~自家製海鮮邊爐~

星期一….一個正常既星期一…即係超多野做~做到我口吐白沫……今日既精神寄託係：諗下自己幾時去旅行….有得去玩有得食野……支持自己再努力工作~所以我人生真係唔可以無旅行…無旅行既我=無衝勁既我…………哈哈~~~~話我啦~~話我啦~~話我淨係掛住玩啦~~前幾日又換左d yen…..之前又交下去台灣d錢…又交下去日本d錢…又交下法國張機票…..望住自己既存款數字……不禁流左一滴冷汗~~~哈哈~~我認我要慳錢喇~無得食好野住喇~連今日放工咁攰想食包鹽酥雞都唔想俾錢~算啦~當減肥啦~~



hehehe~但今日又係講食野喇~不過今次唔係講出街食~係屋企打邊爐~


睇下個小朋友幾開心~~呢度係三人份~我~媽媽~毛寶~~~好多海鮮架~~湯底係自制既蕃茄芫茜湯~~~~好味呀~~~



有好多好野食架~~~~有羊肉(急凍貨色~)…大蜆(超平..呢度買左20蚊咋真係好多好大~)….帶子(正呀~~)….大蝦(超勁正~~不過都幾貴…三隻就要好幾十蚊~~不過真係好大好正~又爽~好想吃吃呀~)….今次仲買左桶蠔(88蚊一桶..有6隻度…超大隻超好食~~)肥牛(都係普通既急凍貨)…有蟹(好好味~)…..同埋大量蔬菜~




係咪懶係擺得靚呀哈哈~毛寶既傑作~




睇下d桶蠔真係好~大~隻~我真係流緊口水喇~個屎忽超好吃!

其實咁食都唔好貴架咋~都係每人百六蚊度~~好想打海鮮邊爐呀~不過我依家咁窮…唔準呀!!我地好勁架~~d野食係岩岩好無食淨全部食哂~





華….
今日呀…
有個七..八歲度既0靚仔….
我叫佢抬起頭俾我望一望個樣….
睇完之後…..有個帶佢地黎手續既阿姨同佢講..
阿姨：你俾爸爸媽媽坐啦佢地要簽名呀……
我之後俾番張野佢…..佢將張野一手拋開….
然後講左句：好煩呀!(話緊我)
講完兩隻手超大力由上而下一野拍黎我將檯度….
我當堂怒火中燒…..死0靚仔你當我係咩呀…
我提供服務俾你….你仲發我脾氣你識唔識咩叫尊重人?
我當住佢阿爸阿媽面指住佢講：唔好用力拍檯唔該(超重語氣+超嚴厲眼神)
之後佢阿媽先話佢：唔得咁架(柔聲)
之後我話俾mina知….
mina同我講唔好咁嬲…
我：其實我依家無嬲….我笑緊佢唔識教仔~
d人真係痴線….
個個都錫小朋友架啦….淨係你哥個先係心肝寶貝咩
唔識教就唔好生啦….
如果我見到我個仔咁失禮我真係無哂面…..唉~



yeah~
我星期六好努力好俾心機咁拆左利是喇~
有101封~
總數有3950~
好野~~~~



報時：距離日本東京血拼美食之旅仲有—-26日~
報時：距離台北吃吃吃之旅仲有—-52日~
報時：距離法國瑞士塵世美之旅仲有—-95日~
好開心~~
瑞士民宿搞掂了~
佢超好人~
見我地係國外唔收我地訂金~
直接幫我地留房~
謝謝你呀~