Grand Lapa Macau High Tea

今日好凍….凍……今日氣溫仲低過噚日……不過又無噚日咁凍喎~可能係d風定左吹得無咁勁既關係…….唔知係咪天氣既影響….我心情差到不得了……差下差下….中午又開始頭赤赤…..真可憐;[………有無人可憐下我~~快d唔痛啦~~…..本身今晚有好正既媽媽牌牛骨湯通粉食架嘛…點知好姨番左黎話出去食飯我就無飯食………嗚嗚~今日放工行過屋企樓下間7-11….見到有新既零食出左呀~~我好想食呀~~不過我無錢呀~~窮到番到屋企打俾媽媽…媽媽話買左個包俾我放工下午茶…我都話：咁我唔食喇…我留番聽日開會唔使買早餐….又慳左錢~~~今日d籌咁派法真係做得好辛苦呀…….望住個籌機…我淨係感到絕望



唔關我事架…舊年年真係比較多high tea約會咋(不過我自己又幾鐘意high tea既~)…今次去左Grand Lapa hotel金麗華酒店(前身係金沙酒店隔離既文華東方酒店)…我一直都唔明點解佢要改個咁既名囉….好醜…….不過媽媽以前黎過呢度話個環境幾正~呢日係平常上班日既星期五…..我同毛寶請左假~朗仔咁岩線又攞番之前ot d鐘~所以今日high tea既對象係：我…媽媽…毛寶…朗仔~講真…一坐低~覺得個感覺…同環境….都好舒服~尤其係坐窗邊哥d位~夠哂光猛~好有外國feel~

舊年哥期岩岩開始7-11換paul frank公仔~呢隻係我哥日抽中既一隻~亦都係第一隻~所以帶埋佢high tea~哥日不停影相為大家介紹~

呢日都係飲tea~雖然只係Twinings既貨色~不過心情好就飲咩都好~

yoho~第一次食呢度既tea set~充滿中國風既層架~

唔…..d野食就不過不失啦~唔算太好食又唔算唔好食既~

又再次叫左個club sandwiches~~幾好味~但無Grand Hyatt既咁好味~薯條好味~

雖然食物既水準一般~不過tea set168兩位…價錢算係咁~加上係酒店~而且飲下午茶既地方環境咁好~加分!!

今日有個阿叔傻傻地……
佢一坐低我就同佢講…
我：你好…請坐…麻煩證件同兩張相
阿叔：你咁醒又知我想辨咩?
我：下?!我唔係醒呀..你張籌寫住辦咩架喎
阿叔：(繼續自言自語)…係啦…咁醒既你…
我：先生你有無近照呀….呢張相05年喇喎
阿叔：唔係呀…新架…
我：呢張咪同你身份證哥時05年張相一樣囉…
阿叔：我新曬出黎架喎..
我：你新曬即係唔係新影啦…我地要新影既..
阿叔：你收左佢啦方便我啦..
我：我唔係唔想方便你呀…就算我收左內部都會打俾你叫你補仲浪費時間
阿叔：你收左無人知架…
我：下….我真係無辨法收喎….我點會唔想方便你呢?我又唔識你唔通我特登留難你咩
阿叔：係啦..咁我補啦…..你真係醒呀…不過如果你收左我張相…咁就仲醒!
我：(有少少火起)阿先生….我唔收你你又會話我…我收你又到內部話我…我好難搞喎…
阿叔：無!無!無!我無話你話我架我補啦我補啦….
其實我已經將我同佢既對話濃縮左一半……..期間仲係不停話我醒…….唔知搞乜…..一早補咪好囉…又浪費我時間…又浪費你時間….你又聽得唔清唔楚…我又要大聲d講講到喉嚨都沙…….唔知為乜……..



報時：距離日本東京血拼美食之旅仲有—-11日~
報時：距離台北吃吃吃之旅仲有—-37日~
報時：距離法國瑞士塵世美之旅仲有—-80日~
快d去旅行啦…
好悶呀….
我要係日本食食食買買買….
使哂我換d錢就開心哂~