搵命博上海世博之旅20100521第二天Part7(陰天及後有少太陽)

奪命星期一又黎喇~~~~~~~~~救命呀~~~~~~~~~~~真係真係講到喉嚨都沙埋…….不過講野唔怕無左一粒音咁囉……..唔知同我今日下晏番工之前食左熱浪有無關呢~hehheheheh~~~~今晚好想再食呀~~~~其實我個鼻哥窿已經生左粒超大既暗瘡……不過…..梗係唔理啦~食左先算呀~~~~~~~~~~或者再食多d熱氣野佢就會好番架喇~~~~籌機…仍然係奪命籌機…..



2010-05-21

Day 2—-Part 7(上海)

跟住就要去影下我話一定要去影既—-英國館喇~

外型真係夠哂殺食….好得意呀~哎呀….最衰就係夜晚先影到佢啦…如果朝早影一定仲得意囉…….激死人喇~我地無入去呀….因為有人叫我地唔使入話唔係咁好睇……淨係睇種子……但係聽crystal講….話睇種子….但係好宏偉喎…..咁即係點呀……….



行過….意大利館….裏面我無記錯好似係睇名牌衫既~

之後見無乜人….走入去盧森堡館….係真係唔使排架…

因為都無乜野睇既~



不過我幾buy佢外面個花園喎~最衰又係夜晚影啦~

盧森堡館上面個花園仲可以見埋對埋個羅馬尼亞館~

其實咁樣睇唔到個館係咩野樣…..應該再高少少咁先睇到….會好似一個切開左既蘋果咁樣~



盧森堡館既外型….其實幾得意…好似西班牙d古怪屋咁~

調番轉頭遠影英國館的小種子~kawaii~

然後我地再鼓起勇氣行近中國國家館的屁屁…跟她拍照…

夜晚的她….真的很美很美~







哎呀…….

十月之後羽田機場ANA就會無左香港飛東京既凌晨機架喇….

希望國泰會有得開番啦….

不過我都係鐘意搭ANA多d~因為d野好食d~

仲有呀….依家德國漢莎航空都有A380喇~

不過暫時只限北京飛德國法蘭克福…..

好想去呀…………

好想坐A380~

仲有呢…d歐羅又跌喎……..哈哈~



我星期四晚跑入廚房整個新甜品(對我黎講~)

就係—->北海道牛奶布丁~

雖然無俾好多人食….連埋我…得四個人~

但個結果係…..爆勁成功~

好好好好好好好味架~仲好滑滑滑滑滑滑~

又好香香香香香香香牛奶味(3.6牛乳係唔同d)

係我整咁多次甜品….最成功既一次…..亦係最簡單一次

但真係好好味~下次可以整俾大家試下~

於是我食飯時問爸爸媽媽好無味….

我：點je~個北海道牛奶布甸好無味je~

媽媽：好味呀~

爸爸：………….係咪要講真心話先????

我：下?!唔好味咩???

爸爸：唔……………..陣間先講

我：點解呀????點解陣間先講呀??

爸爸：我想食埋d野先…啃死魚骨呀

我：唔得….一定要依家講….快d講….快d

爸爸：咁…….個答案係……..ok囉….

我：咩叫ok囉呀?

爸爸：咪就係ok囉….

我：咁你話ok囉喎…..咁佢唔好味咩?

爸爸：唔係呀…好味呀

我：好味咁你又ok囉…咁即係點呀?咁你話ok囉….咁佢爭左d咩變成ok囉?

爸爸：唔……….er………..呀……我覺得個布甸…….差咁d…………燕窩囉~

我：你!!!!!!!!!!!!你去食屎啦…..牛奶布甸仲要有燕窩

佢得到既就係我打左佢一拳….下次決定唔鬼俾佢食



噚日你同我講：你真係好白痴…好白痴好白痴好白痴….好心你唔好咁天真

呢句說話直插我心坎…..我會好好記住…引以為鑑