2012年2月23日 星期四

MGM High Tea

yoho~~~~~~~好野~今日成個人都係混混吉吉咁過左一日~今日有人過黎跟我機….我負責睇住佢做…..hehehe~~其實加上今日都唔係太多野做~~感恩呀~~~~不過過最多謝係小i同我調更呀~~錫番你呀~~摺100個紙心心送俾你~(如果我識摺~)…..今日最大既任務就係:約左去洗牙~係我人生第一次洗牙~~~~心情十分之緊張~~入去前個心仔仲撲通撲通咁跳~~~~~



今日又係講high tea~睇得多野食有無d飽飽滯滯既感覺~哈哈~~今次又去左MGM個酒店cafe度high tea~點解要食呢度…….唔….因為之前我地試過新年黎呢度high tea過覺得幾唔錯…價錢又抵所以再黎過囉~哈哈~我又叫左無限翻沖綠茶~





個層架個款都係最普通哥隻~無咩特別~特別在佢係特別平….148蚊兩位….多野食





我記得呢個係我地個午餐黎架…都食到超飽~






不過講真…一分錢一分貨…..我今次真係覺得麻麻地好食……鬆餅呀三文治哥d都ok既…不過係普通野……..哥碟d蛋糕呀…..除左中間哥兩舊比較好味之外…….其他都……………………超甜的……………….唔太強烈推介去呢間~但係佢個cafe一件件散叫哥d蛋糕又好好味架喎….吹佢唔漲~


值得留意既係…..佢要食滿200蚊先有免費泊車兩小時…..我地148蚊…明顯唔夠….而俾兩個鐘既停車場要成60蚊…..於是我地做左個明智決定…..就要買多兩件每件價值30既蛋糕…..咁我地咪有多兩件蛋糕~又唔駛俾停車場錢囉~好聰明呀~





哈哈~~
係度講下頭先洗牙d野先~~
一入到去醫生叫我坐係度先~
醫生:有咩可以幫到你呀李小姐(超誠懇既聲線)
我:我…呀…我想洗牙呀~
醫生:你幾耐之前洗過呀?
我:……(大家都已經知啦………)….我…er…我…從來都未洗過….
醫生:(有d驚)如果未洗過可能會有d痛…同埋要睇下你d牙石多唔多囉…
我:…..我好驚呀醫生….我使唔使個口mark到好大?
護士:都唔使好大架咋~
醫生:你mark到就mark…mark唔到…..其實都唔緊要~
我:我好驚呀~~~~
醫生:洗牙唔使驚既…好…我地依家檢查下你d牙先
(睇左new左一陣….)
醫生:華…..你d牙無洗過….都無乜牙石喎~好乾淨呀~
我:(打蛇隨棍上問)咁我下面牙內面黑色既係牙石定蛀牙呀???
醫生:0我~哥d係牙石黎架….好喇咁我依家洗牙喇
(洗洗下中途護士叫我漱口….一漱之下……)
我:華!!!!!!!!!有血喎
護士:係呀…係正常架…你算好少架喇…
(知道之後安心再訓番低…)
醫生:好喇~搞掂~你最關心牙面後面哥點黑色都無左喇~
我:yeah~~~~~~~醫生..我想問下….我應該隔幾耐先黎洗一次牙?
醫生:0我~你呀…….兩三年度先黎啦~你隔咁近黎洗無咩好洗~
我:係呀~~
醫生:係呀…你d牙都好整齊又乾淨~無咩事就走得架喇~~
我:唔該醫生~~~~~
之後我將呢番對話同毛寶講….
佢好唔抵得囉…
猛話:搞錯呀…..咁耐無洗牙都咁乾淨…搞錯呀…
咁….我唯有講…
我d牙齒天生麗質啦~~~~~~~~~~~~
以上對話係一個未洗過牙既大鄉里為大家提供~



係我咁窮既呢一日..
最爽既係~
俾我發現原來我舊年d醫療劵仲未用….
好野~~~今日洗牙唔洗錢~
多謝政府~~
原來醫療劵真係有用架~~~~



今日下午番工時…
有個同事同我講:你拉直左d頭髮呀?
我:係呀~做咩呀….
同事:你拉直左之後…..個樣好乖乖女呀
我:(先是暗暗開心…不過諗諗下唔對路)咩呀..我不嬲都係乖乖女囉好無!



報時:距離日本東京血拼美食之旅仲有—-16日~
報時:距離台北吃吃吃之旅仲有—-42日~
報時:距離法國瑞士塵世美之旅仲有—-85日~
今日d yen……….匯率係….9.66囉….
o~~~~算了~~~
自己換哂就唔好再睇交易現場喇…
唉…………………

沒有留言:

張貼留言