七公子聖誕百元限定哭福袋派對2017@泰潮

星期二.....番番下工又覺得個頭有條筋戚下戚下....感到將要頭痛....於是......我下午買左杯筋勞飲...(記好的星期四至日先飲呢??)...飲完又生猛番哂~~(如果有人贊助我每日一杯筋勞就好喇....我今日諗住放手一搏不如果以後日日獎自己飲一杯筋勞咯...但計計下...原來每個月要用多$1,000!!!即時禁止自己有呢個念頭)....今日空氣差...禁止跑步!!呢晚我食左紅肉火龍果..很擔心自己明天沒有粉紅色booboo!!(好可愛呀~~)....如果無就係有宿便!!好緊張!!!!星期三....各位各位~~我一早就有粉紅色booboo喇~~~~番工順利~~放左工同毛寶去試左新開既鍋心粥底火鍋~都唔錯~..星期四....又到法定飲筋勞既日子~飲完開工真係舒筋活絡~~~~好野~好野~又到星期五喇聽日~~~~~咦..呢幾日都無跑過步添!



hi~又黎一年一度公子哭福袋大賽~無見一年~大家係咪好掛住呢?要唔要重溫番之前既哭福袋盛況??等我幫下你~2012年哭福袋..2013年哭福袋...2014年哭福袋...2015年哭福袋...2016年哭福袋.......即係話!!!今年已經係第六屆!!!!!出年就係第七屆!!!第七屆有個7字真係要搞得好好睇睇!!!唔好失禮7公子個7字!!!!!



今年我地都係去番舊年搞哭福袋哥間泰潮呀~即係百老匯入面哥間呢~明明年年都揀新野試架..點解又揀番呢間?因為d野都幾岩我地食~(而且唔貴)...仲有間房~(你地應該估到我地有幾嘈啦~)....同埋佢開到夜晚12點....岩哂我地舉行呢個活動(因為年年都搞成4個幾5個鐘架!!成個叱吒頒獎禮咁長~)......野食舊年講左啦~今次唔講喇~一野進入大直路喇~俾你一次過睇哂成枱餸~大家有無見到哭福袋派對有新面孔呀?係戈巴呀~戈巴依家正式黎澳門住喇~佢真係好彩喇....攞到我地呢個哭福袋頒獎禮既入場劵!!知唔知好多人想俾錢買都買唔到?!(記得做公子既首要條件係咩?)




食飽飽又講哂議程之後就進入哭福袋環節~....講左咁多年大家都知我地係福袋先哭袋後架啦!(正如男女歌星梗係頒最後既道理一樣~)......今年既福袋~有請我地既主角七公子出場~~~仲有佢地既招牌帥帥的"就是你"!!!!好有型呀你地!!!





今年既福袋都好嬌小呀下~又講講喇!!福袋既準則係每人用100蚊買禮物.....重點係：玩左6年都無加過價....其實都好難玩架!




今次又沿用舊制就係抽紙仔!依家睇番前年個blog點解我地今次唔用番麻繩黎抽??好似幾刺激喎!因為用紙抽如果抽中自己又要重新再抽過好費時間~~今年12月又提下佢地先~~抽左一大輪~終於抽到喇~~~~我抽中朗公子的~~~見到我既表情嘛?我唔想要暖水袋呀!!!!因為我本身訓覺好怕熱的!!!!仲有個環保袋~





杯公子抽中麥公子的~係小杯麵套裝呀!!仲有盒紅茶...貼心到買埋個檸檬!





三公子抽中凱公子的!係奶媽一個...毛寶大叫：好丫!!好丫!!抽中呢d好丫!!!!.......然後我狠狠的抽爆佢：好咩je..你從來都唔帶奶媽出街去旅行既!你成日用我哥d個喎!.....然後佢又反擊：咪係屋企用囉!!幾好呀!!.......(屋企用奶媽@@)





朗公子抽中貞公子的!!係溫泉噴霧一支!!我好想要呀!!因為我每日都會用的!!仲要係我用開既牌子!





麥公子抽中三公子的!!...毛寶今年係為左洗脫污名而來的!!係一個係日本買既USB插既加濕器....同埋一盒勁好用既3M牙線!....咦....我幾鐘意喎...........但麥公子話佢不欣賞...(拿!!你睇下...真係好難買禮物架~~主席既名句：百貨對百客)





貞公子抽中我的~哈哈哈..知唔知係咩?...係入電芯既驅蚊器同埋佢專用既替芯~岩哂戶外活動同去旅行用呀~~呀哈哈哈哈~~~~然後佢地問我：你到底有幾多蚊咬你?!





靜d靜d!!最後喇最後喇!!!凱公子抽中杯公子的!!!...係一個鐵筒裝既Jagabee!!同埋一包底褲狀既M巾!!!!!!!!!!我鐘意食Jagabee..但我唔想抽到呢個鐵筒~同埋....到底你有幾多M呀要用到底褲型~~~~~~~~~~~~~~~~~~~~~~~~~拿...你又吹唔脹呀凱公子話佢好鐘意喎~主席：百貨對百客~





好喇好喇~個心情好緊張呀...頒獎禮進行左一半喇...大獎就黎揭曉~去去廣告先............坐低食食七公子聖誕蛋糕先~~~我地今年訂左麥公子結婚時請公司同事食餅哥間Anco~呢個充滿聖誕氣氛既蛋糕價值$360~~好可愛呀~~~戈巴一起帥帥的就是你~






小雪人好可愛呀!!!係乳酪同酸奶味!!!幾唔錯!!唔怕甜!!個餅底又好味!!!




好喇~俾你地休息左一陣喇~番黎喇番黎喇~番黎睇頒獎禮喇~講番哭袋先~咩叫哭袋呀~又幫你地溫習先~就係將自己屋企唔用又覺得無用既野..如果覺得人地有用就放入哭袋吧~(從哭袋出現過的不能再出現到下一年既哭袋呀~)....七公子從而帶動環保潮流~真係今年勝舊年呀.......有人出左兩個黑色大垃圾袋呀~~~~~~~~~~~~~~~~~~(唔知你地估唔估到邊袋係我既呢?)......話說垃圾袋既主人入餐廳時好似喪屍咁樣左右拖住垃圾袋入內....醜!......睇下從來哭袋既體積都比福袋來得有氣勢!!今年唔記得錄短片講最唔想抽到哭袋添~~我諗大部份人都係唔想抽到兩袋大垃圾架啦~





(幫我加少少鼓聲!!)專業推介 七公七大 第七位!!!(呢個唔係民選..係我自選架咋~今年無設投票機制~哈哈~).....麥公子抽中凱公子的!!...喂阿凱...你點做野架...睇下個女人撥扇撥得幾得戚!!係呢....哥兩個同心結係咩一回事呀?唔通係特登送俾佢同戈巴新婚既?!





(幫我加少少鼓聲!!)專業推介 七公七大 第六位!!!三公子抽中貞公子的!!....毛寶唔使咁既樣丫....好明顯貞已經好留力!!貞永遠有一堆好肉酸既豬耳繩....仲要係有塵既!立體卡都有3張~





(幫我加少少鼓聲!!)專業推介 七公七大 第五位!!!我抽中了朗公子的~好彩你得咁少野咋~哥罐水浸吞拿魚罐頭俾其他公子收購了~(係呀...如果你係人地哭袋見到有咩岩而哭袋主人唔要你就可以攞走架喇~係咪好環保先~)...我今年哭福袋都係抽中朗公子的~





(幫我加少少鼓聲!!)專業推介 七公七大 第四位!!!貞公子抽中麥公子的~多又唔係多...但係全部都係垃圾~有d仲係佢結完婚d野....仲要係麥公子係淘寶訂某樣結婚野然後搭舊豬頭骨送左d金器頭飾(咁梗係假架啦!)..仲要假到好假哥隻~~~手套仲要得番一隻...超醜樣~~~~對手套真係超醜樣...要講多次先表達到...你可能問另一隻去左邊...麥公子話另一隻佢攞左佢d蕾絲花邊黎遮一遮佢件婚紗喎......我要講多次....隻手套真係好醜樣好肉酸!!然後你有無發現呀...又有番支用淨既溫泉噴霧呀~~~waakakakak...好彩貞個福袋唔係麥公子抽中咋~如果唔係佢係哭袋送出一支用淨既溫泉噴霧....再係福袋抽番一支全新既溫泉噴霧~~~~笑屎我~(但依家係：貞送出一支全新的溫泉噴霧...然後收回一支用淨的溫泉噴霧~~)





(幫我加少少鼓聲!!)專業推介 七公七大 第三位!!!凱公子抽中杯公子的...有人用紅白藍出戰...所以奪得七公七大第三位~華....立雜到........豆豉都有幾罐!!!痴線架!!!(又唔見你攞番你舊年抽中毛寶福袋哥3孖潤腸出黎)......放心...豆豉已經搵左好人家喇!我都係度收購左剃刀~去旅行用~....個青蛙紙巾盒俾杯公子自己回收番(好奇!!第一次有人係自己哭袋唔捨得一樣野~)..凱公子手上係一個男人鬚刨~仲有一個發黃發毛既飯殼~





(幫我加少少鼓聲!!)專業推介 七公七大 第二位!!!杯公子抽中三公子的(右邊哥個小孩個樣又幾可愛喎!).....自己進佔第三位既杯..好爭氣咁抽番個第二位番黎~~好叻叻~~......好多....係一堆充滿塵既袋(真係有女仔揹上身試...仲有俾女仔收購)...仲有一張有少少發毛既摺櫈~然後物主又自己回收番一本米奇老屎既筆記簿(搞咩呀今年~唔捨得唔好出現係哭袋啦~)





(幫我加少少鼓聲!!)專業推介 七公七大 第一位!!!無錯!!!朗公子抽中我的!!!哥兩袋黑色大垃圾袋係我既!!!拖兩袋哭物入餐廳拖到好似喪屍咁哥個係我!!!我抽兩袋哭物落街時只係希望唔好有鄰居見到我!!我都好有心思架~~我有為佢地縛絲帶架~哈哈~係咪好精彩呀~全新既摺櫈都有4張(有3張俾人收購左..好搶手架!!)....全新既沙灘蓆又有兩張(毛寶都有收購)...仲有一套全齊Marvel之前7仔換既Figure~又有一套全齊海賊王Figure~(戈巴事後同麥公子講舉行哭袋頒獎禮時好大塵佢個鼻好痕好想出房...但又因為好想睇所以留低....最後....佢自己認購左全套海賊王~~~~~~~~~)....只見戈巴輕輕講左句：Chopper!........然後我即刻打蛇隨棍上力sell~~~~~~貞又攞走左小丸子啦~~睇下我d哭物幾搶手~~我攞第一真係當之無愧~雖然我執左兩大袋哭物...但我間屋係無任何外觀上既改變~係咪好利害呀~我仲有好多野可以攞出黎架~~


講多少少..主席戴緊哥副係我珍藏黎既...係我小學時既有近視度數既太陽眼鏡~仲有有磁石架~可以攞開鏡片就可以當普通眼鏡戴~係咪好有型呀~~~主席你都戴得幾好睇喎~~~好喇~~~今年哭福袋又落幕喇~多謝大家支持~下年大搞第七屆哭福再見~(恭喜戈巴得到哭福頒獎禮入場劵以及一套chopper~)..講明呀...d公仔全部都唔係我換架~







2018/01/25的開心事：
就係我搵到金主每個月贊助我$100飲筋勞~
希望金主陸續有黎~~~(歡迎各位朋友贊助)
*************************************************
今日我做第一個客時...我叫佢留澳門電話...
但佢話唔記得左....咁我就叫佢留海外電話啦!
於是我內心不停提我自己...哥個人留海外電話...
我一定要格外留心份野有無出錯.....
點知成份野做完我叫左下一個客時.......
先睇到頭先個客簽漏名....
(我都唔知點解我轉個頭已經忘記剛才已提醒自己要格外留神呢回事)
嚇到成身流哂汗哥時...仲打俾毛寶求救...
再同隔離位同事講埋自己有幾善忘....
我一拎番轉頭漏左簽名哥個客竟然出現係我眼前!!
說：我可唔可以留埋我澳門個電話呀?
我：梗係得啦!!!你知唔知我搵得你好苦呀~~~~~~~~~~~~
所以我覺得我今日是走運的~
(同埋我將呢件幸運事歸功於因為我今日有飲筋勞...)



報時：距離與媽媽慶生台北吃喝之旅2018仲有---63日~
報時：距離與毛寶慶生泰國食揼嘆之旅2018仲有---246日~
報時：距離天團蘇格蘭高地之旅2018仲有---261日~