好開心呀~上個週末我已經正正式咁番完學喇~~~最最最後一堂~好開心好開心好開心…無人明白我有幾開心….最後一堂presentation實在太順利喇~我發現我實在入岩組…..我地組d人既人緣係幾唔錯~無乜人留難我地狂問我地問題….我仲一條問題都無答過tim~哈哈…..多謝同學仔們………等到7月23號考埋試…..我就正式可以結束大學生涯…..太好喇….回想係呢幾年裏面…..我一d都唔享受做大學生….因為根本就無大學生活既…….日頭番工夜晚番學……我只係想快d畢業~~~~呵呵呵…..好好咁休息下~~~~~盡情去玩~~~~~唔使去旅行都掛住番學d野~~~~~~~太開心喇~功課已經離我好遠好遠咁lu~~~~~~~~~
呵呵…星期六放左學去左司法對面間金壘食葡餐…因為之前有人講過話好食~所以就約左d女仔去喇……不過我覺得個海龍皇湯就麻麻地咁
因為佢裏面有舊好腥既魚呢……………….
叫左呢d餸…有白酒煮蜆(有個女仔話好鐘意佢哥陣香草味)….咖哩蟹(我覺得幾好食仲好平tim138蚊一隻~都幾大隻….不過寶寶話無蟹味)….烚椰菜….仲有法式焗蝸牛(我既最愛~~~~~~~~我真係好鐘意食蝸牛架~~~~~~~~)
我鐘意食法式焗蝸牛除左因為佢有”法式”兩個字….同埋咁香噴噴既香草味之外…….仲有係因為………我好鐘意食蝸牛用既呢個夾…..好靚既~~~~~~~
我由細到大都好鐘意呢個夾架……….可能我對呢個餐具有太高既情意結……..我覺得佢好好用同埋好靚…..成都好想自己有一個(不過有左之後又會唔知用黎做咩好)
仲有黑椒煎牛扒….都ok既~不過我地叫五成熟…佢完全似八成熟囉~
食到人個口好臭既蒜蓉包~~~~~~~~~~~~~~~~~~~
是晚出席飯局既美女~~~~最可愛係….右上角哥個*3*
根據線報….坐我地隔離(木台)既…..係LMF….不過一個都唔認得…..只係講左句：下….係咪做Mr.演唱會個嘉賓呀???d野都幾抵食既~ok好味啦~我最鐘意….個蝸牛~
星期日放左學…..行左陣八佰伴俾我發現佢~
扯開佢個熱香餅……臭熊會係度”震震震震震”喎…哈哈
之後去左英皇九樓皇廷閣食一人一煱既任食火煱…..本身我都好大期望
我叫左麻辣湯底….覺得佢唔麻又唔辣…..唔知想點…..連馬辣既一成都無……..仲有我叫第一轉野食成四個字黎….第二轉我催左佢兩次成半個鐘先黎……又唔係多野食………..成百五蚊一個人……….話實我真係唔會再幫襯佢….我寧願去番高士德間肥牛火煱………七十幾蚊仲要任飲埋…………….仲要有燒雞奕食~~~~~~~~~~
個重點係…..呢碟叫肥牛喎….我淨係見到d肥….見唔到d牛囉………..
今日我幫個媽媽&小朋友一齊辦
我：小朋友我幫你影相呀….望住呢度……….
媽媽：(佢同佢個女講)哎呀….你睇下姐姐幾叻…你要俾心機讀書….第日學姐姐咁樣做野呀….
我：(雖然我知只係閒話一則但我仍然好緊張咁同番小朋友講)小朋友…你要俾心機讀書呀…..但係千祈唔好似我呀…………..
哈哈….似我就會做地盤架喇…..俾心機d唔好做地盤妹呀!!!!!
好喇….
我開估喇…
你估唔估得中???
個案係：2樓V……….我真係估唔到…..直至佢舉起個V字手勢!
我記得有一次仲犀利…..
我有個同事問緊一個少女有關地址d野…
同事：咁你係咩座架?
少女：(含羞答答)….我……………………….我係處女座架…………
頂…………….我聽完真係係飲水機噴水囉……………………….有無腦架????咁都答得出……笑到抽筋……………
