2010/12/18香港掃貨一日遊

好開心tim…..雖然今日係奪命星期一….不過感覺上又唔係好奪命喎~輕輕鬆鬆咁過左一日…..去似去左玩咁~加上星期六日又過得好開心喎….買左好多野….買左對boot番工…..又買左件褸…..呵呵…..萬寧減價……我的美麗日記面膜買一送一…..咁都已經令我開心左好耐(仲要帶埋成班女去買~)…….哈哈……我知點解今日番工咁似去玩喇~因為臭男人番左黎~仲帶左好多野食tim….hehehe…多謝~成個下晝食到個肚飽哂~



2010年12月18號我同毛寶襯聖誕節之前…過左一次香港….因為諗住佢會有crazy sale…..所以…..呢次已經係我12月哥時第三次過香港….首先我地去左又一城食飯……又去番2009年12月24號食既哥間越南野食….叫做rice paper

環境都幾好架~係又一城尾二哥層….因為我唔知佢全部有幾高….總之就係food court哥層下面~



佢個apple tea好好味呀(左下)….生牛肉米正呀~(左上)…..仲有一個係咖哩海鮮….好好味呀…..佢係配小法包…個包點佢d汁真係好好好好味呀(右下)

食飽飽之後就係商場行下喇~呢張其實係想影後面既聖誕樹架….哈哈…

後尾去左旺角仲去左飲我好想飲既許留山呀…好味~

行潮流特區又見到聾貓….好搞笑呀佢~~~~~~

發現都唔係減好多價…我地後面去左尖沙咀食飯….係I Square商場既大型珍寶珠聖誕裝飾品~~~~~~~~好得意……….

我地食飯哥間野就係I Square入面….好似係7樓…叫牛藏

係食日式烤肉既….好搞笑…我地叫香橙燒酎(右上)…佢真係有個真橙俾你喎~

叫左一口牛肉粒同牛舌黎燒烤食….好正呀好好好好好好好味呀~



我地黎呢度食既原因係因為毛寶係報紙睇到有優惠….憑印花去惠顧滿五百蚊….會減兩百蚊~我地黎係為左食呢個餐既~

連呢個推廣餐都有得減……望落好抵所以黎試下~



打邊爐既一口牛肉粒….同燒烤真係兩種feel…我覺得燒烤既好食d~

套餐既三點刺身~中間個吞拿魚既好好好味呀!!!!應該係半生熟架~

套餐仲有：蟹同埋一堆蔬菜….

d蟹都幾好味既…不過佢唔係食得太方便囉….d菜索左d蟹味好好味~

食到最後落埋個自家制烏冬…不過要整好耐先淋…不過幾好味~個綠茶雪糕就麻麻地喇…因為好重奶味無乜茶味…..總之…呢間我一定會再黎食烤肉架~~~

佢d牛肉真係哀c架~~~~~~~~~~~~~~~~~~不過可惜既係今次無乜點掃過貨…..連一滴聖誕燈飾都無睇過…………….ooooo







呵呵…

我噚晚發夢見到Mr.呀~

仲攞埋alan po既電話

開心得我呀………..今日見到有個小朋友姓布既tim

係咪有咩啟示呀????哈哈~