澳門老上海滬粵酒家

今日唔知搞咩…仲多野做過新年……痴線的……………………噚晚約左公子們食飯….食飯之前去睇左2012喜上加喜………..都ok好笑既…….我係睇到hocc同黃宗澤影婚紗相哥度….仲有bob出現…..超好笑…..係好笑到我流左好多滴眼淚出黎……….我好似未試過笑到咁….哈哈….諗起都好想笑…….夜晚既公子飯聚都好開心….仲食到超飽…飽到…..真係頂住個心口囉……下次唔敢食咁多喇…….不過噚晚d野幾好味~



前幾排(其實係半年前….)….終於去食左凱旋門酒店哥間叫老上海既上海菜館…

就係約左呢幾位小姐食~

講下d野食先~醉雞….ok…不過秀蘭好味d~

夫妻肺片?我都唔記得叫咩….淨係知…都幾辣~

金錢蟹盒….唔好食!!!!!!!!

燒味…..暫時係呢度食既最好味既野~

小籠包……..都無湯….d皮又厚…..舊肉又鞋

蔥油餅….超級的唔好食!!!

龍井蝦仁…..都係唔好味…..食得出d蝦好唔鮮…..

正常既一碟菜…….如果連呢樣都唔好味..我都無野好講….

甜品係最正常既野!!成餐飯最叫我記得既就係：桂花酒釀丸子~清甜既桂花糖水真係好好味~~~另外兩個都ok~好似係芒果雪梅娘同牛奶布甸…不過牛奶布甸我都識整啦~

總括黎講呢餐飯係完全唔好食….每個人百幾蚊…..比起我係出面d小菜館食既上海菜更差….人地小菜館好味過佢多多聲每人都係七十幾蚊!!!加上d人既服務態度認真麻麻!!!我係唔會推介俾大家…..亦唔會再俾機會呢間野!!!大家去幫襯之前真係三思呀~

今日下晝五點幾開始…
所有CTM客戶而又用3G電話既…..(依家有咩人唔係3G電話咩?即係全部啦…)
都無任何網絡覆蓋到…..
即係….完全打唔到電話…
點呀….CTM平時d服務已經唔係好過人….
直到依家八點幾…
都仲係打唔到電話….
有人話：我幾百萬生意上黎呀….你同我講用唔到電話
咁又真係喎……有d人真係靠電話搵食架嘛…
CTM係咪要賠償先…
起碼唔使我交幾個月電話費就差唔多!
如果我想求救都唔知點算!!
成三個鐘打唔到電話…超過份!!!
不過收唔到電…我當真感到有末日feel..
加上今日天陰陰的…有d驚~



今日係元宵佳節~
即係中國既情人節啦~
祝大家情人節快樂~
咁又即係….今日已經係正月十五啦…
可以開利是喇…
不過…..咁多日以黎…
我都未掂過d利是…..
原因係：我懶…
其實我好窮…等緊利是錢應急…
不過…我就係懶……
好想有人幫我拆…直接話我知我今年有幾錢利是~
哈哈~
好啦….過幾日有mood就去拆啦~
依家?
同媽媽應一應節去食左湯圓先啦~



報時：距離日本東京血拼美食之旅仲有—-33日~
報時：距離台北吃吃吃之旅仲有—-59日~
報時：距離法國瑞士塵世美之旅仲有—-102日~