與毛寶慶生快閃台北之旅2017-10-01第四天(天晴酷熱)

星期五....呢日朝早我又放縱自己飲筋勞....但飲完番工真係好開心....(張卡真係唔可以亂買的)...番工還好~放工去左公子壽宴~幫我地主席慶生~星期六.....今日放縱自己無去跑跑...訓到自然醒~~好舒服呀~訓到成12點半~~(而且我仲發個好長既Sunny bb夢~好開心~)..中午去左食Terra~~終於食到~~Affogato~~同埋佢地個有個素既沙律好好味~~仲有個辣魚pizza都好正~~個底好脆~~梗係要飲杯筋勞賀賀佢~~跟住行左一系列既運動舖~~之後毛寶幫我剪頭毛~~我有成個月無剪..有無人知我有幾長毛狗?夜晚正呀~~食左園林呀!!我終於食到~~~食完仲要買一堆家和魚蛋上菓子軒度食~~(佢地個辣好味~)...最開心係甜品係我好耐無食既dreyer's薄荷朱古力雪糕~~~~~~~~~我好鐘意食呢個牌子呢隻味架~~~~順帶一提~~菓子軒隻腳好臭呀~~~星期日....早上跑步去~~4.89km...個app好似傻左咁~~明明同平時路程一樣....計到d路程古靈精怪~~跑完步梗係要買番杯筋勞慰勞下自己啦~~再買埋阿蘇外賣做中午~~訓一陣晏覺~~再出去睇戲~呢日睇左解憂雜貨店~~個故事其實係唔錯既~但我想睇日版多d~~~跟住再行去食埋權昌~~正~~多謝貞公子請我睇戲~星期一...好多野做...又好眼訓....因為我淨係俾我自己星期四至日先可以飲咖啡...所以今日中下中下.....好野~我阿媽番左黎~我今晚有住家飯食喇~



2017-10-01
Day 4(台灣,台北 Taiwan,Taipei->澳門 Macau)
今日要起程回澳喇~黎食個早午餐先~我要毛寶陪我試呢間聽講(網上說的)食完會潮到出水既cafe...叫米販咖啡Cafe de Riz...地址：台北市大安區安和路一段78巷34號.....咁梗係搭的士去啦~仲使講~





裝修簡潔~點點日式味~不過坐位不多~而且枱與枱之間有點靠近~




話明米販咖啡~梗係以米就主題啦~有個小角落售賣米呀~或者米既零食~仲有呢間cafe既精品~





仲有成條Pound Cake賣~(華~我好鬼仔~)...幼幼長長的~唔知咩味呢~一條NT$380=100.5hkd




餐牌就簡單兩張紙~而吸引我黎既..就係第二張餐牌既飯團套餐喇~~~~(之前有限每日10份..搞到我勁緊張~依家好似無左呢個限制~)





我地兩個都係叫套餐既...套餐入面包一杯NT$120=31.7hkd以內既飲料~叫超過的金額補差價就可以了~我就叫左清酒微醺凍飲...NT$180=47.6hkd(原價...所以補NT$60=15.9hkd的差價就可以了~)....都幾好飲~入面有d啫喱咁~酸酸地都清新~




毛寶叫左黑芝麻歐蕾(熱)..NT$160=42.3hkd(原價..所以也要補差價~).....超!!!!!!!!!!!!!!!!!!!!!!!!香的黑芝麻味...不怕太甜!!好飲!!!真的不錯!而且杯子很可愛呀~很像富士山~仲加幾粒芝麻~成件事又日式哂~





呢個就係我叫既米販團團圓圓飯糰套餐...NT$350=92.6hkd....套餐入面有3個飯團...有兩個是固定的口味(江戶腐皮飯團+RAW塩味飯團)+1個自選口味(自家炒鮭魚鬆飯團or日本宮城明太子飯團or山椒小魚海苔醬飯團).....仲有五種小菜+甜點+NT$120內一杯飲品.........一黎到又大叫：好靚呀~~~~~~~~~~~~




侍應妹妹都會很有禮貌介紹3種飯團(當然我梗係唔記得哂啦)...同埋有講有分先後次序咁食架~~~首先係食RAW塩味飯團...拿拿拿!!好乞人憎既!我最鐘意人地係飯上面曬幾粒黑芝麻既!!RAW幾好呀~食到米飯原味~巧痴!飯質很好~




第二就食江戶腐皮飯團~記憶中正評...但確切的味道想不起(唔該哂~)




自選既我揀左山椒小魚海苔醬飯團~勁好味~~~海苔醬似我好鐘意個早餐姨姨整哥隻鮪魚蛋香米卷入面d海苔醬~~勁開胃惹味~~~




五種小菜都係清淡之選~我鐘意個薯蓉同蘿蔔~(之前上網睇五款小菜有得自選的~依家係固定的~)




毛寶叫的米販x想想廚房聯名套餐.....可自選一款咖哩醬...1.雞肉咖哩(NT$390=103.2hkd)...2.洋芋磨菇咖哩(NT$370=97.9hkd).......配兩款固定飯團(特調001飯團x1+台灣米飯團x2)....仲有季節時蔬+甜點+NT$120內一杯飲品....毛寶揀左洋芋磨菇咖哩(植物五辛素)....個咖哩勁出色丫!!!好香~係新式印度咖哩..都有少許辣度~正~




特調001飯團同埋台灣米飯團都係淡d既飯團...岩哂襯咖哩食~~~~個特調001飯團我記得佢話有用礦物鹽....不錯唷~




有韓國人都黎食走哥時仲大叫好味~點呀點呀~我食完個樣有無潮到出水呀~~~~~





飯後甜點原來係玻璃櫃入面既pound cake!細細塊好可愛!




原來是檸檬口味的~講真話我平時不喜歡檸檬味蛋糕..更不喜歡pound cake的口感.....但呢個蛋糕我覺得好好味!因為佢整得唔怕甜...而且外皮有點脆脆硬硬.....奇佳!套餐甜品有呢個質素令我驚奇~(比澳門某出名法式蛋糕還要好吃多!)




米香冰淇淋...NT$220=58.2hkd




配係雪糕旁邊既餅超好食~雪糕質感係比較實哥種~雪糕不錯~佢另外仲有個甜品係培茶布蕾我都好想試..但實在飽到走不動了~唯有下次吧~呢餐毛寶請既~多謝哂~





今次就搭捷運番酒店喇~攞番d行李....就...係...酒...店...門...口...跳...上...的...士.......................跳上的士由西門町直衝林口三井Outlet(Mitsui Outlet Park)...地址：新北市林口區文化三路一段356號.....由西門町黎到呢度的士錢大約係NT$625=165.3hkd...今次係B1層個門口入因為個的士司機唔係好識路~




由於拖住兩舊大行李...去地面層搵個Locker先~我記得好似係北口個出口門口就係~投幣式既..但我忘了幾錢~




由於前面就係Beams....我就同毛寶講：你快d行入去啦..好多讀者等緊睇你行入去既相架!....毛寶：邊有人話想睇呀!.......(然後痴住我行)......我：你行我咁近仲衰..我影你大頭行入去仲醜............3秒後佢無啦啦極快速跑離我身邊....企圖用超音鼠既速度跑入去可以避開我個鏡頭........哼!大佬...我攞咩影呀.....iPhone黎架!!出名影相夠快架啦~~~~我：你做咩咁蠢唔正正經經行入去俾我影靚靚?..依家俾人影到d咁既相喇??實俾記者大造文章啦~(我就係哥個記者)............當時我地笑到痴哂線~~~~因為第二張佢跑到d蔭飛起哂~毛寶入Beams既相永遠都咁吸引~(跑得幾招積呀...唔係直線跑架跑到有西架)...見係你地咋...送呢套我珍藏既連環圖過你地睇下啦....






上年聖誕黎哥時唔夠時間行~以為眼望咁大...點知原來仲有室外場~~都幾大~勁似去左日本咁~





但d款式唔算太岩我地買~行到攰攰地~搵個地方食野好過~見有欣葉~好似話食台菜好出名的...上年黎時訂唔到位食唔到...今次一於試下啦~




outlet入面既餐廳黎講佢算裝修得幾靚喎~我地係坐係佢出面等佢開門的~所以我地係第一批入座~





醋漬小蕃茄...NT$120=31.7hkd...正常野~酸酸地都開胃既...但唔算太出色...(某次同皮皮去食飯佢朋友係老闆..佢請左自己整既話梅漬蕃茄俾我地食哥個蕃茄更正~)




山藥果香烏金卷....NT$360=95.2hkd.....基本上有山藥我都會鐘意食既..但佢入面夾埋一齊既野味道又唔算好突出~




薄牛時蔬沙律....NT$320=84.7hkd....d牛勁鞋勁難咬開!醬太多~時蔬入面勁多洋蔥.............唔抵...唔好食




精燉黃金蜆湯...NT$150=39.7hkd....成個湯..淨係飲到蒜味.......................係勁蒜味!!!!咩味都飲唔到




鹽酥鮮蝦...NT$320=84.7hkd....脆到成隻蝦都食到..唔使剝殼食....算係呢餐不錯的部份




台式炒米粉...NT$180=47.6hkd...炒到出黎...我覺得個畫面幾難睇.....好似一堆垃圾...料還料...米粉還米粉......而且仲炒到油油的.........雖然唔係貴....但我覺得比茶餐廳炒個普通米粉還要差....





呢餐食左NT$1.450=383.6hkd.....每人191.8hkd.....好出名既台菜....係咪outlet唔同d既呢??????????????我覺得呢餐唔可以用好食黎形容.....................




食飽飽我地就係Outlet直接搭的士去桃園機場~的士費NT$690=182.5hkd.....呢晚我地班機delay左大半個鐘度~我地check完in之後就快快趣過海關入禁區~~又係用盡信用卡優惠時間啦~~~呢個我第一次入既~過左海關之後見到Airline Lounge個牌跟住行就到~




呢個Lounge幾新幾大而且重點係無咩人~~~正正子~~~






好多台灣罐裝飲料~有果汁~




酒類有紅酒白酒生啤~仲有送酒既nuts~




野食方面都唔錯呀~幾多野食~仲要有茶葉蛋~正~





都有即整粉麵檔~~港澳代表有魚蛋粉....台灣有代表有4款揀!!!!!!!!!正!!!!




來到台灣正常應該揀排骨麵或者肉燥麵~但哥刻我真係好想食叻沙~唔錯~幾好味~食叻沙配冬瓜茶~爽呀~~茶葉蛋好吃~左下哥個甜品杏仁布丁也好吃~(當然全部感覺係因為免費而產生...如果每次入要我俾2xxhkd就會唔同哂)..好~3月尾再去食過~~




我地呢日係搭澳門航空NX615既航班係21:00由台北飛回澳門~




華~~~隔離係長榮既XO彩繪機呀!!!!!靚!!!!!!




好喇~"說再見了吧"~拜拜喇台北~再見是一定的~




飛機餐....打開之後聞到陣味....er.....食落....我都唔知舊肉...到底係咩肉...........................係...勁...難...食.............而常言道...有時唔係想浪費食物...而係煮得勁難食既.....浪費了食物既...係個廚師本人.........................................拿...生果我全清的~~~好少飛機餐上既生果係芭樂...清新~澳門航空既日本線飛機餐點解同台灣線飛機餐可以差咁遠?!?!?!?!一個可以話天堂...另一個話地獄也不為過...(難道係因為日本線係與ANA聯營的關係?)




總結：
1.使費：1,251mop(機票)+1,524.5hkd(酒店)+111.8mop(保險)+2,883.6hkd(食買玩交通現金)+5,961.4hkd(食買玩交通信用卡)=11,773.2hkd.......4日使費咁多...原因係毛寶少爺生日我請左佢食幾餐飯~我人真好~
2.去程行李8.2kg...回程才14.1kg...真係無咩買~
3.台北市區去左好多次...我都唔知行咩好~可能係我搵資料準備不足~但為左野食...我其實又係會再一次去台北~(寫既時候我係未買台北機票的~)
4.其實去台北不錯~近近地行幾日~食下野~幾開心~
5.我又在想念合鍋物個蟹膏粥喇......我一定會再番去食!!

~The End~

~多謝收看~

華....
噚晚哥個萬千星輝頒獎禮真係華聲四起...
我都好鐘意盲怯!
但.....其實我想馬明攞.................................
從身邊...經過......場地或時候錯......................................



2018/01/22的開心事：
我：華...今日空氣質素好差呀....行出街以為自己有眼疾!
毛寶：係囉!因間放工都要戴番個眼罩先好出街....
希望你唔好戴住眼罩過馬路啦..
好危險架!!
你真係好搞笑~~~~~~~~~~~~~~~~~~~

係喎~小預告一下先~~星期四會出哭福袋篇~

敬請期待~



報時：距離與媽媽慶生台北吃喝之旅2018仲有---66日~
報時：距離與毛寶慶生泰國食揼嘆之旅2018仲有---249日~
報時：距離天團蘇格蘭高地之旅2018仲有---264日~