與毛寶慶生快閃台北之旅2017-09-29第二天Part 2(晴天)

星期二....好凍~~~但我又覺得無星期一咁凍喎~氣溫上黎講係星期二凍d既...但星期一寒流剛到哥種強風真係吹到我鼻水都流~~~~呢幾日又凍又雨...又無得跑跑...嗚嗚!!無得跑係屋企...同毛寶傾傾講講...買左今年第二張機票.......星期三.....整天工作還好~係5點後有d忙忙的~放左工去跑步~5.08km~呢個禮拜日日都又凍又落雨~今日終於可以跑下步~開心心~星期四....工作還好~好開心終於都聽日係星期五喇!!!我日盼夜盼~~~終於等到~~周末唔知做咩好呢?會唔會又係耍廢呢??



2017-09-29
Day 2---Part 2(台灣,台北 Taiwan,Taipei)
夠鐘喇!夠鐘喇!我地約左時間黎呢度間誠品生活有野做架~~




我地約左黎呢間木匠兄妹松菸旗艦店學野呀~~~地址：台北市信義區菸廠路88號2樓.....我係上網預約的~最好係咩呀~黎到先俾錢~




我諗住等毛寶今年生日過得有意義d~所以安排左黎呢度學整檜木湯匙~~~每位NT$1,480=391.5hkd...學習時間大約120-180分鐘...要兩人起先有得上~一班最多6人~呢日得我地兩個上~





等緊老師黎時左望右望..好多工具下喎~睇黎仲有好多其他野學~





老師黎左喇~首先向我地介紹下先啦~同埋隻湯匙模版俾我地揀一揀先啦~不過佢話其實陣間挖到入去其實個木紋都可能會唔同~個模就係好似最近鏡頭哥隻咁~




老師就話要我地用鉛筆畫左隻湯匙個邊先...即大約湯匙個型




畫完之後老師會幫我地試下因間隻湯匙向咩方向挖...佢話舊舊木都唔同架~呢隻係我既~我哥隻係由湯匙柄開始向外挖...毛寶哥隻就由湯匙頭向湯匙柄方向挖~老師試完幫我地畫番個方向提示我地~




主要用呢兩個工具整...一開始先用右邊細哥隻開始挖挖挖~同埋借助佢哥塊特制木板黎借力挖~同埋我地左手最好戴手套保護~





挖到咁上下...就要用頭先左邊哥支工具黎再挖深d~~(咦..我又以為呢幅相係我)





努力地挖挖挖期間~老師話要幫我地影張相~影完之後我問老師：有沒有拍到我好像很努力很認真的樣子?(笑)....其實我真係好努力架喇...講真..真係挖到好攰~




然後再換一把好似平腳螺絲批既物體批個湯匙底個弧度出黎~要小心..因為太大力太深都會直接整到湯匙斷裂!!呢個步驟勁攰呀!!!!!!!!!!!毛寶話佢最鐘意呢個步驟..佢話好好玩喎.....................................




整到咁上下老師會幫我地修下個型~




之後打磨~




然後我地自己再用砂紙狂擦~~~~~~~~~~擦擦擦擦擦~~~




擦到咁上下...就變左咁啦~然後我地用鉛筆寫字....老師會幫我地燙上去~~~




但...仲未完架~仲有一個步驟...就係上油!我從來無諗過...原來上油係咁架.........係將核桃肉整碎...放入d軟紙入面....然後擦落隻木匙度....




上左油就係咁既色架喇~~~~~~估唔到核桃肉係咁多油架!!!




我地整木匙咪整左好多木屑既....咁老師叫我地掃好佢...





將佢地入落袋.....可以俾我地攞走!!原因係木匙係用檜木整既....d檜木係黎自台灣....勁!香!!!!!可以當香包!




其實將木屑好似佢地咁樣放入透明花瓶入面做裝飾都好靚!




由於上緊木匙既時間同老師傾傾下我地問佢整筷子係咪仲難?老師話：比木匙易多了~......見仲有時間..毛寶又想學....於是...我地臨時又join埋檜木筷子課程~...每人NT$530=140.2hkd.....(提提你..其實整完木匙個人已經好攰~)...大約上30-45分鐘堂~又換左另一塊模版....仲換左另外一個老師~




果然易多了~放長方體既木條入模版用個刨刨佢就得~(當然有老師幫幫忙既~)....我又諗左一陣呢個邊位?隻手咁瘦.......喂~~~我黎架喎~~~~個女仔靚到~~~~~





個成品就係咁喇~(都係要經過打磨...砂紙擦...上油等工序...同木湯匙一樣~)...而個尾修到屋仔型咁樣係老師係機幫我地修既~講明...個筷子托係現成既~講真...係木匙好玩d既~~~但造木湯匙係有年齡限制既~小朋友唔整得~




我咁手殘都算做得唔錯啦下嘛!




得喇得喇....佢整得靚d丫嘛!.....佢仲要將對筷子整成咁係有意思架......對筷子放埋一齊....兩間屋型合起來就似個"M"宇....同埋合起來又整左個"O"字....夾埋咪"MO"囉!咁係幾有心思既~




睇我幾好~今年你生日送左個有溫度既體驗俾你~希望你鐘意啦~(但我今年生日你又送左個不一樣既體驗俾我~我又好開心~)....但如果將木湯匙體驗放係我生日我就會好嬲...因為我唔想生日咁攰~~~(誤)..我地個樣好似樹熊~~




學完野繼續係誠品生活行多陣啦~好鐘意佢d盤栽呢~





然後晚餐我就揀左係Trip Advisor排名很高的燈々庵(燈燈庵)...地址：台北市大安區敦化南路二段81巷20號....我係網上訂左位....而且預約埋我想食既餐~(係...由松菸文創區黎到呢度我都係搭的士~姐就是懶~)




座位都算有空間感...但十萬個不好坐....卡位太深....背部無野靠住好攰~而且冷氣極!度!凍!......已經叫佢溫度高d..但都係好凍...............




一入座就有我地訂哥個餐既餐牌在~




手字係幾靚喎....毛寶仲傻傻的說係寫上去的.......我地叫既晚餐係燈燈庵(跟店名一樣)....每人NT$3,980=1,052.9hkd...佢有幾個套餐都要提前3日訂的...呢個係其中一個~





酒是分開叫的~叫左大吟釀飲...唔記得幾錢支...好像2xxhkd~不錯~偏甜~




先來八寸 山里旬菜盛合~成架車咁推過黎~華~好靚~擺盤和氣勢勝了一切~







然後佢會再上碟擺好先serve俾你既~不錯~




侍應姐姐向我地介紹~同埋有次序地吃~呢part有(由左至右說起)....鮎山椒煮(好吃~)...新銀杏(好味~我其實幾鐘意食銀杏...由其日式串燒哥種)...茗荷壽司(荷花壽司喎!好特別!!酸酸地的!幾開胃~)...蜜煮甘栗(對栗子係沒甚好感的我~)...合鴨香草煮(好惹味~).....呢part都幾開胃~又好味~




胡桃燻鮭...小清新味道~(即係咩?)..不錯~




紅莧蓮實....我er...唔鐘意食蓮子~(講講下原來我都有幾多野唔食~)




勾玉豆腐.....質感有d實.....似有點點的芝士味~幾好食~




再來是椀物 酒蒸鮑魚,南瓜真薯.........鮑魚我又食唔出酒蒸過喎.....係幾彈彈咁囉~





造里 日本直送特選旬魚




刺身部份狠好吃~~沒話說~尤其喜歡拖羅~





燒物 日本尖梭魚柚庵炭火燒.....噢~拿出來的時候美美的~





呢道仲要有日藉師傅出黎為我地服務~





舊魚去到我面前還是超級熱辣辣的~~好似岩岩先係我面前燒完咁..但明明唔係~魚好好吃~~濃濃的煙燻味..好香~~最右邊哥舊炸野好好味..但忘了是什麼(誤)




進肴 日本鰻魚柳川鍋......其實食到之前哥道我已經飽飽地......呢個柳川鍋...係一人一盆!!!!!(雖然之前哥d都係一人一碟)....但一盆份量太大了!!!呢度有成8大舊鰻魚......我其實係澳門已經唔食鰻魚...因為怕激素多....所以...都係淺嚐算了.....蛋是挺好吃.....但我認為鰻魚只是還好~(因為如果好好味既話我係唔會理激素呢個問題...既然一般我就不勉強自己冒險~)...我覺得呢盆兩人分都唔過份...




強肴 米國和牛炭火燒......我之前係澳門睇餐牌時最期待的一道~而且侍應姐姐送上來時表明唔好再烤咁耐....要襯快食喇...如果唔係會過熟...咁我就梗係快快影完就食啦~~





見佢係我平時鐘意既粉紅粉紅~即刻塞入口~但........勁失望....................我完全食唔到牛味....入口質感勁似一舊肥豬肉.....舊肉勁多肥肉(唔好蝦我呀我食過和牛架)........呢種咁多肥肉既牛呢種生熟度很不配呢!!!!舊肉係完全咬唔爛囉....就係食到成口油食唔到牛味那感覺.......(寫既時候想起還是很難受....近年食過最難以入口既一道牛肉菜式)




食事 日本新秋刀魚土鍋御飯......黎到呢個位我真係飽到郁唔到......呢個份量係兩人份我也吃不消




個飯佢幫我地整好再分上....再上埋止椀 滑子汁醬油仕立....我想講.....可能我太飽影響我對呢個飯既觀感...我覺得有少少腥亨亨........(我平時唔係太怕腥哥類人..如果我話腥應該係幾嚴重哥種...但呢次我唔確定係咪因為我太飽而致)..醬瓜很好吃(因為開胃)




由於我之前訂位有跟餐廳e-mail往來了一下下..有說明有朋友生日之類之類...餐廳表示會上甜品時俾驚喜壽星...我以為佢會係似我地咁樣上甜品係碟邊寫下字.....點知一黎哥時....嚇到我地呢...真係好驚喜呢.......................呢個蛋糕...我相信係你人生中算係幾出位喇可?????????????碟邊的菜葉可是神來之筆呢~但很感謝餐廳的用心~謝謝~




水物 梨甲州煮,蜜桃起司慕斯,薩摩芋羊羹.....梨還好...最好味...係羊羹旁灑上糖粉的炸蕃薯片.............................





仲有甘味 紫芋黑糖饅頭...茶品 吉祥..........我覺得實在太多太多喇呢個餐.......個饅頭....食到成口油.......




毛寶生日仲有個小批送~多謝~佢話佢吹緊手指蠟燭~...多謝餐廳的安排~.......但我覺得以呢個價錢.....會有更多好既選擇..............................主菜部份真係令我很失望...呢餐我期待左超耐...但最令我失望就係呢餐~




今次番酒店終於無坐的士~因為食得太飽....決定行去搭捷運~呢日既收獲~係呀....我係買左10盒牙線呀!....有4盒係衰婆架!








2018/01/11的開心事：
今日無咩特別野發生添~
係喎!!!!我有無話俾你地知呀???
Supper Moment 2月10號係澳門有個show呀!!!!
係澳門既第一屆搖滾音樂會!!!!我已經買左飛喇~~
仲有野佬..Rubber band..ToNick..Kolor!!!
好野~~又可以見到Sunny bb喇~~~
但我真係估唔透佢今次係邊度上船....




報時：距離與媽媽慶生台北吃喝之旅2018仲有---77日~
報時：距離與毛寶慶生泰國食揼嘆之旅2018仲有---260日~
野~睇我對你幾好~
咁快就諗住你生日~~~~~~
(咦...阿媽生日同毛寶生日都搞掂..咁我個生日呢?)
好耐!!!係好鬼耐未去過泰國喇!!!
對上一次係2009年!!!!
我諗人地已經變左好多.....
我真係好老土......要去更更新先~~~~~~~~