2014年3月13日 星期四

七公子聖誕百元限定哭福袋派對2013@哭福袋篇

唔知點解噚晚訓哥時又咳番~奇怪~但查左曼秀雷敦薄荷膏又好d喎~今晚訓前都要記得查~~今日上午去上堂~真好~和毛寶一齊上~~~今日都少左咳同鼻涕了~~~講個yeah先~~~~明天就是星期五了~~~~即係話~~番多一個禮拜工就要出發了~hehe~



由於加埋太多相~所以又係將聖誕聯歡一分為二咁出blog~準備好了沒???????公子要為大家放笑彈了~~~



食飽飽~(雖然唔好食~)....周圍既人走得七七八八~公子係時候攞定個福袋先喇~根據傳統(傳咩統呀~得哥兩年歷史~)....係抽福袋先到哭袋~因為好野壓軸嘛~(大家知咩事~).....目測福袋~好似都幾唔錯咁~合照來一張先~福袋既金額係一袋裏面加埋哂或一樣都得...係$100的...多少少或少dd都得~其實百元福袋都幾難買架~~依家d野咁貴~好難買到好野~









根據慣例....抽籤紙由毛寶畫~包好後放入餐巾內~猜包剪鎚分先後伸手入餐巾抽籤.....但如果抽好哂一齊開籤發現有人抽到自己可份就重新抽過架嘛~如是者~我地抽左....3次~~~都仲有抽中自己哥份(好無聊呀你班人~)..之後就一個一個開...抽中自己再自己一個重抽就算~~哈哈~影呢張相超辛苦~~又忍唔住笑個咀又攰喎~






好喇好喇~抽好哂喇~開估~貞公子抽中凱公子的~都幾唔錯的~






凱公子抽中杯公子的~我幾鐘意張珊瑚被的~我都有諗過買黎做福袋~唔知點解最後放下~(係daiso買的~好抵~$15)






杯公子抽中我的~我都係daiso狂睇禮物~最後揀左個剃冷衫毛頭的東東~另外係第二度買左對手襪~同埋兩包媽媽米~我覺得幾實用喎~






hehe~我抽中三公子的~頂~~~超實用~~~最喜歡就係哥件防寒內衣~~~~岩哂~~~~係全部都可以用到!!怕醜都要講~m巾都有包~






三公子抽中朗公子的~(哈哈~舊年毛寶又係抽中朗哥份~~真有緣~)...有洗衫袋呀大佬~~係幾實用~~不過睇d用品就知公子開始老喇~~~~wakakakakak~






朗公子抽中麥公子的~咦~風筒一個~~~~好實用呢~~$100買到家電~~麥公子真叻~






麥公子就抽中貞公子的~好丫~襪仔暖暖幾實用~






福袋真係福袋~






睇完一系列正常得不能了的福袋.....又黎時候到淨係睇d禮物包裝d霉氣都會飄出黎既哭袋了~顧名思義~哭袋裏面既野就係要你哭得不能自拔.....將你自己放係屋企深深處又唔想要而你又覺得人地有用既....就放入哭袋....講番上年先....令人最哭哭袋第三位係凱公子...第二位三公子...第一位係麥公子.....其中兩位公子今年已出榜.....有新公子進註!!平時睇落好眉好貌既公子....原來你係咁既!!!!!!(我咁講大家知咩事啦!!)...同埋我覺得睇舊年哭袋之前~應該溫習下前年既哭袋先~咁先夠連貫~請看七公子聖誕百元限定福袋派對2012@哭福袋篇.....睇下前年咩事先~




今次仍然係講d無事無幹哥d先~越後越激~做好心理準備未~今年會勁過上一年!!好~不多說~去片~






杯公子抽中凱公子的~仲整個咁既樣??你就好啦~我舊年抽左凱公子一大袋野的!!!!今年你先得三樣咁細!!!!!唔制呀我超想抽到呢個哭袋的!!!!!個匙扣算係最衰架喇呢個哭袋入面!!凱公子話佢間房岩岩裝修完無咩野可以入喎!!你好彩!!杯!!






麥公子抽中貞公子的~萬花筒投射燈一個~貞算鬆手~麥公子話岩佢新屋用~






朗公子抽中麥公子的~麥公子係舊年既no.1黎架~今年從良~好好多~舊年條核突belt真係唔知咩事~~






er...開始有少少唔正常喇~貞公子抽中我的~佢仲話好期待抽中我的哭袋~我話:你係咪傻架??....因為我一早預告我個哭袋d野唔算好衰..但有超多的!!!貞話因為見我換物樂d野幾有水準所以好期待....但我說:好既貨我一早放上網賣啦~仲放哭袋~.....waakkakaka~~~數量真係超多~~應該有廿多件~~~睇見個小魚仙飛碟真係火滾....當年我鐘意小魚仙....d同事夾夾埋埋其他野送生日禮物俾我既.....我當時心諗:送隻飛碟俾我做咩呀?!....好彩依家有份送哥個....自己要番~



而且我有好多野貞公子話都賣得番出去喎~



為大家呈獻:專業推介 最哭哭袋 第三位!!凱公子今年又抽中三公子既哭袋喇~~~今年其實毛寶個哭袋大都好正常....有d襪有個佢拉杯拉出黎既碗..都幾唔錯.....問題係.....又有一件佢上網買而有色差質料差既衫!!!!!!!!!!!!!!!!!!!!!!!!!!!!!!!!!!!!!!!!!!!!!件衫醜到呀...............佢就話上網買未摸過唔知質地係咁....但我地6個都話:就算唔知質地係咁....都應該唔會買...因為件衫既圖案實在令人作嘔~~~~~~~~~~wakakakakaka~~~舊年凱公子已經抽中三公子哥條超醜..醜到凱公子話連做佢條睡褲都唔配既褲~~~~~隻色仲要同上年件衫超襯!!!岩岩好一套~~~恭喜你呀凱公子~~係你架喇~~~笑到我地痴筋~~~



毛寶上網買左都無同我講過有買過呢件衫就知咩事~



專業推介 最哭哭袋 第二位!!三公子抽中朗公子的....堅有緣~舊年毛寶又係抽中朗公子個哭袋囉~~~~不過你睇下毛寶個樣先!!!!幾哭!!!!!請細細看.....埋野醜到!!!!尤其個假既藍精靈iPad套!!!!!!堅醜!!!!!!!!!!!!!!!!!!!!!!!!!!!!!!!!!!!!!!點買得落手呀~~~~仲有後面個透明袋呀~~~~咩事呀~~~~~~真係令人暈低!!!!






專業推介 最哭哭袋 第一位!!頂~~~~~~我抽中左杯公子哥個第一位呀~~~~#&$^&#$^&^$~~~~~好嬲呀!!!!!!!全部無樣岩用!!!!!!個假既paul frank馬騮仔iPad套仲衰過藍精靈!!!!!因為佢係裏面有個殼"吸"部機落去哥隻!!!我跟杯說:杯...我哥部係iPad mini黎架...........................我無言了....仲有假既小王子記事薄....你地係邊度搵咁多假野買!!!!!!仲有本懶人賬薄!!頂!!!話明懶人邊會有人記賬架!!!使左咪算囉!!!!仲有....d吸印係咩事???????????????????????????你呢個年紀....幾時買番黎架??!?!!?!?!??!我前年抽中第三位...舊年抽中第一位....咁今年可以唔抽到top 3啦係咪呀~~~~~~杯~走漏眼~睇錯左你~~~你有咁多垃圾!!!!!



真係好嬲呀~嬲死人喇~我都有今日喇~



哭袋真係笑到人呢~~上氣唔接下氣~唔知今年點呢~有無d更變態既野出現??我真心覺得呢班人係痴線的XD






哈哈~~之前凱同貞係某連鎖時裝店買左件褸...因為減價覺得好平....質地又好好....我地...公子...一齊跟買~~~~(麥公子無買~~)......6個約好呢日一齊著!!!超有氣勢~~走哥時勁尷尬~~有個侍應講得超大聲:華~咁搞笑既你地~.....公子...真係...好有魅力~~~~~~~~~~~~~~~~~~~~我地既最新大碟封面照~我地係偶像實力派黎架~




麥公子也有配合我地~一齊著軍綠色褸~走既時候門口有聖誕樹...咁又梗係公子時間啦~當貞公子請個菲律賓藉既侍應幫我地影相同佢講定:我地係有個特別既鋪屎...唔使驚呀~.........公子的"就是你"~~帥帥的完成~~其實我地都幾癲.....著到鬼5馬6已經夠尷尬...仲要係人地門口做d咁既鋪屎....就是帥!!!!




貞仲送左張立體聖誕卡俾我呀~謝謝貞~







2014/03/13的開心事:
今日工作少d~而且係順利的~
已經足夠~
今日對於個旅行係充滿期待的~~~
令番工都開心d~



報時:距離澳洲探險自由行之旅2014仲有---8日~
報時:距離吉隆坡慶生自由行之旅2014仲有---35日~

42 則留言:

  1. haha... 抽福袋同抽哭袋,好好玩呢﹗好好笑... ﹗
    話咁快你就黎去澳洲喇~~ 一路順風呀~~

    回覆刪除
  2. 其實你哭袋D野都OK丫!!~吸印貼紙歌D ARM我地D學生仔呀!!
    不過個IPA套就..

    回覆刪除
    回覆
    1. 唔係講真架下....不如我送哂俾你丫~~~
      個ipad套真係想打暈佢...

      刪除
  3. 哈哈哈~~我始終覺得毛寶上年既哭袋係最哭XDDD
    好野終於有得睇>3<

    回覆刪除
    回覆
    1. wakakaka~但佢今年條褲都好難頂~~

      刪除
  4. 睇在抽到個咁正既福袋份上,鯁個第一位哭袋,當打個和啦。

    回覆刪除
  5. 有哭袋好過冇啦~~~最緊要大家一份心同開心

    回覆刪除
    回覆
    1. 哈哈~~但係我都係唔想要個哭袋~

      刪除
  6. 毛宝影相真係好搶鏡,有型又搞鬼,讚!!!!!!!
    你收果個福袋正喎,真係樣樣都用得,讚讚!!!!!!!!!!!
    你送出嘅哭袋真係好多立雜嘢呀,叫人点算呀!!!!!!!!!!!!
    六個人著同一件褸,我覺得好型喎,最緊要大家樂左其中^^

    回覆刪除
    回覆
    1. wakaka~你咁讚佢佢會囂張架~~
      係呀~~岩哂我用~~
      哎呀~~鬼叫以前d人送埋咁多無謂野俾我咩~~~
      咁又真係出位既我地~~

      刪除
  7. 位位都滿載而歸,以為是強國人去完shopping的戰利品。

    回覆刪除
    回覆
    1. 哈哈~~強國人都無我地咁豐富~

      刪除
  8. 今日我乖乖吃埋D薬喇...好番8899呢...還有小小唔舒服呀
    不過我都係要星星月光太陽努力勤工作... 我就有精神享受上網

    回覆刪除
    回覆
    1. 係呀~咁你要乖乖地食哂d藥早d休息呀~

      刪除
  9. 見到bossini袋就知係好嘢,你抽到真係恭喜哂!!不過呢年哭袋算正常得多……除咗三公子件衫,潮開嘅三公子話俾人聽買過件咁嘅嘢真係英名盡喪。抽籤紙上嘅名好難估,你係咪家禽?朗就屎朗,其他邊個打邊個?講唔哂就剩係講吓那一位,那一位是誰?你懂的。

    回覆刪除
    回覆
    1. 唔係呀下..我覺得ipad套好唔正常喎~
      下....咁你都估到我既....
      我知你講那一位..但係我係唔會話你知的~

      刪除
    2. 唔係我叻估到,係有印象有人咁叫過你啫......我咁誠懇,你都咪咁衰啦,我估下人同玩兒是但一個是她,對嗎?

      刪除
  10. 哭袋真係無令人失望 哈哈哈哈。。。
    最正係你地d表情. 特別係毛寶同你的表情 無敵呀!!!!!

    回覆刪除
  11. 仲以前你地包間房咁玩法..... 唔怕啦, 過時過節, 人人都知道你地係度玩

    回覆刪除
    回覆
    1. 哈哈~~~無包房架~~好開揚咁食自助餐的~

      刪除
  12. 我又覺得今年哭袋唔係咁差嗜,上年攪笑啲!

    回覆刪除
    回覆
    1. 真架??但我真係覺得個ipad套好有問題喎~

      刪除
  13. 毛寶件衫同舊年條褲真係好襯,所以命中注定凱公子抽中啦 (如果佢著晒衫褲鞋一套出嚟,就堅正~~)
    有啲羡慕你地,咁好朋友,又咁玩得,叻呀你地~~
    我戥你緊張呀,就快去旅行啦,又要掛你嘞,哈!

    回覆刪除
    回覆
    1. wakakkakakaka~佢抽中真係岩哂~~~恭喜佢~
      哈哈~~~因為我地7個都癲的~
      係呀係呀~~我依家都好緊張呀~~~今年第一擊呀~~

      刪除
  14. Hi小t,哭福袋篇好精彩呀!好好玩同好攪嘢,貞公子d野真係好多都賣得番出去喎!見妳抽中個哭福袋裏面d野!妳真係耍大哭一場喇!大家一齊著軍綠色褸張相好正喎!大家都好型呀!其實今年d哭福袋都唔差呀!最開心就是大家一起過了一個開心聖誕party喇!bye!!!

    回覆刪除
  15. 你地的哭袋,真係笑C呀!除左你和毛寶,其他人收哭袋都會笑嘅!

    回覆刪除
    回覆
    1. 係啦~~~~我同佢真係抽中最衰哥個~

      刪除
  16. 雖然你哋七公子,時常有聚會。但我覺得你同毛寶比較close d,可能見你倆個,成日一齊去食嘢同旅行啦。

    回覆刪除
  17. 你個哭袋個休足時間係好野黎架喎~~都哭唔哂呀~

    回覆刪除
    回覆
    1. 係咩...但係其他野我都覺得係垃圾~~~

      刪除
  18. 好溫馨呀!毛寶的畫功好有水準,您就交足戲囉,哈哈哈~~~~~~~

    回覆刪除
    回覆
    1. 哈哈~~~~因為我覺得佢個哭袋真係好哭~真情流露~

      刪除
  19. 羨慕妳們咁好感情!
    男人世界 這類玩意 可能已失傳了.

    回覆刪除
  20. 笑C咗~~
    毛寶畫既抽籤紙堅靚,你個哭福袋都唔係咁差啫,起碼有"休足時間",帶埋去旅行啦^^

    回覆刪除
    回覆
    1. 哈哈~~~但係我真係好憎個ipad套~~我今年會報仇~~

      刪除
  21. 有休足時間都算啱你用啦^^
    全部穿同一外套真係好有氣勢,可以回味以前著校服褸XXXD
    今年會否再一起穿出席派對呢又?

    回覆刪除