岩岩上個禮拜去左廣州過四日”親善之旅”……都幾輕鬆幾開心又幾好玩……不過呢個就容後再講…..講番星期六做過d咩先….中午食飽飽之後就番學校補考番之前因為去廣州而缺席既考試…….考左一個鐘多d………..坐左一陣之後….就登上左某人既新車………..公喜公喜~~..好靚仔呀
跟住就去左阿寶屋企坐左陣….睇下花師奶….最後我仲訓著左……哈哈………夜晚就去左大三巴腳既一間自稱地中海菜既the corner’s食飯….無乜抱太大期望..因為第一次去時我認為麻麻(可能哥時年紀太細太天真唔識叫野食)……點知又有一個反高潮……我覺得點面包哥個蕃茄醬幾好味喎~
呢個佢地既推介…冰冰翡翠螺..我覺得超好食呀..又大粒…..又唔係太貴喎……180蚊有成打半囉………好味到
呢個沙律我就唔係咁欣賞…好似叫地中海咩蟹沙律…..我最憎食d黃椒紅椒青椒既物體…偏偏佢成個沙律都係..嘔~
左邊叫lychee cooler(好飲)………另一杯有薄荷葉既lychee mxxxx(好嘔)……………飲到流哂汗~好不幸我係飲難飲哥杯
呢個好好食呀..好難叫..叫”白酒蜆扁麵”..好似急口令~
呢個都ok~意大利海風米蘭飯…..不過佢叫呢個名無人知佢係海鮮囉唔該…………..可唔可以唔好改個意境咁高既名?
我最頂唔順呢個囉….個名好靚…”法式”炭烤牛扒………..佢只不過係有一碟”法式”既芥末就話係”法式”….無野呀……..都算啦……我覺得太多肥囉………又無乜牛味…仲要268蚊!
之後當然又少不免地黎一個大合照之類啦~
飯後甜品叫佢地推介既：1.心太軟 2.抹茶咩奶凍(我都唔知係咪奶凍) 3.意式草莓奶凍..個結論係：心太軟真係好好食!
呢間鋪頭…我下次還會再來呀~有味道有裝修有服務..唔錯
好緊張聽日呀..保佑我
不要被巫審加碼的人嚇怕~
沒有留言:
張貼留言