與毛寶慶生快閃台北之旅2017-09-30第三天Part 1(天晴酷熱)

星期五...番工多野做...但今日起碼d人好醒...所以無咩所謂~放左工..去左漁人碼頭間春秋火鍋試~都唔錯~星期六....一早起身又去左跑跑跑~跑左5.07km...呢日朝早都幾凍...我錯估形勢著左短褲跑~~(我係街哥時聽到有人細細聲行過我身邊講：華...著短褲...........搞到我好似short左咁~~)........跑完沖左涼去買左杯筋勞飲(我依家入starbucks唔敢講英文americano....我驚我真係唔小心講左要一杯阿咩lee筋勞)....同埋我終於買左張starbucks卡儲星星~中午同左毛寶同埋佢屋企人一齊飲茶~又去左勵皇軒~~(唔知點解我覺得上次好食d~).....然後去左睇與神同行...夜晚食左關東煮手作坊~好好味~星期日....又係早早起床~跑左5.1km~但呢朝極熱...熱辣辣跑到時間好差~(我呢個人太熱跑唔到..太曬跑唔到..太凍又唔想跑...真係好麻煩~~~)...中午好想去食園林..點知極度多人排隊.....乜家陣咁多人食既咩?我已經失敗左兩次.....好耐無食過豬扒魷魚撈米加咖哩走青...好心酸~最後又敗走去左食牛仔屋....食完諗住去Terra食番個affogato...點知..又係極多人排隊!!呢日咩事..我想食咩都係食唔到..唯有去買杯starbucks筋勞就算!...然後就番左屋企訓左陣...因為太早起身跑步~~好眼訓~訓醒又用澳覓叫外賣..今次食韓國野~不過d野黎到好凍~無心機食~星期一...工作還好~阿媽去左旅行...我今日全日既心思...就係睇澳覓呢個外賣app睇下今晚食咩~~我最後揀左.....燒烤.....(流口水ing)



2017-09-30
Day 3---Part 1(台灣,台北 Taiwan,Taipei)
呢日無咩特別行程~只是走走吃吃~本來無安排食早餐既...因為兩個都比原來時間早左好多起身~就去食下早餐囉~又去食酒店後面街既阿宗麵線~地址：台北市萬華區峨眉街8-1號....遊客野~我鐘意~每人一個小的~NT$50=13.2hkd~





食完阿宗再殺落我的最愛西門町豆漿~~地址：台北市萬華區漢口街二段24號~~~~




阿姨今次同佢個fd傾到超high~佢個fd仲幫佢煎蛋~




我心頭的一塊石....鮪魚蛋香米卷...NT$50=13.2hkd....記得飯糰類不單賣....另外要再買多杯飲料~我會買凍既紅茶~好好飲~




咬咬下米卷的時候....前面有一個女仔大叫ing.....華!!會有咁岩既事嗎?????????我地撞到和我地不同時間出發的貞公子~~~~~~~~~~~~~~~~~~~~~很有緣呢~




攞住鮪魚蛋香米卷番酒店r住腳板底食~食完又再出發......係...懶人搭的士黎到信義區~對~又迫你同我同101合一個照~咩jack~我都未同過32歲的你同101合過照!華...我想講..呢日勁熱....好勁熱...




哈哈~其實又係為左黎行誠品信義店~~~地址：台北市信義區松高路11號......咩喎...我鐘意行誠品呀嘛!(香港都有啦)...唔同架~~~~~~~





下!!!!!!!!!!!!!!點解!!!!!!!又真係俾我見到你!!!!!!!!!!又有阿波既立體書!!!!!減價NT$965=255.3hkd!!!!唔係唔買呀下~毛寶送俾我呀~多謝~流哂口水~~好想睇下入面~~




同埋我好鐘意睇文具架~連顏色筆都咁多選擇..服了~




有人行行下餓到頭好暈(明明頭先早餐仲話好飽架~)...午飯時間....試下黎呢個Commune A7貨櫃市集~地址：台北市信義區松壽路3號....其實由誠品行過去好近~






呢個貨櫃市集都幾多野食架~有滷味有漢堡有烤肉有韓式有蠔吧咩都有d~而且佢地d貨櫃都設計得好靚~~~








重點係呢度可直接見到101~~~~~




佢地自己貨櫃前都有少少位既....同埋大空地有假草地可以坐....有枱坐草地可食野....可扮野餐feel.....仲可望住101食~但.....哥日極!度!熱!!!!!!!!!!!!!!!!我懷疑有35度....所以我都係去有蓬既地方坐低食好喇~野餐還是秋冬季先做啦~




黎之前其實我有睇過有下有咩好食~我揀左呢間稍飽~我叫哥時得我地叫...但等左超耐...證明是即整囉~




野飲我揀左呢間~Bella Gelateria





我地主要叫左呢兩間野飲野食啦~都幾豐富啦~(但咁熱我唔明仲點可以係貨櫃入面整野食??我見無冷氣架喎!!!)





稍飽的炭燒黑豬丼...NT$190=50.3hkd....味道不錯呢~但豬肉稍為硬了點~




黑牛超飽....NT$220=58.2hkd...這個很好吃呀~幾多汁~牛肉好吃~不怕乾~我覺得呢個好味過個飯喎~




這個是Bella Gelateria既白雪壞公主~NT$200=52.9hkd...擺明我上網睇就睇樣叫既~不過都不錯~條雪條幾好味~飲料是Apple Cider~





食飽飽毛寶就話好攰好攰~可能佢太夜訓又太早醒~搭的士番酒店抖抖先~佢訓覺時我就自己盡情玩~玩咩~玩頭先毛寶送俾我哥本立體書囉~~多謝毛寶~知你地架喇!知你地都好想睇架喇~(有試過咁俾人屈過嗎?)...本書其實幾大本下...定係人地塊面太細呢~~~~~~





好啦好啦~我就將將就就咁揭開俾你地睇下啦~(明明自己好high咁影相~)....我到依家仲未捨得開信封入面既野...所以我依家都未知係咩黎~兩個信封都無開過~




斜角巷呀~~~




好靚呀~~~霍格華茲~~~打開就覺得有氣勢了~




其他場景都好靚~






毛寶仲未醒~執埋d野先~今日既收獲~有d野食係酒店幫我地代訂的~我地呢日攞埋開箱入gip~




呢幾日加埋咁多je~應該唔係好難執~








星期六睇哥套韓國電影與神同行
係講人死後要係四十九日內接受7層地獄審判...
包括"說謊".."殺人".."暴力".."不義".."背叛".."怠惰".."天倫"
過哂呢7個審判無罪先可以轉世股胎...
er....我諗我一定過唔到...
淨係說謊同怠惰都搞唔掂啦.......
唉.....你自問可唔可以過哂7關?
又一套流眼淚電影...
希望快d有得睇續集!
我覺得3個陰間使者都做得好好~
但睇報導話由頭喊到尾我就無既.....
我覺得玩轉極樂園更催淚!
(我係依家講講下都想喊)



2018/01/15的開心事：
我剛剛下單....等緊我d燒烤黎緊....
好緊張流口水ing~
澳覓app真係一個偉大既發明~~
足不出戶電話都唔使打就可以叫野食~~~



報時：距離與媽媽慶生台北吃喝之旅2018仲有---73日~
報時：距離與毛寶慶生泰國食揼嘆之旅2018仲有---256日~