日到講佢正日生日喇~佢舊年既生日簡直充滿傳奇……小朋友係九月尾生日既……佢生日之前已經諗好哂點樣同佢過…..諗住同佢上觀光塔行過sky walk….影番個特別生日相…..之後就再book左去galaxy裏面Banyan Tree新開哥間餐廳食飯…….點知佢生日前兩日……..有個熱帶氣旋…….生日前一日….打三號風球…..哥日我驚到不得了……仲要毛寶臨訓前安慰我：無事既……加上我睇天文台交級科學主任都話：預料改掛更高風球既機會唔大…咁我咪好安心咁去訓囉….訓到六點幾媽媽開電視…..打八號風球囉……頂…個交級科學主任都唔知點既….呃左成晚…最後仲要打得成風….嬲到我…..我同毛寶都好嬲…除左無哂d生日節目之外…….我地仲請左假架嘛………..成個朝早都訓得唔好…….直至下晝三點…..天文台終於除下風球…..毛寶就黎左我屋企~小朋友今年既生日禮物係：登登登櫈~唔係車….我邊度會咁有錢呀……..

係佢想要既摺合單車一部~mini cooper的~我搵左超耐~最後上網訂再運黎澳門~

希望你會喜歡啦~好有野餐feel呀架單車~生日快樂呀小朋友~



本身我訂哥間餐廳係扒房同蠔吧….諗住佢鐘意食生蠔~點知我哥日打去佢話由於哥日打風隻船無番黎…..所以哥日佢地無生蠔供應….於是我地去左….neway~哈哈~覺得有野食又有野玩~幾好~哥晚我地都攞左好多刺身食~又唱左好多歌~

唱到九點幾十點…..又未想番屋企住~於是就去左星際酒店16樓度飲野~因為哥晚咁岩係星期四~記得以前佢星期四係有d特別既主題~所以諗住去睇下有無~就係佢喇~唔好睇佢係一杯好普通既cocktail~睇埋下面張相先~

華~~~~~~~係jumbo jumbo night呀~~~

星際酒店既cocktail不嬲都有保證~~仲要係平添呀~~咁q大杯…65蚊咋!!!坐成晚…仲要d snack係不停不停為你添加~唔使我出聲~

不過飲既時候會困難左d囉~但係好好飲~

仲學人碰杯….@..@

hehe~其實我到最後都係飲唔哂架~~不過其實佢咁大杯….落既酒既份量相對地係無咁多~放心~我無咁飲得~如果好似普通正常溝既比例我飲咁大杯應該好快醉了~

唔知依家係咪晚晚都有呢?好想再去呀~擺明蝕本俾我地囉~65蚊…成晚~



講下題外話……你地都知我呢期個荷包有幾乾…..我真係成個禮拜都死慳死抵…上個星期一至五…我用左50蚊咋…………不過星期六….我又行去八佰伴…又行過Marc Jacobs個counter……又見到哥支我認為好清新既香水…….摸下佢….點知哥個野話：遲d可能唔再出呢個size喇….賣哂呢批就無!!….咁梗係…….買啦!!!….佢除左香…最大既賣點(對我黎講)….係夠平呀…..佢賣660蚊….你望落個價錢好似好貴….但係…..佢係300ml喎!!除番開….先220蚊100ml香水……係邊度哥以搵到220蚊100ml既有牌子香水呀????抵到爛呀!!!!!佢仲要送個迷你版既玻璃樽仔…..有埋個漏斗….俾你將大香水樽入落細香水樽~方便用~仲可以帶埋去旅行~~~正呀~~~~簡直岩哂我地就黎要去旅行~~仲要送埋Marc Jacobs另一條line既Lola鎖匙扣一大個~~~~抵哂…..

就係咁….敗左660蚊…唯有…下個禮拜慳d囉~你話係咪唔買唔得先…咁抵喎…唔買唔番貨喎(不停俾藉口我自己~)….最多去旅行唔買香水囉~





唔知係咪今日凍呢….
我成日都覺得好餓呀~
仲有呀…我覺得自己好變態…
我成日番工覺得…..
番工好辛苦呀…不過一諗起放工可以番屋企寫blog~
就會好開心~
係咪好作嘔呀…我係咪宅到有d病態?



報時：距離日本東京血拼美食之旅仲有—-12日~
報時：距離台北吃吃吃之旅仲有—-38日~
報時：距離法國瑞士塵世美之旅仲有—-81日~
yoyoyo~~
仲有兩個禮拜唔夠就可以去日本喇~~
好野~~~好開心呀~~~
番工喇~~快d番工喇~~
番完工可以去旅行喇~
不過去歐洲仲有好多野未研究~
努力中~