2012年12月26日 星期三

東歐六國文化之旅2012-10-22第七天Part 2(陰天後有太陽)

華…….六日公眾假期既第一個工作日……出得黎行都預左要還~~~~辛苦就一定架喇~~~~呢幾日聖誕假期都玩得好開心~~去試左新既high tea又去neway唱k又去金沙食自助餐~~不過都有一樣好慘呢….我23號晚唱完k去皇朝哥間一樓火鍋食任食邊爐….食完已經覺得個胃有d漲漲地……第二朝”窄”醒時即刻噴起身去嘔!!!!!24號平安夜我嘔左成5次…..完全無胃口食野~唔止我….3個人食….兩個都係咁…另外哥位就唔係嘔…係痾加胃頂頂…..超慘….搞到24號約左媽媽食聖誕大餐都完全食唔落~~25號噚日都無咩胃口……不過個心就好想食火腿通粉….所以去左食九記~但一個通都食唔哂….又去下影澳門style燈飾~下午睇左套舊戲叫”情有獨鐘”…..夜晚去左愛甜品食晚飯加甜品….唔想咁早番屋企所以去左某個地方打機~~(其實我係想打以前哥d射小丑牙…)…..聖誕看似無無聊聊~其實睇下同邊個過既je~



2012-10-22
Day 7—-Part 2(
捷克古姆洛夫Krumlov->奧地利維也納Vienna)
好喇~一去完英雄廣場第二個景點係要自費既遜布倫皇宮….好似唔知又要成€40=400hkd一個人度…..我地問領隊如果唔參加有咩做…..領隊就話唔參加都可以係皇宮花園行下…..由於係北歐已經賴過一次野(個皇宮非常寒酸)……估計佢個皇宮都唔會有俄羅斯或法國哥d咁靚~於是我地就係皇宮外面既花園行下就算~






我地真係幾慳家~不過發現佢個花園都唔錯呀~





個花園好大架~~有自費既團友就入完皇宮出黎先再影花園~不過好似我覺得唔係好夠時間~因為我地齋行花園先岩岩好~




佢個花園都係法式既花園黎架~即係修到d樹既型好幾何圖形…..上次去到凡爾賽宮要再另外收費先可以去到哥個花園…我地無去…..今次免費補償我地睇番個咁靚既法式花園~~~~送上毛寶豬的花園靚相~






跟住正對住皇宮既花園另一邊有個高地架~可以慢慢行上去望番皇宮哥邊~加上行上去有好多樹~又可以睇下~景觀唔錯的~唔使錢都有好野的~~




行番落去之後我地仲係花園度坐低~野左個餐~~記唔記得之前哥篇咪話我地係中途站買左支小汽酒既~~~~就係野餐時飲的~食下自己帶黎既零食~~(正呢~~)



跟住影多陣相….(又俾人叫我擺無辜樣XD)…..就夠鐘去會合自費既團友囉~






呢晚又係食中餐喇~~~~~~




呢晚超正呀!!!!!有蒸水蛋呀!!!!!!未試過歐洲中餐有蒸水蛋食呀~~~正呀~~可以撈飯食~~仲有東坡肉啦~~炒通菜啦~仲有XO醬煎蝦碌呢~~~~~送飯一流~~呢晚有添飯~~~太對胃口了~





呢晚既酒店Kavalier Hoter….地址:Lizer Strasse 165,Vienna,Austria……間房個形狀…怪怪地咁既斜角形………..呢晚開始就煩緊重訂機票既事喇…..




由於之前係奧地利既薩爾斯堡已經寄左兩張postcard俾自己…所以黎到奧地利就只寄一張俾自己啦~我揀左右手邊哥張~左手邊的是毛寶~

我地叫維也納叫Vienna…奧地利係叫Wien的~




hehe~~~
好緊張呀~~~~
31號Mr.要黎澳門喇~~~
唔知我哥個頭貼頭合照既願望能否達成呢~~~~
hehe~~~
之後1月5日就要去睇佢地個演唱會喇~~~
好開心呀~~~狂迷區呀~~~
不過今次好似有位坐的~~~~(我想係企位多d~~)
仲有呀~~~~heheh~
31號依家有得放假~~~又係公眾假期~~
唔使番工~~~yeah~~~
即係連放四日了~~~~好野~~~~



今日個胃口都係麻麻~~~
不過有一樣野好想食:牛腩河加咖哩!!(係普通牛腩河加咖哩牛腩d咖哩….唔係要咖哩牛腩河呀!!!有分別架~~~~)
我係咪食得好麻煩呀?



wa~
好多人都係度祝我聖誕快樂呢~
好溫暖呀~多謝各位~*3*

沒有留言:

張貼留言