2010-05-21
Day 2—-Part 8(上海)
開頭朝早行過台灣館….覺得佢外型無咩特別
因為佢要有預約籌入去…又有好多人排隊…所以我地無入….
但一到夜晚….華~~~~好靚呀~~~~~~~~~~
後尾寶寶話：佢個外型係咪天燈呀????……..我地先睇真d…..係喎….真係天燈外型喎….由於一個月之前先去完台灣放天燈….感覺上好有親切感~又真係幾代表到台灣喎!
全日最寧靜既時候…….覺得世博園區特別可愛~
有團友話好想影下澳門館….所以就去睇下…..點知我地去到原來我地差十分鐘就入到澳門館喇….佢收左工!!由於我地出發之前睇天氣報告話我地係上海既三日都有落雨……但係奇蹟我地玩左成日….到依家先至落雨……仲要落左十幾分鐘…又停雨~多謝老天爺爺~試諗下如果又多人迫我地排隊又熱…仲加埋落雨………………….真係不得了….
yo~中國國家館正面….真係好靚好靚靚靚靚呀~~~~~~~~~~~~
仲有我地澳門館既小玉兔~kawaii既呢~仲有多種顏色任君選擇
呢張可以睇埋香港館…外型真係無乜特別…..
連香港d雜誌都踩佢地自己個館個外型無代表性….仲話裏面既展覽表現唔到可持續發展性……拿…..唔係我地講架….我係香港雜誌睇番黎架…係哥本xx一週咋
華….我未試過一日既行程寫左8 parts出黎…….係咪睇我著同一件衫睇到好悶呢…….世博真係好多相影…我地一共去左五個館….有中國省區市聯合館…沙特阿拉伯館..德國館..波蘭館…盧森堡館……..我認為德國館真係一定要去!!!!!!!!!其他既睇完相自己考慮下啦~不過我同你講….有人出機票加酒店錢再出埋世博飛我都唔會再入世博場地…..d人痴痴地…..又無禮貌……又粗魯………排隊排到傻傻地….又無野好食……………………..咪搞我!!!!
去完世博之後…我地約左另外四個女仔去飲野…約左係好高既金茂君悅酒店飲…..佢唔係最高既酒店咩????我唔相信…..d司機唔識去囉….就等於的士司機係澳門話我知佢唔識去大三巴一樣咁震撼!!!!!!!!!!!!!
上到去八十幾樓飲野….滿心歡喜既八條女~
還欠一個是幫我地ja緊機既杯杯的嫂嫂
呢張相個重點唔係哥兩條女…..個重點我想講……..呢間酒店d野飲同d野好難食…..大家所見前面六個格哥碟係一個拼盆…….裏面有幾格都真係難食到唔想入口…..佢敢膽收220蚊人民幣一個….頂……後面碟雞奕…..88蚊….唔難食….但係佢話就話有六隻…..但實際上……………….每一隻…都係切開得半隻…..即係加埋….八十幾蚊人民幣….得三隻雞奕……….唔係呀…你以為加左酒店兩個字就大哂咩
我以為都唔會再去!!!!!!!!!!!!!!!!!!!!!!!!!!!!!!!!!!金茂君悅!!!!!!!!!!!!!!!!!!
我好鐘意睇亦舒d小說架~
佢成日一出新野我都會買既….
不過我估唔到原來佢年紀……都唔係輕…
但係寫d野又唔過時喎~佢個個故事我都好鐘意
最近fb有人post佢d金句出黎…我覺得不比時下年輕作家差
特別鐘意一本叫”明年給你送花來”
最近睇緊既係一本佢既舊書..叫”眾裏尋他”
好鐘意佢既一句：
若是真正珍惜一個人一件事
或是那隻指環，你就該目不轉睛
小心呵護，莫待失去之時，才慘聲呼痛
好正…好想刨哂佢所有小說…不過需要d時間~
唔知聽日命運安排我地食咩早餐呢?
係肥仔記定係麥當勞?
沒有留言:
張貼留言