與毛寶慶生快閃台北之旅2017-09-30第三天Part 2(天晴酷熱)

星期二...一起身個頭超痛....唔知係咪個姿勢訓得衰....抵住膊頭筋...一起身膊痛頭又超痛...好攞命.....痛左成日.....下午食粒藥.....突然又無咩事.....下午俾個客超大聲鬧我...痴孖筋的~夜晚仲去跑步....跑左5.15km~星期三....一早我就超嬲...點解硬係要個個就哂你?!妖!....放左工去跑左5.15km~~番到屋企手忙腳亂咁沖完涼我!買!左!大!旅!行!機!票!喇!!!!!!!你地想唔想知係邊呀~~~~落少少講~~~星期四...朝早我決定自我放縱...放縱既點係..因為我噚晚跑完步無再食野個肚勁餓住入睡~~~~我今日去左買starbucks做早餐~~~發左達~~(都話買左張卡就癲左架啦~~).....飲左咖啡番工係上左電咁既~~~~好彩今日無啦啦有飲咖啡..因為痴線地多野做.....夜晚....我又自我放縱....我又叫左哥間燒烤外賣.......................我諗左佢隻雞脾諗左兩日有多喇..你地由我啦!!!!!!!!!!!!!!聽日星期五~~~公子有壽宴~~阿媽聽晚去完旅行番黎~~好開心~~~~~~~~~yeah~~~~~~~~~~~又過左一個禮拜既工作日喇~~~



2017-09-30
Day 3---Part 2(台灣,台北 Taiwan,Taipei)
毛寶訓醒我地再出動啦~又黎到赤峰街~我都幾鐘意赤峰街哥種舊舊既味道~d屋好似我以前細個阿婆屋企哥d矮樓~好正~(利申...呢次係搭捷運~因為怕呢個時間的士會塞車~)






走在赤峰街上剛好遇到美美的日落~




其實我地目標係呢間心地日常~地址：台北市大同區赤峰街49巷6號1樓




呢間係蔣雅文開既生活雜貨呀~仲有d台灣拌手禮架~佢仲有另外一間服飾店叫Ferment Store係赤峰街另一條巷的~不過我地今次無去~







仲有狗店長~~好乖乖的~




隔左無耐...原來仲有另外一隻狗狗~頭先去左散步~兩隻都好可愛~同史奴t一樣咁可愛~(你地梗係唔記得左史奴t啦!!!無本心呀你地!!!佢好似成年無同大家見過面.....一年咋..你地就唔記得左佢!!!!!!我喊!!!)





哈哈~其實我特登黎呢度唔係為左睇野~係食野架~因為我上網睇到佢有個桂花蜜酒釀白玉雪花冰就好想好想試~NT$250=66.1hkd...華~唔平架~佢另外有個夏季限定既楊枝金露酒釀雪花冰~但我比較鐘情桂花味~




點左餐後自己搵位坐啦~上網睇d人成日都話座無虛席..今次黎算好彩~可能已經成6點幾7點~




黎啦黎啦~~~~~~~





好!好!吃!!!!!!!!!!!!!!!!!!!!!桂花蜜超甜美~~~~酒糟都好好味!!!估唔到酒糟可以同雪花冰同吃...勁夾!....我勁鐘意呢個!好好味~~下次想再吃~~~~~~~~~~我平時食唔到好多凍野..但今次...我自己一個人食哂成盤..好好味!(我超喜歡桂花味既野)




臨走見到呢盤仙人掌好得意~~~~做咩生到咁幼咁長呀~




捷運中山站有地下街...只係行經R7-R9出口就會見到呢個"誠品R79"~橫掂要搭捷運去食飯~途經呢個入口入捷運先~都幾好呀~唔怕日曬雨淋行街街~~






仲有cafe添~~但我地依家去晚飯就無多久留~




今晚既晚飯地點係人稱貴婦百貨既Bellavita入面~~聽講有好多人係入面影婚紗照...係幾歐陸式既~但我覺得幾似香港置地....入面都係賣名牌或者貴野~唔岩我~




今晚我地既晚餐係合．Shabu鍋物料理.....記得!!!要網上訂位!!!!因為無訂位有人walk in真係無得食!地址：台北市信義區松仁路28號4樓(寶麗廣場4F)






佢有好多套餐既..都有單點..不過我都係覺得套餐又多野食又抵~





我地叫左兩個餐~一個係澳洲和牛套餐...NT$1,380=365.1hkd.....另一個係和風青蟳套餐...NT$1,680=444.4hkd.....和風青蟳要預約定..因為可能會無~個餐入面有前菜,綜合時蔬盤,食事,水果及甜品....前菜佢有3樣野揀~我地揀左海鮮沙律同埋海膽山藥~兩個都好吃~但海膽山藥更出色~~~~~





這是二人份的綜合時蔬盤有d菜呀豆腐呀丸類既野~




都不用自己動手~有服務人員幫忙~湯係清水狀的清湯~醬料比較偏向日式~





蟹來了~~~~都可以用勁大隻黎形容~~~仲有3隻蜆~~~




這是澳洲和牛~~~~~~~勁好味~~~~不錯喎~~~~~不沾醬也好吃~~~~~




俾你睇完之後佢會抽走d蟹膏...做咩?你因間咪知囉~~然後會幫你放蟹入去打邊爐啦~




其實成程都有佢幫我地睇住隻蟹..我地淨係專心食牛同蔬菜~d蟹ok佢就幫我地整起佢啦~隻鉗大隻到!!!!!!!




然後佢就攞左兩隻鉗入廚房....使唔使咁貼心呀?!?!?!?!!?!?幫我地隻鉗拆埋肉!!!!!!!!!




隻鉗都幾足肉~~~~~啖啖肉好正呀~~




個蟹身都好正~~~好多肉~d肉好鮮~~~佢有蟹醋既..不過我覺得個醋麻麻~我覺得平時屋企食哥d浙醋加糖好味d~




食到成個鍋d野食哂就到食事了~即係煮粥~~見唔見到飯上面圓形黃色哥碗???係我地頭先隻蟹d蟹膏呀!!!都幾多!!




我以為好似之前係日本食河豚餐個粥咁求其煮一煮添...佢堅煮左好一陣子喎~





煮到最後加埋蛋...wow~





食過咁多次哥d邊爐後用d湯煮埋粥食既料理....我想講...呢個蟹膏粥最好食!!!!!!!!!!!!!!!!!真係好好好好好味!!!!!!超香濃呀d蟹膏味!!!!!講起都想食多次!!!!好正!!!!!




最後仲有甜品和水果.....毛寶揀左紅豆沙我揀左杏仁布丁~成餐飯唯一麻麻的部份~但可接受~




呢餐食左NT$3,366=890.5hkd...每人445.3hkd.....記得!一定要預訂青蟳套餐!真係好正!








哥日同今晚係澳覓叫哥間燒烤隻燒雞脾勁出色!!!
肉嫩多汁汁(好咸濕)...
佢隻燒烤醬又正喎~~~~~
勁好吃~~~~
個哥仔黎送外賣時仲唔肯收我貼士...
話我久等了....有禮貌到........................



我有日坐坐下counter...有個客無啦啦衝入黎..
客：我想問下呢...我個籌係咪過左?
我：0我~咁你個籌幾號?
客：唔.....(然後佢一直自己睇電話無俾我睇佢幾號)
我：不如你俾我睇下...
客：拿!我1518既!
我：(望下個鐘..已經22分鐘)...係呀你1518依家咪過左囉
客：佢話我個籌1518叫我18分黎架喎..我20分咪黎到囉!
我：咪係囉..你20分黎咪即係18分個籌過左囉...
客：下?咁唔係有5分鐘走盞既咩?
我：其實你約左18分係要早10分鐘黎到架.....
我心諗.....咁邊個俾5分鐘我走盞???????
唔係使咩預約呀.....你估依家飲茶咩
大家預約左可唔可以準時呀?
或者你下次約遲5分鐘俾自己走盞好無?



星期二跑步哥時....
我跑到第3km既時候....
正以高速跑動中....
突然有個小黑影....我以為我眼花...
跑前多兩步就發現自己踩中左d野.....
而且好明顯地係一隻小動物.....
之後令我更加確定佢係一隻咩動物既事係...
佢勁快速奔走繼而好大聲咁"吱吱吱!!!!!!!!!!!"
仲大聲到有回音......
華....係人都知你係一隻老鼠啦~~~~
佢哥三聲吱吱吱聽得出係對世界既控訴!!
好鬼心你見到有隻河馬高速咁衝緊過黎時你就唔好過馬路啦!!!!



2018/01/18的開心事：
喂!!!成日講話信用卡優惠係上年完結!!!
依家又無啦啦有番呀!!!!!!今年成年都有!!!!
今年d旅行又可以用到機場侯機室喇~~~~
好開心呀~~~~~~~~~~~~~



報時：距離與媽媽慶生台北吃喝之旅2018仲有---70日~
報時：距離與毛寶慶生泰國食揼嘆之旅2018仲有---253日~
報時：距離天團蘇格蘭高地之旅2018仲有---268日~
對對!!!今年要去蘇格蘭~~~~
一睇個標題就知係同邊個去啦~~
天團要合體了~~~~~~~~~~~~
未去過~~~很期待~~~~~~
大比話搵到好多靚景呀~~~好興奮~~~~
點解話我噚晚手忙腳亂咁買機票...
因為我突然醒起....某航空公司個promo係噚日就會完!
所以我就急急腳跑完步趕最後時刻買機票~~
我覺得以飛英國黎講算係幾抵~~仲要坐大航空公司~
因為之前坐過都幾舒服(而且個娛樂系統好多戲睇~~)
好開心呀~~~~又可以幸福忙喇~~~
第四個旅行應該不日會發放(希望)