狂熱三寶第三次日本東京之旅---20090528第四天(下雨天濕濕)

好野….今次老ray真係唔死都一身散….上堂上到最後….仲同我地打溫情牌…….佢同我地講sorry….我唔信囉真係以為自己發緊夢…..好可惜一切都太遲喇……..個個同學都打哂投訴信lu~



Day 4—->20090928

呢日我地第一站就去左上野買手信….唔知點解….去過三次上野….三次…..都係落雨….記憶裏面..都係擔遮既~

去完電玩天堂睇雞雞之後(阿杯大收獲)….買埋手信…..我地就諗住去食由第一次講到依家都要食既懷石料理……第一次諗住去食…但我地最後唔知點解選擇唔食….第二次撞岩星期二休息…….第三次夾岩時間去食…..點知………..執左………….所以後來就求其去左一間食喇….我地去左食….烤肉….但係好搞笑….我地唔係食日式架喎…係食韓式架~不過d裝修都唔錯……一個個木造咁既室分開一格格

不過一致認為毛寶叫既套餐係最好味架…..因為係烤肉餐…..我地仲叫左一碟極上唔知咩(後邊哥碟)…….黑咩豚肉…..好正呀………….早知一早叫哂烤肉食好過啦

我的餐……個飯都ok既….不過個面唔係太討好囉~

我認為..阿杯個餐…係最唔討好的………………………..

第一次來到高級區—->銀座….但係落好大雨呢………估唔到一直無買乜衫既臭杯竟然係呢度有收獲呢~

於博品館內…有兩個好大舊好大舊既小朋友….玩馬仔

是夜係日本最後一餐晚餐……..為我餞行既係……割引壽司!!!!睇電視睇d ee搶得多….今次我地都有同佢地一齊搶……好開心…..買到自己想要既又平左…哈哈…我地一路食壽司一路睇日本既綜藝節目…..雖然唔明佢地講咩..但..好好笑既呢~

呢個係買壽司既超市買既薑味乳酪….我就覺得好好味….佢地兩個都話麻麻……..可能我老喇….要驅風

這天的收獲….下次我要學會大小通殺!!!

唉..你係咪真係咁憎我呀….噚晚係我個夢度…將一包又一包既垃圾拋向我哥邊….要我不停咁避呀避……你一路拋一路露出你那恥笑我的笑容—->我稱呢個為惡夢(朋友們唔使驚….唔係我任何一個好朋友….個主角應該無人諗到)…搞到我今日情緒不穩….好慘



好彩今日d香港人放假都無令到我地太辛苦咋…

上天保佑!