尋找醫治偏頭痛良方

點解我咁潺架…………唉……..噚日星期日一起身已經覺得個頭痛痛地…..痛到扯住隻眼黎痛……救命…….不過我都有出街…..因為我要去觀音堂拜爸爸….我噚日買左7-11既魚蛋面筋俾佢…….仲買左支welchade既提子汁俾佢……就算佢依家同我唔係生活係同一個世界…..我……..都想佢活得開心………………..之後去食中午飯就開始有d頂唔住….一路坐…一路隻眼mark唔大….有d暈暈地….去八佰伴買埋我想買既野之後就番左屋企………暈暈下就咁就訓左係梳化上面……訓醒個天已經黑哂…….夜晚食左藥訓覺時以為自己好番d…..今朝一起身又再頭痛…痛到扯住隻左眼…又嘔左一次…..我都唔知自己搞咩….如是者….唔夠一個禮拜…又上山頂…….真係已經駕輕就熟………醫生今次再診斷我應該係偏頭痛…..有哂偏頭痛既病徵…..頭痛時會頭暈….作嘔….睇野眼花花….個胃脹住脹住….扯住隻眼痛………..唉~不過我覺得山頂醫院真係好左好多喎….今日超多人等….我都係等左一個鐘就搞掂哂…..d人仲有禮貌左~唔知偏頭痛有無得醫呢??如果有得醫…我真係唔想成世都係咁….我寧願健康辛苦咁番工…….如果有咩醫偏頭痛既妙方或者秘方…..可唔可以話過我知呀?



有一個星期六….陽光滿滿的~跑了去氹仔曬曬太陽….吸吸新鮮空氣

臭左寶寶放工…就去左氹仔食飯….黎到氹仔食haagen dazs條街….一間叫波爾圖既葡國餐食飯…….黎呢度食無乜原因…只係行過見佢d餐幾平就行入去~

佢有個牛扒餐都幾抵…78蚊….有個洋蔥湯…一個牛扒

個牛扒仲幾好味tim~又淋喎~個汁都幾好味….

之後仲有個木糠布甸….都幾好味架~~

個餐又唔係話抵到爛既……都幾好味應該叫合理價錢….有時間我都會再去食下既~







噚晚頭痛的時候…….我想起了上兩次

我出現同一病症時……

還有你的問候關心……..我哥時仲嫌你煩

現在想有也沒有了……….所以我噚晚食食下媽媽買俾我既粥

趁佢去左沖涼時…..我偷偷望住你張相….

一路食…一路喊……

但我又唔想俾媽媽望見我喊…..醜呀

不過我今日睇完醫生仲可以攬住媽媽there佢…..

媽媽攬住我係我耳邊講：乖啦..我個女點解咁慘有偏頭痛

開心番d~媽媽真係溫柔喇~

唔好睇我成日對住人笑…..其實我都好鐘意喊架

今日媽媽問我：你成日請病假怕唔怕架?

我：(初時好肯定)下?!我病喎…….(隔兩秒開始懷疑)下….怕架???

真係….怕架???好驚呀……….

但係我唔係假扮架喎…….不過我都好驚會煩到人…..

尤其係同我同一更既朋友仔…….唉…….



頭先去藥房攞藥時我本身問完d問題之後幫elsa買埋眼藥水

但係………….

我：我想問下呢隻偏頭痛藥要幾錢??

老闆：華….都要幾廿蚊架…

我：華…咁貴架..(我正想開口想要支眼藥水之際)

老闆：哎呀….你偏頭痛係咪為左煩你d細路仔既野呀??

我：下???????我無細路仔架喎…………

老闆：哎呀….咁一定係為左份工喇…

雖然我抽住一大個超級市場袋去攞藥…..但全袋都係我d零食黎架….我仲係yonng girl黎架……當我係家庭主婦……救命囉……此時我驚到眼藥水都唔敢買….攞起盒頭痛藥……調頭就跑番屋企……………乜我真係咁老餅咩????嬲嬲呀…..信唔信我以後唔幫襯你間藥房呀???(應該得個講字….因為間藥房係我屋企隔離……)



報時：距離西葡之旅仲有—-15日咋

希望到時我個頭生生性性…..

注定退熱貼成為我最近既好朋友….去旅行記得帶埋去

我唔知原來因為d yen升左….連帶退熱貼都加價….

原本由舊年既八蚊兩塊….升到依家既十幾蚊兩塊…..

傻哂…………….使唔使依家入定d先呀????