終於擁有G11~

真係呢…….點解我咁x蠢架………我今日又做錯左d野……..呢樣野係公司做左六年野唔應該犯既錯…………好彩最後我都搵到哥個野…..如果唔係……唉……希望佢聽日生生性性番黎啦…….呢幾日持續落雨囉…..都無咩話好唔好既…..不過最好都係唔好落啦…..ja住把遮行路好煩架…….打左成段野我都唔知我自己想打d咩主題….哈哈~~今個星期六日都過得好開心~~又有行街….又有去到neway~~好耐無去neway….成個幾兩個月….簡直係無可能既事…..



哥日同媽媽寶寶番完大陸睇哥間屋……就番左落關口……買左兩本書….一堆碟…….仲有就係一番黎就去左好鐘意既海富知味亭食(個知字我真係搵唔到點打囉)…..最鐘意佢d海膽無屎味架~~~哈哈~~~我都幾鐘意係呢間食日本野~

仲有最愛天使蝦必叫~~~超爽蝦刺身~~~~~

仲有又係每次必叫既清酒煮大蜆….d蜆肉真係好好味呀~~~

不過唔好以為佢咩都咁好味…..我都終於發現到佢有一樣唔好食既….就係日式炸豆腐喇~東瀛十八番哥個好食好多多多呀~



星期日好唔理智咁樣就無左四千蚊喇~~~不過我好開心呀~~~

canon G11…….想買左好耐….咁不如襯臨去旅行之前就擁有佢….去旅行影大量靚相……佢既好處係….方便自拍…個mon可以反出黎…..咁我同寶寶兩個去旅行就可以不求人喇~~~不過俾寶寶踢爆我：你咪又係淨係用auto………………..係囉….其實我諗我都唔係咁識用囉……..但係佢影d相一定會比我之前部sony影得好….睇住黎啦~我去旅行一定會影好多好多好多相~~~~~~~~~~~一定好用…..因為小i之前去上海就係呢部…..我一定會成為自拍達人~~~~~~~







噚日睇新聞好恐怖…

菲律賓挾持人質事件……..

一家五口去….淨番兩個番香港…..

另外一對姊弟就成為左孤兒…….

領隊都不幸喪生….其實個領隊都係打份工je…..

好慘呀…..

令到寶寶噚日講左句：今日唔知聽日事…..

其實我對呢句說話係呢個月有好深切既感受…..

一切既野好多時都係突如其來…..

或者呢d就係人地所講既人生既變數…..

人既一生….好少會無風無浪咁過…..

都會有好多難關要過……

只要咬緊牙關…..會發現又過一天

希望以上事件傷者同家屬可以走出陰影….

好好咁生活啦…..



有一樣野我今朝先發現…..

原來我噚晚無食藥都訓到覺呀~

可能呢個月一直靠食安眠藥訓都係心理上既問題….

我今晚開始…..會不靠安眠藥進睡!



依家出街食意大利野….順便帶部新相機去影影~

聽日見~



報時：距離西葡之旅仲有—-21日咋!!!!!!!!!!!!!!!!!!!!!!!!!!

好驚呀~~~~~~~~~~~三個禮拜咋~~~~~~~~~~~~~~~~~~~~~